Осий 6:5 - Коми Библия 2023

⁵ Та вӧсна Ме нӧйтлі тіянӧс пророкъяс пыр, Аслам кывъясӧн виавлі тіянӧс. Менам веськыда мыждӧмӧй югдӧдысь югӧр кодь.

Осий 6:5 Referans Kwoze

Еремей 23:29

Менам кывйӧй ӧд би кодь, – висьталӧ Господь, – сійӧ изкырта жуглысь ыджыд мӧлӧт кодь.

Еремей 1:10

Талун Ме пукта тэнӧ войтыръяслы юӧртысьӧ, медым нетшкыны да жуглыны, бырӧдны да пазӧдны, выльысь тэчны да вужйӧдны.

Еремей 5:14

Господь Ен Саваоф тадзи висьталӧ: – Сыысь, мый найӧ шуалӧны татшӧм кывъяс, Ме пукта Ассьым кывъясӧс тэнад вомӧ, и вӧча найӧс биӧн. А тайӧ войтырыс лоӧ пескӧн, и биыс ньылыштас найӧс.

Еврейяслы 4:12

Енлӧн кывйыс ловъя да вына. Сійӧ ёсьджык на кыкнанладорсяньыс лэчтӧм шыпуртысь. Сійӧ пыдӧдз мӧрччӧ, торйӧдӧ мортлысь ловсӧ да олӧмсӧ, лысӧ да вемсӧ, восьтӧ мортлысь сьӧлӧмпытшса мӧвпъяссӧ да кӧсйӧмъяссӧ.

Римӧ 2:5

Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.

Восьтӧм 9:21

Найӧ эз бергӧдчыны морт виӧмысь, тшыкӧдчӧмысь, кырсалӧмысь да гусясьӧмысь.

Восьтӧм 9:15

Сэки нёльнан анделсӧ вӧлі лэдзӧма. Найӧ вӧліны дасьӧсь тайӧ часыс, луныс, тӧлысьыс да воыс кежлӧ, медым вины йӧзыслысь коймӧд юкӧнсӧ.

Восьтӧм 2:16

Бергӧдчы таысь! Он кӧ бергӧдчы, регыд локта тэ дінӧ да тышкася накӧд Менам вомысь петысь шыпуртӧн.

Восьтӧм 1:16

Веськыд киас Сійӧ кутіс сизим кодзув, а вомсьыс петіс кыкнанладорсяньыс лэчтӧм ёсь шыпурт. Сылӧн чужӧмыс дзирдаліс яръюгыд шонді моз.

Ап. уджъяс 7:31

Аддзӧмторйыс шемӧсмӧдіс Мӧисейӧс. Лежнӧг дорӧ матыстчигӧн сійӧ кыліс Господьлысь гӧлӧс шысӧ:

Софоний 3:5

Но Господь веськыд, Сійӧ веськыда вӧчӧ тайӧ карас. Быд асыв Сійӧ петкӧдлӧ Ассьыс веськыда мыждӧмсӧ, но лёк вӧчысь яндзим оз тӧд.

Езекиль 43:3

Татшӧм жӧ петкӧдчылӧмъяс ме аддзылі, кор Господь воліс бырӧдны Ерусалим кар, и кор ме вӧлі Кевар ю бокын. Ме кымынь уси муас.

Езекиль 3:9

Вӧча тэнӧ алмаз кодьӧн, изйысь на чорыдӧн. Эн шӧйӧвош, эн пов наысь, тайӧ асныра войтырсьыс».

Еремей 13:13

Сэки тэ шу налы, мый Господь тадзи висьталӧ: тайӧ муас став олысьсӧ, Давидлӧн юралан пуклӧсын пукалысь ӧксыясӧс, тшӧтш попъясӧс, пророкъясӧс да Ерусалимын став олысьсӧ Ме юктӧда коддзытӧдзныс.

Еремей 1:18

Талун Ме вӧчи тэнӧ изкарӧн, кӧрт сюръяӧн да ыргӧн стенмӧн да сувтӧді тайӧ муыслы паныд, иудаса ӧксыяслы да юралысьяслы паныд, попъяслы да войтырлы паныд.

Исай 58:1

Горзы гораджыка, эн кут асьтӧ, буксан шы моз гораа горзы! Инды Менам войтырлы налӧн лёк уджъяс вылӧ, инды Яков рӧдлы налӧн мыжъяс вылӧ.

Исай 11:4

Сійӧ веськыда мыждас коньӧръясӧс, гӧльясӧс доръяс збыльыс серти. Аслас чорыд кывнас сійӧ чирыштас мувывса олысьясӧс, аслас ловшынас виас лёк вӧчысьясӧс.

