Осий 6:4 - Коми Библия 2023

⁴ – Мый Меным вӧчны тэкӧд, Ефрем, мый Меным вӧчны тэкӧд, Иуда? Ме дінӧ тіян муслунныд асъя ру кодь, ӧдйӧ бырысь лысва кодь.

Осий 6:4 Referans Kwoze

Осий 13:3

Та вӧсна найӧ асъя ру кодьӧсь, ӧдйӧ бырысь лысва кодьӧсь, гумла вылын тӧвнырӧн нӧбӧдан кыд кодьӧсь, пачысь пуркйысь тшын кодьӧсь.

Осий 11:8

Верма-ӧ Ме эновтны тэнӧ, Ефрем? Верма-ӧ Ме кольны тэнӧ, Израиль? Верма-ӧ эновтны тэнӧ Адмаӧс моз, вӧчны тэкӧд Севоимкӧд моз? Менам сьӧлӧмӧй небзьӧ, Менам пытшкӧсӧй нормӧ.

Матвей 13:21

но вужъясьтӧмысла оз дыр эскы, Ен кыв вӧсна дзескӧдігӧн-вӧтлігӧн сійӧ эновтчӧ эскӧмсьыс.

Еремей 34:15

А ті мӧд нога вӧчинныд, вӧчинныд Менам син водзын шогманасӧ: лэдзинныд вӧля вылӧ ассьыныд кесйӧг-вокъяснытӧ, кыдзи сёрнитчинныд Ме водзын Менам нимлы сиӧм керкаын.

Еремей 9:7

Та вӧсна Господь Саваоф тадзи висьталӧ: – Ме сывда да тӧдмала Ассьым войтырӧс. А кыдзи Меным мӧд ногӧнсӧ вӧчны?

Еремей 5:23

Тайӧ войтырыс асныра, найӧ кыпӧдчисны Меным паныд, бергӧдчисны да мунісны Ме дінысь.

Еремей 5:9

Таысь ӧмӧй Ме ог мыжды найӧс? – висьталӧ Господь. – Ог ӧмӧй водзӧс перйы тадзи вӧчысь войтырлысь?

Еремей 5:7

– Кыдзи Меным прӧститны Ерусалимын олысьясӧс? Найӧ эновтісны Менӧ, ылӧг енъяс водзын кыв сетӧны. Ме пӧткӧді найӧс, а найӧ пежалӧны гозъякост олӧм, чукӧръясӧн ветлӧдлӧны кырсалысь аньяслӧн керкаясӧ.

Еремей 3:19

– Ме, Господь, мӧвпышті, мый войтыръяс пӧвстысь Ме бӧръя тэнӧ, сета тэныд бур му, вичмӧда войтыръяслысь мича мусӧ. Ме чайті, тэ пондан шуны Менӧ Батьӧн да он бергӧдчы Меысь.

Еремей 3:10

Но весиг та бӧрын Иуда, Израильлӧн ылӧдчысь чойыс, эз сьӧлӧмсяньыс бергӧдчы Ме дінӧ, а сӧмын ылӧдчис», – висьталӧ Господь.

Осий 7:1

Кор Ме бурдӧда Израильӧс, тыдовтчас Ефремлӧн мыжыс, мыччысясны Самариялӧн лёк уджъясыс, ӧд йӧзыс пӧръясьӧны, гусясьысьяс керкаяс куштӧны, туйяс вылын мырддялӧны.

Ёрдысьяс 3:12

Израиль пиян бара кутісны вӧчны Господь водзын шогмытӧмсӧ. Та вӧсна Господь кыпӧдіс моавса Эглон ӧксыӧс Израиль войтырлы паныд.