Петӧм 13:3 - Коми Библия 2023

³ Мӧисей шуис войтырыслы: «Энӧ вунӧдӧй сійӧ лунсӧ, кор Господь вына кинас петкӧдіс тіянӧс Египетысь, и ті мынінныд нартитӧм улысь. Тайӧ лунӧ энӧ сёйӧй шоммӧдӧм нянь.

Петӧм 13:3 Referans Kwoze

Индӧд 24:18

Энӧ вунӧдӧй, мый ті асьныд вӧлінныд кесйӧг туйынӧсь Египетын, и Господь, тіян Енныд, мездіс тіянӧс сэтысь. Та вӧсна тшӧкта тіянлы тадзи вӧчны.

Индӧд 5:15

Эн вунӧд, мый Египетын тэ ачыд вӧлін кесйӧг туйын, но Господь, тэнад Енмыд, петкӧдіс тэнӧ сэтысь Ассьыс вына кисӧ да ён сойсӧ лэптӧмӧн. Та вӧсна Господь, тэнад Енмыд, тшӧктіс видзны шойччан лунсӧ [мед сійӧ лоас тэныд вежа].

Петӧм 20:2

«Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Индӧд 16:12

Энӧ вунӧдӧй, мый ті асьныд вӧлінныд Египетын кесйӧг туйынӧсь. Кывзысьӧмӧн олӧй тайӧ тшӧктӧмъясыс серти».

Индӧд 5:6

”Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Индӧд 15:15

Тӧд, мый тэ [тшӧтш] вӧлін кесйӧг туйын Египет муын, и Господь, тэнад Енмыд, мездіс тэнӧ нартитӧм улысь. Та вӧсна талун ме тшӧкта тэныд тадзисӧ вӧчны.

Индӧд 6:12

видзчысьӧй, медым [сьӧлӧмныд эз ылав да] ті энӧ вунӧдӧй Господьӧс, коді петкӧдіс тіянӧс Египет муысь нартитӧм улысь.

Индӧд 16:3

Тайӧ висьыскӧд энӧ сёйӧй шоммӧдӧм нянь. Сизим лун чӧж сёйӧй шомтӧм нянь, шогдырся няньнытӧ, ӧд ті тэрмасьӧмӧн петінныд Египет муысь. Тадзи став олӧм чӧжныд ті кутанныд казьтывны Египетысь петан лунтӧ.

Индӧд 8:14

видзчысьӧй, медым асьнытӧ вылӧ энӧ пуктӧй да энӧ вунӧдӧй Господьӧс, ассьыныд Ентӧ, ӧд Сійӧ петкӧдіс тіянӧс Египет муысь нартитӧм улысь.

Петӧм 13:14

Тэнад пиыд кӧ юалас, мыйла тэ тадзи вӧчан, висьтав сылы: ”Аслас вына кинас Господь петкӧдіс миянӧс Египет муысь нартитӧм улысь.

Нав Исус 24:17

Ӧд Господь – миян Ен. Сійӧ петкӧдіс миянӧс да батьяснымӧс Египет муысь нартитӧм улысь. Миян син водзын Сійӧ вӧчис ыджыд индысьпасъяс, видзис миянӧс ветлан туйясын, дорйис войтыръясысь, кодъяслысь мусӧ ми вуджим.

Индӧд 13:10

Сійӧ кежӧдӧ тіянӧс Господьысь, тіян Енмысь, коді петкӧдіс тіянӧс Египетысь нартитӧм улысь. Таысь сійӧс колӧ изъявны кувтӧдзыс.

Индӧд 24:22

Энӧ вунӧдӧй, мый ті асьныд вӧлінныд кесйӧг туйынӧсь Египетын. Та вӧсна тшӧкта тіянлы тадзи вӧчны.

Петӧм 12:42

Тайӧ войнас Господь петкӧдіс Египет муысь Израиль пиянӧс да видзис найӧс. Та вӧсна чужысьяссянь чужысьясӧдз израильсаяслы колӧ пасйыны тайӧ войсӧ да узьтӧг овны Господь водзын.

