Петӧм 10:4 - Коми Библия 2023

⁴ А он кӧ лэдз Менсьым войтырӧс, аски [тайӧ кадас] тэнад му вылӧ Ме ыста саранча.

Петӧм 10:4 Referans Kwoze

Восьтӧм 9:3

Тшын пытшсьыс петіс му вылӧ саранча чукӧр. Налы вӧлі сетӧма мувывса скорпионъяслӧн кодь вын.

Йоиль 2:25

Ме вештыся тіянлы сійӧ вояссьыс, кор Ме ыстылі тіян вылӧ саранча, чиркъясӧс, гагъясӧс да лёльӧясӧс, медым тайӧ ыджыд тышкачукӧрыс сёйис быдтаснытӧ.

Шусьӧгъяс 30:27

Саранчалӧн ӧксыыс абу, но найӧ чукӧрӧн-чукӧрӧн кыпӧдчӧны.

Петӧм 9:18

Аски тайӧ кадас Египет вылӧ Ме кисьта зэв чорыд шер. Татшӧм шерыс ӧнӧдз на эз вӧвлы Египет муын.

Петӧм 9:5

Господь урчитіс кад. Сійӧ шуис, аски пӧ Египет муын вӧча тайӧс.

Петӧм 8:23

Ме торйӧда Ассьым войтырӧс тэнад войтырысь. Аски лоас тайӧ индысьпасыс [му вылын]».

Петӧм 8:10

Фараон вочавидзис: «Аски». Мӧисей шуис: «Лоас тэнад шуӧм серти. Сэки тэ тӧдмалан, мый Господь Енным кодь мӧдыс абу.

Петӧм 10:3

Мӧисей Ааронкӧд локтісны фараон дінӧ да шуисны сылы: «Господь, еврейяслӧн Ен, тадзи висьталӧ: ”Дыр-ӧ на тэ он раммӧдчы Ме водзын? Лэдз Менсьым войтырӧс, медым найӧ юрбитасны Меным.

Петӧм 10:5

Найӧ вевттясны мутӧ, муыд весиг оз кут тыдавны. Шер бӧрся кольӧм веж быдмӧгтӧ да видз-му вывсьыд пуястӧ найӧ сёясны.

Индӧд 28:38

Ті уна кӧдзанныд, но этша вунданныд, ӧд пуктаснытӧ сёяс саранча.

Петӧм 4:23

Тшӧкта тэныд: лэдз Менсьым пиӧс юрбитны Меным. А он кӧ лэдз, Ме виа тэнсьыд медводдза чужысь питӧ».

Петӧм 5:1

Мӧисей да Аарон локтісны фараон дінӧ да шуисны сылы: «Господь, Израильлӧн Ен, тадзи висьталӧ: ”Лэдз Менсьым войтырӧс мунны овтӧминӧ, медым найӧ пасъясны Меным сиӧм гаж”».