Петӧм 10:26 - Коми Библия 2023

²⁶ Миян ыж-мӧсным дзик ӧтитӧг мунасны миянкӧд. На пӧвстысь ми вись ваям Господьлы, асланым Енлы. Ӧд кытчӧдз ми огӧ воӧй колана местаӧдз, огӧ тӧдӧй, кутшӧм вись ковмас вайны Господьлы [миян Енлы]».

Петӧм 10:26 Referans Kwoze

Еврейяслы 11:8

Эскӧм вӧсна Ӧвраам кывзысис Енмыслысь да муніс кӧсйысьӧм муӧ. Сійӧ эз тӧд, кытчӧ мунӧ, но муніс.

2 Коринфӧ 8:5

Найӧ сетісны ёна унджык миян виччысьӧм дорысь. Ен кӧсйӧм серти найӧ сиисны асьнысӧ медводз Господьлы, сэсся миянлы.

Закар 14:20

Сійӧ лунӧ весиг вӧв тіньган вылын лоӧ гижӧма: «Вежӧдӧма-торйӧдӧма Господьлы». Господьлӧн крамын став пӧртйыс лоӧ вежа, висьпуктаніндорса вир резан тасьті кодь вежа.

Осий 5:6

Асланыс ыжъясӧн да ӧшъясӧн найӧ мунасны корсьны Господьӧс, но оз аддзыны Сійӧс, ӧд Сійӧ ылыстчис наысь.

Исай 23:18

Но Тирлысь сьӧмсӧ, мый сійӧ чукӧртіс асьсӧ вузалысь ань моз, лоӧ торйӧдӧма Господьлы. Сійӧс оз чукӧртны, оз дзебны амбарӧ. Став сьӧмсӧ лоӧ сетӧма Господь водзын кесъялысьяслы, медым найӧ пӧттӧдзныс сёясны да бура пасьтасясны.

Шусьӧгъяс 3:9

Пыдди пукты Господьӧс – сет аслад эмбурысь, вай Сылы ассьыд медводдза няньтӧ да вотӧстӧ,

Петӧм 12:32

Босьтӧй аскӧдныд ыж-мӧснытӧ, кыдзи ті шулінныд. Мунӧй да бурсиӧй менӧ!»

Петӧм 10:9

Мӧисей вочавидзис: «Ми мунам ставным, том и пӧрысь, ныв-пиным и ыж-мӧсным. Тайӧ ӧд Господьлы [миян Енлы] сиӧм гаж».

Петӧм 10:25

Но Мӧисей вочавидзис: «[Огӧ!] Тэныд колӧ лэдзны тшӧтш миянлысь ыж-мӧснымӧс, медым ми вермим вайны Господьлы, асланым Енлы, сотан висьяс да мукӧд висьяс.

Петӧм 8:27

Ми кӧсъям мунны овтӧминӧ куим лун мунан ылнаӧ да сэні вайны Господьлы, асланым Енлы, сэтшӧм вись, кутшӧмӧс Сійӧ тшӧктас».