Петӧм 11:1 - Коми Библия 2023

¹ Господь шуис Мӧисейлы: «Нӧшта ӧти бырӧдантор Ме мӧдӧда фараон да Египет вылӧ. Та бӧрын фараон лэдзас тіянӧс, сійӧ вӧтлӧмӧн вӧтлас тіянӧс.

Петӧм 11:1 Referans Kwoze

Левит 26:21

Весиг та бӧрын кӧ ті Меным паныд сувтанныд да онӧ кутӧй кывзысьны Менсьым, Ме сизим пӧвстӧн мыжда тіянӧс мыжъяссьыныд.

Олӧм 15:14

Но найӧс нартитысь войтырӧс Ме мыжда. Та бӧрти тэсянь чужысьясыд петасны сэтысь [да локтасны татчӧ] ыджыд озырлунӧн.

Петӧм 9:14

Ӧні Ме мӧдӧда став бырӧданторсӧ тэ вылӧ, тэныд кесъялысь йӧз да став войтырыд вылӧ, медым тэ гӧгӧрвоин, мый став му пасьтала Ме кодь мӧдыс абу.

Петӧм 3:20

Ме лэпта киӧс да мыжда Египетӧс шензьӧданаторъяс вӧчӧм пыр. Сӧмын та бӧрын фараон лэдзас тіянӧс.

Индӧд 4:34

Некутшӧм ен эз торйӧд аслыс войтыр мукӧд войтыр пӧвстысь чорыд мыждӧмъясӧн, шензьӧданаторъяс да индысьпасъяс вӧчӧмӧн, тыш отсӧгӧн, вына кисӧ да ён сойсӧ лэптӧмӧн, ыджыдсьыс-ыджыд повзьӧданаторъяс вӧчӧмӧн. Но Египетын ті аддзылінныд, мый тадзи вӧчис Господь, тіян Енныд.

Восьтӧм 16:9

Ёна пӧжӧмысла йӧзыс сотчисны да лёкӧдісны Енлысь нимсӧ, ӧд тайӧ бырӧданторъясыс вӧліны Енсянь. Но йӧзыс эз бергӧдчыны Енлань да эз ошкыны Сійӧс.

Иов 10:17

Тэ выльысь вайӧдан мыжалысьясӧс, ёнджыка на скӧралан ме вылӧ, шог бӧрся шог ыстан меным.

Ӧксыяслӧн 1 небӧг 6:4

Йӧзыс юалісны: «Мый миянлы ыстыны Сылы мыж вештан вись пыдди?» Мӧдъясыс шуисны: «Ыстӧй зарниысь вӧчӧм вит мыль да вит зарни крыса филистимса юралысьяслӧн лыд серти. Ӧд тіянӧс да тіянлысь юралысьяснытӧ мыждӧма ӧткодя.

Петӧм 6:1

Господь шуис Мӧисейлы: «Ӧні тэ аддзан, мый Ме вӧча фараонлы. Ме лэпта киӧс сы вылӧ, и сійӧ лэдзас Менсьым войтырӧс, весиг вӧтлас найӧс аслас муысь».

Петӧм 12:29

Войшӧр кадӧ Господь виис медводдза чужысьясӧс Египет муысь – юралысь фараонлӧн медводдза чужысьсянь да дзескыдінын пукалысьлӧн медводдза чужысьӧдз ставныс кулісны. Весиг ыж-мӧслӧн став медводдза чужысьыс куліс.