Индӧд 13:5

А пророкӧс да вӧтъяс аддзылысьӧс колӧ вины, мыйла сійӧ ышӧдіс тіянӧс паныд кыпӧдчыны Господьлы, тіян Енлы, коді петкӧдіс тіянӧс Египетысь да мездіс нартитӧм улысь. Бырӧдӧй лёксӧ ас пӧвстсьыныд, ӧд татшӧм мортыс кежӧдӧ тіянӧс туйысь, кыті Господь, тіян Енныд, тшӧктіс тіянлы муннысӧ.

Индӧд 4:34

Некутшӧм ен эз торйӧд аслыс войтыр мукӧд войтыр пӧвстысь чорыд мыждӧмъясӧн, шензьӧданаторъяс да индысьпасъяс вӧчӧмӧн, тыш отсӧгӧн, вына кисӧ да ён сойсӧ лэптӧмӧн, ыджыдсьыс-ыджыд повзьӧданаторъяс вӧчӧмӧн. Но Египетын ті аддзылінныд, мый тадзи вӧчис Господь, тіян Енныд.

Петӧм 23:15

Менам тшӧктӧм серти индӧм кадӧ авив тӧлысьӧ сизим лун чӧж пасйӧй Шомтӧм нянь сёян лунъяс. Сёйӧй сэки шомтӧм нянь. Ӧд авив тӧлысьӧ ті петінныд Египетысь. Энӧ локтӧй Ме водзӧ куш киӧн.

Петӧм 20:8

Эн вунӧд шойччан лунтӧ. Сійӧ мед лоас тэныд вежа.

Петӧм 12:19

Тіян керкаясын сизим лун чӧж мед оз ло няньшомыс. Коді кутас сёйны шоммӧдӧм нянь, сійӧс лоӧ бырӧдӧма Израиль войтыр пӧвстысь, йӧз муысь локтысь-ӧ сійӧ либӧ вужвойтырысь.

Петӧм 12:8

Войнас мед сёясны би вылын пражитӧм яйсӧ шомтӧм няньӧн да курыд турунъясӧн.

Петӧм 6:1

Господь шуис Мӧисейлы: «Ӧні тэ аддзан, мый Ме вӧча фараонлы. Ме лэпта киӧс сы вылӧ, и сійӧ лэдзас Менсьым войтырӧс, весиг вӧтлас найӧс аслас муысь».

Петӧм 3:20

Ме лэпта киӧс да мыжда Египетӧс шензьӧданаторъяс вӧчӧм пыр. Сӧмын та бӧрын фараон лэдзас тіянӧс.

Петӧм 12:15

Сизим лун чӧж сёйӧй шомтӧм нянь. Медводдза лунӧ петкӧдӧй няньшомсӧ керкасьыныд. Ӧд медводдза лунсяньыс сизимӧд лунӧдз коді кутас сёйны шоммӧдӧм нянь, сійӧс лоӧ бырӧдӧма Израиль войтыр пӧвстысь.

Псалтыр 105:5

медым ме босьті бур олӧмсӧ Тэнад бӧрйӧмаяскӧд, верми нимкодясьны Тэнад войтырыдкӧд, Тэнад бӧрйӧмаяскӧд ошкыны Тэнӧ.

Ефесӧ 1:19

да кутшӧм ыджыд Сылӧн вермана выныс, коді уджалӧ миян пытшкын, Сылы эскысьясын! Тайӧ жӧ вынсӧ

1 Коринфӧ 11:24

Енмӧс аттьӧалӧмӧн чегъяліс няньсӧ да шуис: «Босьтӧй, сёйӧй, тайӧ Менам яй, чегъялӧма тіян вӧсна. Вӧчӧй тайӧс Менӧ казьтывлӧм могысь».