Псалтыр 37:6

Менам мывкыдтӧмлун вӧсна дойясӧй орзьӧмаӧсь, ӧвтӧны лёк дукӧн.

Иов 34:10

Сідзкӧ, кывзӧй менӧ, сюсь вежӧраяс! Енмыс оз вӧч лёксӧ, Ставсӧвермысьлӧн уджъясыс веськыдӧсь.

2 Каднебӧг 21:12

Иорамлы вайисны Илля пророксянь гижӧд. Сэні вӧлі гижӧма: «Господь, Давид пӧльыдлӧн Ен, тадзи висьталӧ: ”Аслад Иосафат батьыдлӧн да иудаса Аса ӧксылӧн туйӧд тэ он ветлы,

Ӧксыяслӧн 4 небӧг 1:16

Ӧксылы Илля шуис: «Господь тадзи висьталӧ: ”Израильын ӧмӧй абу Енмыс, кодлысь позьӧ юавны? Тэ мӧдӧдін йӧзтӧ юасьны экронса Ваал-Зевув енлысь. Та вӧсна тэ он чеччы вольпась вывсьыд, кӧні куйлан. Тэ кулан”».

Ӧксыяслӧн 3 небӧг 19:17

Азаиллӧн шыпуртысь пышйысьӧс виас Еху, а Ехулӧн шыпуртысь пышйысьӧс виас Елисей.

Ӧксыяслӧн 3 небӧг 18:17

и кор паныдасис Иллякӧд, шуис сылы: «Тэ-ӧ тайӧ, Израильлы шогсӧ вайысьыс?»

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 3 небӧг 14:6

Пырысьлысь воськов шысӧ кылігӧн Ахий шуис: «Пыр, Еровамлӧн гӧтыр. Мыйла тэ локтін мӧд паськӧмӧн? Меным сетӧма висьтавны тэныд лёк юӧр.

Ӧксыяслӧн 1 небӧг 15:22

Самуил шуис: – Мый вайӧ Господьлы нимкодьлун? Сотан да мукӧд висьяс али Сылысь кывзысьӧм? Кывзысьӧмыд бурджык вись вайӧм дорысь, бурджык межъяслысь госсӧ сотӧм дорысь.

Ӧксыяслӧн 1 небӧг 13:13

Самуил шуис Сауллы: «Тэ лёка вӧчин. Тэ торкин аслад Господь Енлысь тэныд сетӧм тшӧктӧмсӧ. Тэ кӧ вӧчин Господьлӧн тшӧктӧм серти, Сійӧ эськӧ пыр кежлӧ вынсьӧдіс тэнсьыд ӧксыалӧмтӧ Израильын.

Олӧм 18:25

Оз вермы лоны сідзи, мый Тэ веськыда олысьӧс бырӧдан мыжаяскӧд, и веськыда олыськӧд лоас сійӧ жӧ, мый мыжакӧд. Тайӧ абу Тэсянь! Став мусӧ мыждысь оз ӧмӧй мыжды веськыда?»

Ефесӧ 6:17

Нӧшта босьтӧй юртупкӧд пыдди мездмӧмсӧ да Ловлысь шыпуртсӧ – Енлысь кывсӧ.

Ӧксыяслӧн 1 небӧг 15:32

Самуил тшӧктіс вайӧдны сы дінӧ амаликъяслысь Агаг ӧксысӧ. Агаг тіралӧмӧн матыстчис Самуил дінӧ, мӧвпаліс, мый кулӧмыс оз су сійӧс.

Ӧксыяслӧн 1 небӧг 15:33

Но Самуил шуис: «Кыдзи тэ аслад шыпуртӧн виалін мамъяслысь челядьсӧ, тадзи тэнад мамыд воштас ассьыс писӧ». Сэсся кераліс Агагӧс Господь водзын Галгалын.

Езекиль 32:18

«Морт пиӧй, ырзӧмӧн бӧрд египетса уна лыда войтыр вӧсна. Колльӧд найӧс да мукӧд вына войтыръясӧс, кодъяс мунасны му пыдӧсас, кулӧмаяс дінӧ.

Иов 15:30

Пемыдсьыс сійӧ оз вермы пышйыны, сылысь выль вожъяссӧ би чишкалас, Енлӧн пӧльыштӧмыс сійӧс нӧбӧдас.

Езекиль 11:4

Та вӧсна, морт пиӧй, налы паныд пророкав, налы паныд водзвыв висьтав!»