Петӧм 10:19 - Коми Библия 2023

¹⁹ Рытыввывсянь Господь кыпӧдіс ён тӧвныр, и тӧлыс лэбӧдіс саранчаӧс Гӧрд саридзӧ. Египет му пасьтала весиг ӧти саранча эз коль.

Петӧм 10:19 Referans Kwoze

Йоиль 2:20

Войвывсянь уськӧдчысьясӧс Ме ылыста тіян дінысь, вӧтла найӧс ватӧм куш муӧ, водзвылас мунысьясӧс Ме вӧйта асыввыв саридзӧ, бӧрвылас мунысьясӧс – рытыввыв саридзӧ. Унасьыс-уна лёктор вӧчӧмсьыс налӧн шойысь пондас ӧвтны сісьмӧм лёк дук.

Еврейяслы 11:29

Эскӧмӧн Израиль войтыр вуджис Гӧрд саридз вомӧн. Найӧ мунісны сэті косінті моз. Египетсаяс тшӧтш на моз кӧсйисны вуджны, но ставныс вӧйисны.

Петӧм 15:4

Фараонлысь тарантасъяссӧ да тышкайӧзсӧ Сійӧ пӧдтіс саридзын, тышкайӧзӧн медбур веськӧдлысьяс вӧйисны Гӧрд саридзӧ.

Петӧм 13:18

Та вӧсна Ен нуӧдіс войтырсӧ Гӧрд саридзлань кытшола туйӧд, овтӧминті. Израиль войтыр петіс Египет муысь тышкайӧз моз чукӧръясӧн.

Петӧм 10:18

Мӧисей петіс фараон дінысь да кевмысис Господьлы.

Петӧм 10:20

Но Господь чорзьӧдіс фараонлысь сьӧлӧмсӧ, и фараон эз лэдз Израиль пиянӧс.