1 Коринфӧ 5:8

Сідзкӧ, огӧ кутӧй пасйыны Ыджыд лунсӧ важ няньшомӧн: лёклунӧн да наянлунӧн. Кутам пасйыны сійӧс шомтӧм няньӧн: сӧстӧмлунӧн да збыльӧн.

Лука 22:19

Сэсся Исус босьтіс нянь, Енмӧс аттьӧалӧмӧн чегъяліс няньсӧ да велӧдчысьяслы сетігас шуис: «Тайӧ Менам яй, сійӧс лоӧ сетӧма тіян вӧсна. Вӧчӧй тайӧс Менӧ казьтывлӧм могысь».

Неемий 9:10

Тэ петкӧдлін индысьпасъяс да шензьӧданаторъяс фараонлы, сылӧн кесйӧгъяслы да сылӧн муын став олысьыслы, ӧд Тэ тӧдін, кутшӧм ёна египетса увтыртісны миянлысь батьяснымӧс. Тэ кыпӧдін Ассьыд нимтӧ, ӧнӧдз сійӧ ошкана.

1 Каднебӧг 16:12

Ті, Израильсянь чужысьяс, Господьлӧн кесйӧгъяс, Яковлӧн пиян, Господьлӧн бӧрйӧмаяс, энӧ вунӧдӧй Сылысь шензьӧданаторъяссӧ, индысьпасъяссӧ да веськыда мыждӧмсӧ.

Матвей 10:12

Керкаас пыриганыд сиӧй лӧнь олӧм.

Петӧм 6:6

Висьтав Израиль пиянлы: Ме – Господь. Ме чорыда мыжда Египет войтырӧс, а тіянӧс петкӧда налӧн нартитӧм улысь. Ме нюжӧда киӧс да мезда тіянӧс.

Петӧм 7:4

Фараон оз кывзы тіянӧс. Сэки Ме лэпта киӧс Египет му вылӧ да чорыда мыжда сійӧс, а Израиль войтырӧс, Ассьым тышкайӧзӧс, Ме петкӧда сэтысь.

Петӧм 12:17

Пасйӧй Шомтӧм нянь сёян лунъяс, ӧд тайӧ лунӧ тышкайӧзӧс моз Ме петкӧді тіянӧс Египетысь. Чужысьяссянь чужысьясӧдз пасйӧй тайӧ лунсӧ. Тайӧ тшӧктӧмыс тіянлы нэмъяс кежлӧ.

Петӧм 13:9

Тайӧ тшӧктӧмыс мед лоӧ ки вылад да плешкад пуктӧм пас кодь, медым тэ эн вунӧд Господьлысь Индӧдсӧ, ӧд Господь [Ен] вына кинас петкӧдіс тэнӧ Египетысь.

Индӧд 7:8

Господь бӧрйис тіянӧс сы вӧсна, мый радейтӧ тіянӧс да вӧчӧ тіян батьяслы кыв сетӧмыс серти. Та вӧсна Господь вына кинас [да ён сойнас] мездіс тіянӧс фараонлӧн, египетса ӧксылӧн, нартитӧм улысь.

Псалтыр 114:1

Ме нимкодяся, ӧд Господь кыліс менсьым гӧлӧс шыӧс, кыліс менсьым кевмӧмӧс.

Олӧм 15:16

Сӧмын нёльӧд чужанвужйын тэсянь чужысьяс бӧр локтасны татчӧ, ӧд аморейяслӧн мыж лыдыс эз на тыр».

Петӧм 6:7

Ті лоанныд Менам войтырӧн, а Ме – тіян Енмӧн. Ті тӧдмаланныд, мый Ме – Господь, тіян Енныд, коді петкӧдіс тіянӧс египетсалӧн нартитӧм улысь.

Петӧм 12:2

«Тайӧ тӧлысьыс мед лоас тіянлы волӧн медводдза тӧлысьӧн.

