Осий 9:3 - Коми Библия 2023

³ Водзӧ тэ он понды овны Господьлӧн муын – Ефремлы бӧр ковмас мунны Египетӧ, Ассурын сійӧ пондас сёйны пеж сёян.

Осий 9:3 Referans Kwoze

Езекиль 4:13

Господь шуис: «Тадзи Израиль пиян тшӧтш кутасны сёйны пеж нянь войтыръяс пӧвстын, кытчӧ вӧтла-разӧда найӧс».

Осий 8:13

Сійӧ висьяс вайӧ, сэсся яйсӧ сёйӧ, но Господьлы тайӧ висьясыс абу шогманаӧсь. Господь казьтыштас Ефремлысь лёк вӧчӧмсӧ да мыждас сійӧс мыжъяссьыс, сэки сылы бӧр ковмас мунны Египетӧ.

Левит 25:23

«Мунытӧ пыр кежлӧ энӧ вузалӧй, ӧд сійӧ Менам, а ті сэні йӧз муысь локтысьяс, Менам муӧ овмӧдчысьяс.

Еремей 2:7

Ме вайӧді тіянӧс муӧ, кӧні быдмӧны сад йӧръяс, медым ті пӧткӧдчинныд вотӧснас да бурторъяснас. Но ті локтінныд да пежалінныд Менсьым муӧс, вӧчинныд сійӧс зывӧкторйӧн.

Осий 7:11

Ефрем лои вежӧртӧм гулю кодь, нинӧм оз гӧгӧрво: отсӧг корӧ Египетлысь, мунӧ Ассурӧ.

Даниил 1:8

Даниил шуис аслыс, мый оз кут пежавны асьсӧ сёянӧн да винаӧн, мый ӧксы сёйӧ-юӧ. Та вӧсна Даниил корис ыджыд чинаясӧн веськӧдлысьлысь, медым сійӧ лэдзас сёйны-юны мӧдтор, а оз пежалысь сёян-юан.

Еремей 16:18

Налӧн мыжъясысь да лёк вӧчӧмъясысь Ме кык пӧвстӧн налысь водзӧс перъя, перъя сыысь, мый найӧ пежалісны Менсьым муӧс зывӧк идолъяснаныс, тыртісны пежторъяснаныс».

Ӧксыяслӧн 4 небӧг 17:6

Осийлӧн ӧкмысӧд веськӧдлан воӧ ассурса ӧксы босьтіс карсӧ. Израильсаясӧс нуӧдіс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

Ӧксыяслӧн 3 небӧг 9:7

сэки Ме бырӧда Израиль войтырӧс сійӧ му вывсьыс, мый Ме сеті налы. А тайӧ крамсӧ, мый Ме вежӧді-торйӧді Аслым, Ме ӧтдорта Аслам чужӧмбан водзысь, и Израиль войтыр лоӧ серамтуйын войтыръяс пӧвстын.

Индӧд 28:63

Кыдзи Господь нимкодясис, кор вӧчис тіянлы бурсӧ да содтіс тіянӧс, сідзи жӧ Сійӧ кутас нимкодясьны, кор бырӧдас тіянӧс. Вужнаныд тіянӧс лоӧ нетшыштӧма сійӧ мусьыс, кытчӧ ті мунанныд сійӧс босьтӧм могысь.

Индӧд 4:26

Талун енэжыс да муыс водзын шуа, мый татшӧмсӧ вӧчӧм вӧсна ті регыдъя кадӧн быранныд сійӧ му вывсьыс, кодӧс босьтны вуджанныд Йӧрдан ю сайӧ. Ті онӧ дыр кутӧй сэні овны, тіянӧс лоӧ бырӧдӧма.

Ап. уджъяс 10:14

Петыр шуис: «Ог, Господьӧй. Ме некор эг сёйлы нинӧм шогмытӧмсӧ да пежсӧ».

Микей 2:10

Чеччӧй, мунӧй татысь! Шойччаніныс тані тіянлы оз ло, ӧд пежасьӧмыс вӧсна мусӧ куштасны, мусӧ лоӧ дзикӧдз бырӧдӧма.

Осий 11:11

повзьӧдӧм лэбачьяс моз найӧ жбыркнитасны Египетысь, гулюяс моз – Ассур муысь. Ме овмӧда найӧс асланыс керкаясӧ, – висьталӧ Господь.

Осий 11:5

Найӧ эз кӧсйыны бергӧдчыны Ме дінӧ, та вӧсна налы бӧр ковмас мунны Египетӧ, Ассур кутас ыджыдавны на вылын.

Осий 9:6

Ті пышйинныд бырӧдӧмысь, но Египет чукӧртас тіянӧс, Мемфис кар гуалас тіянӧс. Тіянлысь эзысьнытӧ пӧдтас петшӧр, чомъяснытӧ кытшалас лежнӧг.

Нав Исус 23:15

Кыдзи збыльмис тіянлы Господь Енныдлӧн быд бурсиӧмыс, сідзи Сійӧ збыльмӧдас став ёрӧмсӧ, кытчӧдз оз бырӧд тіянӧс тайӧ бур му вывсьыс, мый сетіс тіянлы.

Индӧд 28:68

Господь бӧр бергӧдас тіянӧс Египетӧ корабльяс вылын сійӧ туйӧдыс, мый йылысь ме шулі тіянлы, мый некор сэсся онӧ аддзылӧй сійӧс. Сэні ті ставныд, айулов и аньяс, кутанныд вӧзйыны вӧрӧглы, медым босьтас тіянӧс кесйӧг туйӧ, но некод оз ньӧб тіянӧс».

Левит 20:22

Кутчысьӧй Менам индӧд-тшӧктӧмъясӧ, олӧй на серти, сэки муыс, кытчӧ тіянӧс нуӧда, оз быликты тіянӧс.

Левит 18:28

Энӧ пежалӧй мусӧ, ӧд и тіянӧс муыс вермас быликтыны, кыдзи быликтіс тіянӧдз сэні олысь войтыръясӧс.

Бӧрданкыв 5:6

Египетлысь ми корим отсӧг, Ассурлысь корим нянь.

Осий 7:16

Найӧ оз кӧсйыны бергӧдчыны Медвылыссаыс дінӧ, найӧ лоины личалӧм ньӧввуж кодьӧсь. Налӧн юралысьясныс шыпурт помысь усясны, лёк кывныс вӧсна куласны, и Египет муын найӧс кутасны лёкӧдны.

Амос 7:17

Та вӧсна Господь тадзи висьталӧ: – Тайӧ карас гӧтырыд лоас кырсалысь аньӧн, ныв-пиыд кулас шыпурт помысь, мутӧ мурталӧмӧн юкласны. Пеж муын тэ кулан, а Израиль войтырӧс нуӧдасны пленӧ».