Осий 6:3 - Коми Библия 2023

³ Сідзкӧ, тӧдмаламӧй Господьӧс, сьӧлӧмсянь зілямӧй тӧдны Сійӧс. Сійӧ локтас, и тайӧ збыль, кыдзи асъя кыалӧн петӧмыс збыль. Сійӧ локтас миян дінӧ зэр моз, мусӧ киськалысь тувсовъя зэр моз».

Осий 6:3 Referans Kwoze

Осий 14:5

– Найӧ Менӧ эновтісны, но Ме бурдӧда найӧс таысь, Ме бара понда сьӧлӧмсянь радейтны найӧс, скӧрлунӧс Ме вешта на дінысь.

Еремей 24:7

Ме сета налы сэтшӧм сьӧлӧм, мый найӧ тӧдмаласны Менӧ, тӧдмаласны, мый Ме – Господь. Найӧ лоӧны Менам войтырӧн, а Ме – налӧн Енмӧн, ӧд найӧ бергӧдчасны Ме дінӧ став сьӧлӧмсяньныс.

Псалтыр 72:6

Та вӧсна найӧ сикӧтшӧн моз мичмӧдӧмаӧсь асьнысӧ ышнясьӧмнас, мича паськӧмӧн моз вевттьӧмаӧсь асьнысӧ виалӧм-дзескӧдӧмнас.

Восьтӧм 22:16

«Ме, Исус, мӧдӧді Ассьым анделӧс висьтавны тайӧс тіянлы вичкоясын. Ме петі Давид чужанвужйысь да чужанкотырысь, Ме эм асъя югыд кодзулыс».

Матвей 13:11

Исус вочавидзис: «Тіянлы сетӧма тӧдны Енэжвыв Юралӧмлысь гусяторъяссӧ, а налы абу.

Закар 10:1

Корӧй Господьлысь тувсовъя зэр, кор сійӧ вермӧ лоны. Господь кыпӧдӧ сьӧд кымӧръяс, кисьтӧ му вылӧ сувтса зэр, сетӧ быдӧнлы мувыв быдтас.

2 Петыр 1:19

Нӧшта на, миян эм пророкъяслӧн веськыд кыв. Ті бура вӧчанныд, кутчысянныд кӧ тайӧ кывъяс пемыдын ӧзйысь биӧ моз, кытчӧдз оз во лунъюгыдыс да оз мыччысь асъя кодзулыс тіян сьӧлӧмын.

Лука 1:78

Миян бур сьӧлӧма Ен ыстас миянлы енэжсянь асъя кыа,

Малакий 4:2

А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.

Микей 4:2

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Еврейяслы 3:14

Ми кӧ водзысяньыс моз помӧдз кутам эскыны зумыда, сэки миянлы тшӧтш вичмас Кристослӧн озырлуныс.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

Осий 10:12

Кӧдзӧй аслыныд веськыдлунсӧ, сэки вунданныд буралӧм. Гӧрӧй аслыныд выль муяс, воис кад корсьны Господьӧс. Господь локтас да зэр моз кисьтас тіян вылӧ веськыдлунсӧ.

Исай 54:13

Ачыс Господь велӧдӧ тэнсьыд пиянтӧ, найӧс виччысьӧ ыджыд шуд да лӧньлун.

Ап. уджъяс 17:11

Фессалоникасаяс дорысь татчӧс иудейяс вӧліны восьса сьӧлӧмаӧсь. Найӧ сибӧдісны Енлысь кывсӧ став сьӧлӧмнас, быд лун лыддьысисны, видзӧдісны Гижӧдъясысь, збыльысь-ӧ ставыс тадз.

Осий 2:20

Ме кикута тэкӧд да кывйӧс ог вудж, и тэ тӧдмалан Менӧ, Господьӧс.

Исай 44:3

Потласьӧм му вылӧ Ме кисьта ва, косьмӧм му вылын писькӧда юяс. Тэсянь чужысьяс вылӧ Ме кисьта Ассьым лолӧс, тэнад челядь вылӧ – Ассьым бурсиӧмӧс.

Исай 32:15

Тадзи лоӧ, кытчӧдз вылісянь оз лэччы миян вылӧ Енлӧн лолыс. Сэки овтӧмин лоӧ сад йӧрӧн, а сад йӧрыс лоӧ вӧр кодь ыджыдӧн.

Псалтыр 65:9

Сійӧ видзӧ миянлысь олӧмнымӧс, оз сет лигышмунны миян кокъяслы.

Индӧд 32:2

Велӧдӧмӧй зэр моз киссьӧ, сёрниӧй лысва моз усьӧ, быдмӧгӧс моз юкталӧ, турунӧс моз киськалӧ.

Микей 5:2

Виплием-Епрафа, тэ Иуда рӧдысь медічӧтыс! Но Виплием карысь петас Меным Сійӧ, коді лоӧ Израильын Юралысьӧн. Сылӧн петӧм-чужӧмыс важысянь на, нэмъяс пуксьытӧдз.

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Исай 5:6

Ме дзикӧдз эновта сійӧс, ог кут тӧждысьны, ог кут весавны, сійӧ тырас йӧнмӧн да ёг турунӧн. Ме шуа кымӧръяслы, и найӧ оз сетны зэрсӧ.

Шусьӧгъяс 4:18

Веськыда олысьлӧн туйыс – асъя югӧр кодь, сійӧ ӧтарӧ югдӧ луншӧра югыдӧдз.

Иов 29:23

Зэрӧс моз найӧ виччысьлісны менсьым висьталӧмӧс, быттьӧ тувсовъя зэрӧн веськӧдісны горшнысӧ.

Микей 5:7

Яков рӧдлӧн колясыс лоӧ войтыръяс пӧвстын Господьсянь мӧдӧдӧм лысва кодь, турунсӧ киськалӧм зэр кодь. Найӧ оз нин пондыны видзӧдны морт вылӧ, оз нин пондыны лача кутны йӧз вылӧ.

Псалтыр 19:4

Мед казьтыштас тэнсьыд вайӧмторъястӧ, мед сибӧдас тэнсьыд сотан висьястӧ!

Иоан 7:17

Коді кӧсйӧ вӧчны Ен кӧсйӧм серти, сійӧ тӧдмалас, Енсянь-ӧ тайӧ велӧдӧмыс, либӧ Ассянь Ме висьтала.

Ӧксыяслӧн 2 небӧг 23:4

асъя кыа кодь, кымӧртӧм енэжын дзирдалысь шонді кодь, зэрӧм бӧрын петысь веж турун кодь».

Псалтыр 19:6

Сэки ми кутам нимкодясьны тэнад вермӧмысь, Ен нимӧн ми кыпӧдам вермӧм йылысь дӧрапас. Господь мед могмӧдас став тэнсьыд корӧмтӧ!

Псалтыр 63:8

Но Енмыс лыйлас найӧс ньӧвйӧн, найӧс виччысьтӧг лоӧ дойдалӧма.

Исай 2:3

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Осий 14:6

Ме лоа Израильлы лысваӧн, сійӧ пондас дзоридзавны лилия моз, ливанса пуяс моз пыдӧ лэдзас вужъяссӧ