Петӧм 12:41

Нёльсё комын во тыран лунӧ войнас Господьлӧн став войтырыс тышкайӧз моз петіс Египетысь.

Петӧм 34:18

Пасйы Шомтӧм нянь сёян лунъяс. Сизим лун чӧж сёй шомтӧм нянь индӧм кадӧ авив тӧлысьӧ, кыдзи Ме тшӧкті тэныд, ӧд авив тӧлысьӧ тэ петін Египетысь.

Индӧд 6:21

Сэки вочавидз сылы тадзи: ”Ми вӧлім Египетын фараонлӧн нартитӧм улынӧсь, но Господь [Ен] Аслас вына кинас [да ён сойнас] петкӧдіс миянӧс сэтысь.

Индӧд 9:12

Господь шуис меным: ”Лэччы татысь ӧдйӧджык, ӧд тэнад войтырыд, кодӧс тэ петкӧдін Египетысь, сетчис пежас. Найӧ ӧдйӧ кежисны Менам туйысь, вунӧдісны Менсьым тшӧктӧмъясӧс. Найӧ вӧчисны аслыныс бӧлбанӧс”.

Индӧд 13:6

Тэнӧ кӧ вокыд, [батьыдлӧн пиыс либӧ] мамыдлӧн пиыс, аслад пиыд либӧ нылыд, радейтана гӧтырыд либӧ меддона ёртыд гусьӧн корас мунны сыкӧд да кесъявны мукӧд енъяслы, кодъясӧс ті да тіян батьясныд онӧ тӧдӧй,

Индӧд 13:11

Став Израиль войтыр мед кылас та йылысь да кутас повны, сэсся некод тіян пӧвстысь оз кут вӧчны татшӧм лёкторсӧ.

Индӧд 16:1

«Авив тӧлысьӧ тіян мед лоӧ Господьлы, тіян Енлы, сиӧм ыджыдлунся гаж, ӧд авив тӧлысьӧ Господь, тіян Енныд, петкӧдіс тіянӧс войнас Египетысь.

Индӧд 26:8

Господь петкӧдіс миянӧс Египетысь [Аслас ыджыд вынйӧрнас,] Ассьыс вына кисӧ да ён сойсӧ лэптӧмӧн, чорыда повзьӧдлӧмӧн, шензьӧданаторъяс да индысьпасъяс вӧчӧмӧн.

Ёрдысьяс 2:12

Найӧ эновтісны Господьӧс, батьясныслысь Енсӧ, коді петкӧдіс найӧс Египетысь. Найӧ пондісны юрбитны на гӧгӧр олысь войтыръяслӧн енъяслы. Тадзи скӧрмӧдісны Господьӧс.

Ёрдысьяс 6:8

Господь мӧдӧдіс налы пророкӧс. Пророк шуис: «Господь, Израильлӧн Ен, тадзи висьталӧ: ”Ме петкӧді тіянӧс Египетысь нартитӧм улысь.

Неемий 1:10

Господьӧй, найӧ ӧд Тэнад кесйӧгъяс, найӧ – Тэнад войтыр. Тэ мездін найӧс Аслад ыджыд вынйӧрӧн да вына киӧн.

Псалтыр 89:14

Быд асыв сет миянлы пӧткӧдчыны Тэнад буралӧмӧн, медым ми нимкодясим да гажӧдчим став олӧм чӧжным.

Еремей 34:13

«Господь, Израильлӧн Ен, тадзи висьталӧ: кор Ме петкӧді тіянлысь батьяснытӧ Египет муысь, кӧні вӧліны найӧ кесйӧг туйынӧсь, Ме кӧрталі накӧд йитӧд. Ме тшӧкті налы

Даниил 9:15

Господьӧй, миян Енмӧй, Аслад вына кинад Тэ петкӧдін Ассьыд войтыртӧ Египетысь. Тэ шедӧдін Аслыд нималӧм, и ӧніӧдз Тэ нималан, но ми мыж вӧчим да олім лёкнога.