Осий 8:7 - Коми Библия 2023

⁷ Найӧ кӧдзӧны тӧвныр, вундӧны бушков. Няньыс налӧн оз шептась, пызьыс налӧн оз ло. А шептасяс кӧ, няньсӧ мукӧдъяс сёясны.

Осий 8:7 Referans Kwoze

Шусьӧгъяс 22:8

Ылӧгсӧ кӧдзысь вундас шог, пом воас сылӧн чорыд дзескӧдӧмлы. [Сьӧлӧмсяньыс сетысьӧс Енмыс радейтӧ, содтас сылы, мый оз судзсьы.]

Иов 4:8

Ме аддзылі, мый лёксӧ гӧрысьяс да шогсӧ кӧдзысьяс асьныс вундӧны лёксӧ да шогсӧ.

Галатӧ 6:7

Асьнытӧ энӧ ылӧдлӧй – Енмыс серамтуйын оз ло. Мортыд мый кӧдзас, сійӧс и вундас.

Наум 1:3

Господь дыр терпитӧ, Сылӧн выныс помтӧм-дортӧм, Сійӧ оз коль лёксӧ мыждытӧг. Господь локтӧ тӧвныр да бушков моз, Сылӧн воськовъясысь бус моз кыпӧдчӧны кымӧръяс.

Осий 7:9

Локтысьяс чурскисны сылысь вынсӧ, а сійӧ эз казявлы тайӧс. Юрсиыс сылӧн дзормис, а сійӧ оз и тӧд та йылысь.

Осий 2:9

Та вӧсна вундан кадӧ Ме бӧр босьта Ассьым няньӧс, вотӧс чукӧртан кадӧ босьта Ассьым винаӧс. Ме мырддя Ассьым вурунӧс да шабдіӧс, мыйӧн сійӧ вевттьӧ ассьыс куш яйсӧ.

Еремей 12:13

Менам войтырӧй кӧдзис шобді, а вундіс йӧн. Найӧ ёна мырсисны, но ставыс весьшӧрӧ. Мед тіянлы яндзим лоӧ нянь чукӧртіганыд, ӧд Господьлӧн яр скӧрлуныс вӧсна суис тіянӧс тайӧ.

Исай 66:15

Со, Господь локтӧ би моз, Сылӧн тарантасъясыс ыджыд тӧвныр кодьӧсь. Сійӧ кисьтас Ассьыс скӧрлунсӧ ыджыд ярлунӧн, петкӧдлас Ассьыс мыждӧмсӧ ыпъялысь биӧн.

Исай 17:11

Найӧс пуктан лунӧ тэ тӧждысин, медым бура быдмисны, медым водз дзоридзалісны. Но вотӧс чукӧртан кадӧ вотӧсыс оз ло, а дой да висьӧм лоӧ.

Еклесиаст 5:16

Став олӧмсӧ сійӧ коллялӧ пемыдас, шогсьӧ-майшасьӧ, элясьӧ да скӧралӧ.

Ӧксыяслӧн 4 небӧг 15:29

Пекахлӧн ӧксыалӧм дырйи Израиль вылӧ уськӧдчис ассурса Тиглатпаласар ӧксы. Сійӧ босьтіс Ийон, Авел-Бет-Маака, Янох, Кедеш да Хацор каръяс, Галаад, Галилея да Неффалим муяс. Сэтчӧс олысьяссӧ нуӧдіс Ассурӧ.

Ӧксыяслӧн 4 небӧг 15:19

Ассурса Пул ӧксы уськӧдчис Израиль му вылӧ. Менаим сетіс Пуллы сюрс талант эзысь, медым мӧдыс отсаліс сылы зумыдмӧдны юралӧмсӧ.

Индӧд 28:33

Тӧдтӧм войтыр кутас сёйны тэнсьыд мувыв быдтас-вотӧстӧ, сёяс ставсӧ, мый чукӧртін. Став олӧм чӧжныд ті лоанныд дзескӧдӧм да нартитӧм улынӧсь.

Галатӧ 6:8

Кӧдзас кӧ вир-яяс, вундас сысянь кулӧм. Лолас кӧ кӧдзас, вундас Ловсянь помтӧм олӧм.

Исай 55:2

Мыйла ті сьӧм мынтанныд сыысь, мый абу сёян? Мыйла ті удждоннытӧ сетанныд сыысь, мый оз пӧткӧд? Сюся кывзӧй Менӧ да пӧткӧдчӧй бурнас, сэки тіян ловныд пондас нимкодясьны.

Бӧрданкыв 5:2

Миян муным вуджис мукӧдлы, керкаясным – локтысь йӧзлы.

Осий 9:16

Ефремӧс пасьвартӧма! Сылӧн вужйыс косьмӧма, вотӧссӧ сійӧ оз кут вайны. Но весиг кӧ найӧ пондасны чужтыны, Ме виа налысь дона чужтӧмторъяснысӧ.

Аггей 1:6

Ті уна кӧдзанныд, но этша вунданныд, ті сёянныд, но онӧ пӧтӧй, ті юанныд, но горшныд оз веськав, ті пасьтасянныд, но онӧ шоналӧй, ті мырсянныд-уджаланныд, но зепныд век куш.

Олӧм 41:23

На бӧрся быдмисны омӧль, косьмӧм да асыв тӧлӧн кельдӧдӧм сизим шеп.