Осий 5:8 - Коми Библия 2023

⁸ Буксӧй буксанӧн Гиваын, тутсӧй трубаӧ Рамаын! Юӧртӧй Бет-Авенын: «Венямин, локтӧ вӧрӧгыд!»

Осий 5:8 Referans Kwoze

Осий 9:9

Израиль дзикӧдз вӧйис пежас, кыдзи коркӧ Гиваын олысьяс. Енмыс казьтыштас налысь лёк вӧчӧмсӧ, мыждас найӧс мыжъяссьыныс.

Осий 4:15

Тэ, Израиль, кырсалан, но Иуда мед оз кырсав. Энӧ мунӧй Галгалӧ, энӧ кайӧй Бет-Авенӧ, энӧ сетӧй кывнытӧ ловъя Господь водзын.

Йоиль 2:1

– Буксӧй буксанӧн Сионын, гораа горзӧй Менам вежа керӧс вылын! Тіралӧй-дзӧрӧй, тайӧ муас олысьяс, ӧд Господьлӧн луныс локтӧ, сійӧ матын нин.

Еремей 4:5

Висьталӧй Иудаын, юӧртӧй Ерусалимын, му пасьтала буксӧй буксанӧн, гораа горзӧй да юӧртӧй: «Локтӧй, чукӧртчамӧй, мунамӧй изкаръясӧ!»

Ӧксыяслӧн 1 небӧг 15:34

Та бӧрти Самуил муніс Рама карӧ, а Саул муніс гортас Гиваӧ.

Осий 8:1

– Матыст вом дорад буксантӧ! Лёкыс кутш моз гӧгралӧ Господьлӧн керка весьтын, ӧд Менам войтырӧй торкисны йитӧдӧс, мый Ме кӧрталі накӧд, кыпӧдчисны Менам Индӧдлы паныд.

Исай 10:29

Найӧ мунісны керӧс потасӧд да узьмӧдчисны Геваӧ. Рама кар дзӧрис полӧмысла, Сауллӧн Гива карын олысьяс пышйисны.

Ёрдысьяс 5:14

Ефрем чужанкотырысь локтісны амалик войтырлӧн муӧ овмӧдчӧмаяс, на бӧрся локтіс Веняминлӧн тышкакотырыс. Макир рӧдысь локтісны веськӧдлысьяс, Завулон чужанкотырысь локтісны юралан бедь кианыс кутысьяс.

Йоиль 2:15

Буксӧй буксанӧн Сионын, урчитӧй вежа видзалан лунъяс, юӧртӧй ыджыд чукӧртчӧм йылысь!

Осий 10:5

Самарияын олысьяс полӧны Бет-Авенӧ сувтӧдӧм кукань идол вӧсна. Самария войтыр бӧрдӧ кукань вӧсна, бӧрдӧны тшӧтш идоллӧн попъяс, кодъяс нимкодясьлісны сыӧн, ӧд Самариялӧн нималӧмыс вешйӧ сы дінысь.

Еремей 6:1

Веняминсянь чужысьяс, пышйӧй Ерусалимысь, Текоя карын буксӧй буксанӧн, Бет-Каремын пас пыдди пестӧй би, ӧд войвывсянь локтӧ ыджыд шог да бырӧдӧм.

Ӧксыяслӧн 3 небӧг 12:29

Ӧти ӧшсӧ сійӧ сувтӧдіс Вефильӧ, а мӧдсӧ – Данӧ.

Ӧксыяслӧн 2 небӧг 21:6

Та вӧсна сет миянлы Саул рӧдысь сизим айуловӧс. Ми ӧшӧдам найӧс [лунъюгыднас] Господь водзын Гиваын, Господьӧн бӧрйӧм Сауллӧн карын». Давид вочавидзис: «Ме сета найӧс тіянлы».

Ӧксыяслӧн 1 небӧг 8:4

Израильса юрнуӧдысьяс чукӧртчисны да мунісны Самуил дінӧ Рамаӧ.

Ӧксыяслӧн 1 небӧг 7:17

Самуил оліс Рама карын, сэні сійӧ тшӧтш вӧлі ёрдысьӧн. Рама карын Самуил сувтӧдіс Господьлы висьпуктанін.

Нав Исус 7:2

Исус мӧдӧдіс ассьыс йӧзсӧ Ериконысь Гайӧ. Гай кар вӧлі Бет-Авенсянь матын, Вефильсянь асыввылын. Исус тшӧктіс налы: «Мунӧй видзӧдалӧй мусӧ». Найӧ ветлісны видзӧдавны Гай кар.

Амос 3:6

Карас кӧ кылӧ буксан шы, войтырыс ӧмӧй оз повзьы? Суас-ӧ карӧс шог, оз кӧ Господь тайӧс лэдз?