Петӧм 10:16 - Коми Библия 2023

¹⁶ Мӧисейлы да Ааронлы тшӧктісны ӧдйӧджык локны фараон дінӧ. Сійӧ шуис налы: «Ме мыжа Господь Енныд водзын да тіян водзын.

Петӧм 10:16 Referans Kwoze

Петӧм 9:27

Фараон корис Мӧисейӧс да Ааронӧс, сэсся шуис налы: «Ӧні ме мыж вӧчи. Господь веськыд, а ме да менам войтырӧй – мыжаӧсь.

Матвей 27:4

да шуис налы: «Ме мыж вӧчи, мыжтӧм мортӧс вузалі». Найӧ вочавидзисны: «Миянлы нӧ мый? Ачыд ӧд тӧдін».

Шусьӧгъяс 28:13

Коді дзебӧ мыжъяссӧ, сылӧн нинӧм оз артмы, но коді висьтасьӧ да дугдӧ мыж вӧчны, сы дінӧ Енмыс буралӧ.

Ӧксыяслӧн 2 небӧг 19:20

Ме тӧда, мый ме мыжа. Та вӧсна Ӧсип рӧдысь ме медводдзаӧн локті, мед вочаавны тэнӧ, ӧксыӧй-ыджыдӧй».

Ӧксыяслӧн 1 небӧг 26:21

Саул шуис: «Ме мыжа. Лок бӧр, Давид пиӧй. Ме сэсся ог кут вӧчны тэныд лёксӧ, ӧд тэ эн босьт менсьым олӧмӧс. Шогмытӧмтор ме вӧчи, нем думышттӧг».

Ӧксыяслӧн 1 небӧг 15:30

Саул шуис: «Ме мыжми. Но эн янӧд менӧ Израильлӧн юрнуӧдысьяс водзын да аслам войтыр водзын. Лок, бӧр мунам, и ме копыртчыла Господьлы, тэнад Енлы».

Ӧксыяслӧн 1 небӧг 15:24

Саул вочавидзис Самуиллы: «Ме мыж вӧчи – торки Господьлысь тшӧктӧмсӧ да эг вӧч тэнад шуӧм серти. Ме йӧзсьыс полі, та вӧсна кывзі найӧс.

Лыд 22:34

Валаам шуис Господьлӧн анделлы: «Ме мыжа. Ме эг тӧд, мый Тэ сулалан менам туй вылын. Тэ кӧ он кӧсйы, мед ме муні, ме бӧр бергӧдча».

Лыд 21:7

Сэки войтырыс локтіс Мӧисей дінӧ да шуис: «Ми мыжмим, кор шуасим Господь вылӧ да тэ вылӧ. Кевмысь Господьлы, медым Сійӧ ылыстас миян дінысь змейяссӧ». Мӧисей кевмысис Господьлы войтырыс вӧсна.

Петӧм 8:8

Фараон корис Мӧисейӧс Ааронкӧд да шуис налы: «Кевмысьӧй Господьлы, мед Сійӧ вештас ме дінысь да менам войтыр дінысь жабаясӧс. Сэсся ме лэдза Израиль войтырӧс мунны, медым Господьлы вайны вись».

Петӧм 8:25

Фараон корис Мӧисейӧс Ааронкӧд да шуис налы: «Мунӧй да вайӧй тайӧ муас [Господьлы] асланыд Енлы висьнытӧ».

Ӧксыяслӧн 2 небӧг 24:10

Войтырсӧ арталӧм бӧрын Давидлы сьӧкыд лои сьӧлӧм вылас. Сійӧ шуис Господьлы: «Ме, Тэнад кесйӧг, мыжа сыысь, мый лыдди войтырӧс. Кора Тэнӧ, Господьӧй, вешты ме вылысь мыжӧс. Ме мывкыдтӧг вӧчи».

Ӧксыяслӧн 2 небӧг 24:17

Кор Давид аддзис войтырӧс бырӧдысь анделӧс, шыасис Господь дінӧ: «Ме мыжаыс. Ме [ыж видзысь] вӧчи та ыджда лёкторсӧ, а тайӧ ыжъясыс абу мыжаӧсь. Мыжды менӧ да менсьым рӧдӧс!»