Осий 9:12 - Коми Библия 2023

¹² Весиг кӧ быдтасны челядьнысӧ, Ме босьта найӧс. Курыд шог лоӧ Ефремлы, кор Ме бергӧдча сыысь.

Осий 9:12 Referans Kwoze

Осий 7:13

Курыд шог Израиль войтырлы, ӧд найӧ ылыстчисны Меысь! Найӧ бырасны, ӧд кыпӧдчисны Меным паныд! Ме кӧсйи мездыны найӧс, но найӧ ылӧгсӧ висьтавлісны Ме йылысь.

Осий 9:16

Ефремӧс пасьвартӧма! Сылӧн вужйыс косьмӧма, вотӧссӧ сійӧ оз кут вайны. Но весиг кӧ найӧ пондасны чужтыны, Ме виа налысь дона чужтӧмторъяснысӧ.

Индӧд 32:25

Коді лоӧ ывлаын, кулас шыпурт помысь, коді лоӧ гортас, весьӧпӧрас. Виӧма лоӧ ныв-зонмӧс, пузчужӧм кагаӧс и дзор юраӧс.

Индӧд 31:17

Сійӧ лунӧ Ме скӧрма на вылӧ да эновта найӧс. Ме тупка Ассьым чужӧмбанӧс наысь, и уна шог да сьӧкыдлун суас найӧс. Сійӧ лунӧ найӧ шуасны, мый шогъясыс суисны найӧс сы вӧсна, мый [Господь] налӧн Енныс абу накӧд.

Осий 9:13

Кор Ме аддзи Ефремӧс, сійӧ вӧлі бур муӧ вужйӧдӧм пу кодь, но ӧні Ефрем нуӧдӧ ассьыс челядьсӧ виысь дінӧ.

Бӧрданкыв 2:20

Видзӧдлы, Господьӧй, видзӧдлы, кодлы Тэ тадзисӧ вӧчин! Мамъяс сёйӧны челядьнысӧ, морӧснас нёньӧдӧм каганысӧ. Господьлӧн вежаинын куйлӧны виӧм попъяс да пророкъяс.

Еремей 15:7

Тӧлӧдчан зырйӧн Ме шердъя Ассьым войтырӧс, шыблала найӧс каръяссьыныс. Ме виала налысь ныв-пинысӧ, бырӧда Ассьым войтырӧс, ӧд найӧ эз бергӧдчыны асланыс туй вылысь.

Иов 27:14

мед кӧ сылӧн пияныс уна, найӧ шыпурт улӧ веськаласны, сысянь чужысьяслы оз ло пӧтмӧн няньыс.

Ӧксыяслӧн 4 небӧг 17:23

кытчӧдз Господь эз вешты найӧс Аслас чужӧмбан водзысь. Та йылысь Сійӧ водзвыв висьтавліс пророкъяс пыр, кодъяс кесъялісны Сылы. Израильсаясӧс вӧлі нуӧдӧма асланыс муысь Ассурӧ, кӧні найӧ ӧнӧдз олӧны.

Ӧксыяслӧн 4 небӧг 17:18

Господь чорыда скӧрмис Израиль войтыр вылӧ, вештіс найӧс Аслас чужӧмбан водзысь, а колис сӧмын Иуда чужанкотырӧс.

Ӧксыяслӧн 1 небӧг 16:14

Саул дінысь Господьлӧн Лолыс вешйис. Господь ыстіс пеж лолӧс, и сійӧ кутіс топӧдны Саулӧс.

Ёрдысьяс 4:16

Варак вӧтӧдіс сылысь тарантасъяссӧ да тышкайӧзсӧ Харошет-Гоим карӧдз. Сисарлӧн став тышкайӧзыс кулісны шыпурт помысь, некод ловйӧн эз коль.

Индӧд 28:32

Ныв-пиыд шедас мукӧд войтырлӧн киӧ, и тэ нинӧм он вермы вӧчны. Найӧс лунысь-лун виччысьӧмысь синмыд чусмас.

Лыд 26:65

Ӧд Господь вӧлі шуӧма налы, мый куласны овтӧминын. Ефуннилӧн Калев пи да Навлӧн Исус пи кындзи наысь некод ловйӧн эз коль.

Еремей 6:8

Вежӧрсяв, Ерусалим, медым Ме эг бергӧдчы тэысь, медым Ме эг вӧч тэнӧ овтӧминӧн, сэтшӧм муӧн, кӧні некод оз ов.

Малакий 2:12

Господь мед бырӧдас Яков рӧдысь быдӧнӧс, коді дорйӧ татшӧмтор вӧчысьӧс. Мед оз сюр некод, коді эськӧ сы вӧсна вись ваяс Господь Саваофлы.

Лыд 14:34

Нелямын лун чӧж ті видзӧдалінныд мусӧ, и нелямын во чӧж ті понданныд нуны мыждӧмсӧ – ӧти лун пыдди ӧти во. Тадзи ті тӧдмаланныд, кутшӧм лоӧ олӧмныд, кор Ме эновта тіянӧс.

Индӧд 28:18

Ёрӧма тэнсьыд ныв-питӧ, мувыв быдтас-вотӧстӧ, мӧсъясыдлысь куканьяссӧ да ыжъясыдлысь баляяссӧ.

Бӧрданкыв 2:22

Гаж вылӧ моз быдласянь Тэ вайӧдін бырӧдысьӧс. Господьлӧн скӧралан лунӧ некод эз мездмы, некод ловйӧн эз коль. Найӧс, кодъясӧс ме чужті-быдті, бырӧдіс менӧ мустӧмтысь.