Осий 7:11 - Коми Библия 2023

¹¹ Ефрем лои вежӧртӧм гулю кодь, нинӧм оз гӧгӧрво: отсӧг корӧ Египетлысь, мунӧ Ассурӧ.

Осий 7:11 Referans Kwoze

Осий 12:1

Ефрем кыйӧдӧ тӧвныр, вӧтлысьӧ асыв тӧв бӧрся, быд лун содтӧ пӧръясьӧмсӧ да виалӧмсӧ, Ассуркӧд кӧрталӧ йитӧдъяс, Египетӧ нуӧ вый.

Осий 5:13

Кор Ефрем аддзис ассьыс висьӧмсӧ, а Иуда – ассьыс дойяссӧ, сэки Ефрем муніс Ассурӧ, ыстіс ассьыс йӧзсӧ Ярев ӧксы дінӧ. Но сійӧ оз вермы сетны тіянлы дзоньвидзалун, оз вермы бурдӧдны дойяснытӧ.

Осий 11:11

повзьӧдӧм лэбачьяс моз найӧ жбыркнитасны Египетысь, гулюяс моз – Ассур муысь. Ме овмӧда найӧс асланыс керкаясӧ, – висьталӧ Господь.

Осий 4:11

Кырсалӧмыс да вина юӧмыс пемдӧдіс налысь вежӧрсӧ.

Осий 9:3

Водзӧ тэ он понды овны Господьлӧн муын – Ефремлы бӧр ковмас мунны Египетӧ, Ассурын сійӧ пондас сёйны пеж сёян.

Осий 14:3

Кевмысьӧмӧн бергӧдчӧй Господь дінӧ, шуӧй Сылы: прӧстит миянлысь мыжъяснымӧс да сибӧд миянлысь козиннымӧс, ӧш пыдди ми ваям Тэныд кевмысьӧмнымӧс.

Еремей 2:36

Мыйла тэ дугдывтӧг шӧйтан, ӧтарӧ-мӧдарӧ вежлалан ассьыд туйтӧ? Ассур моз Египет янӧдас тэнӧ.

Еремей 2:18

Мый бурыс тэныд сыысь, мый тэ мунан Египетӧ, медым юны Нил юысь васӧ? Мый бурыс тэныд сыысь, мый тэ мунан Ассурӧ, медым юны Ефрат юысь васӧ?

Шусьӧгъяс 17:16

Вежӧртӧмлӧн кӧ абу вежӧрыс, медым мывкыдсявны, мый сылы озырлунсьыс? [Керкасӧ джуджыда лэптысьӧс бырӧдӧм суас, коді оз кӧсйы велӧдчыны, лёкас усьӧ.]

Шусьӧгъяс 15:32

Велӧдӧмсӧ ӧтдортысь аслас олӧмыс вӧсна оз тӧждысь, ӧлӧдӧмсӧ кывзысь вежӧрсялӧ.

Шусьӧгъяс 6:32

Йӧз гӧтыркӧд кырсалысь воштӧма вежӧрсӧ, кырсалӧмнас сійӧ ассьыс ловсӧ виӧ.

Ӧксыяслӧн 4 небӧг 15:19

Ассурса Пул ӧксы уськӧдчис Израиль му вылӧ. Менаим сетіс Пуллы сюрс талант эзысь, медым мӧдыс отсаліс сылы зумыдмӧдны юралӧмсӧ.

Матвей 10:16

Ме мӧдӧда тіянӧс ыжъясӧс моз кӧинъяс пӧвстӧ. Лоӧй змей кодь сюсьӧсь да гулю кодь рамӧсь.

Осий 4:6

Бырӧдӧма лоӧ Менсьым войтырӧс, ӧд найӧ оз тӧдны Менӧ. Тэ нинӧмӧ пуктін тӧдӧмлунсӧ, та вӧсна Ме вешта тэнӧ Ме водзын кесъялӧмысь. Тэ вунӧдін аслад Енлысь Индӧдсӧ, а Ме вунӧда тэнсьыд ныв-питӧ.

Осий 5:4

Налӧн уджъясныс оз лэдзны налы бергӧдчыны асланыс Ен дінӧ, ӧд на пытшкын кырсалан ру, найӧ оз тӧдны Господьӧс.

Осий 8:13

Сійӧ висьяс вайӧ, сэсся яйсӧ сёйӧ, но Господьлы тайӧ висьясыс абу шогманаӧсь. Господь казьтыштас Ефремлысь лёк вӧчӧмсӧ да мыждас сійӧс мыжъяссьыс, сэки сылы бӧр ковмас мунны Египетӧ.

Осий 9:6

Ті пышйинныд бырӧдӧмысь, но Египет чукӧртас тіянӧс, Мемфис кар гуалас тіянӧс. Тіянлысь эзысьнытӧ пӧдтас петшӧр, чомъяснытӧ кытшалас лежнӧг.

Ӧксыяслӧн 4 небӧг 16:7

Ахаз мӧдӧдіс юӧртысьясӧс ассурса Тиглатпаласар ӧксы дінӧ да тшӧктіс шуны сылы: «Ме – тэнад кесйӧг, тэнад пи. Лок да мезды менӧ арамса да израильса ӧксыяслӧн киысь, ӧд найӧ тышӧ петісны меным паныд».

Осий 12:2

Господь мыжалӧ Иудаӧс, Сійӧ мыждас Яковӧс олан туйсьыс, мынтысяс сылы уджъясыс серти.

Авдий 1:7

Тэкӧд йитӧд кӧрталысьяс вӧтласны тэнӧ аслад муысь, тэнад ёртъясыд пӧръяласны да вермасны тэнӧ, тэнсьыд няньтӧ найӧ пуктасны тэ водзӧ нальк пыдди. Но Исавсянь чужысьяс тайӧс оз гӧгӧрвоны.