Осий 5:15 - Коми Библия 2023

¹⁵ Ме бӧр локта Аслам оланінӧ да кута виччысьны, кытчӧдз найӧ оз гӧгӧрвоны мыжнысӧ да оз пондыны корсьны Менӧ.

Осий 5:15 Referans Kwoze

Исай 26:16

Господьӧй, сьӧкыдсӧ нуигӧн Тэнад войтырыд корсьысисны Тэнӧ. Кор Тэ мыждылін найӧс, найӧ ышлолалӧмӧн кевмысьлісны Тэныд.

Псалтыр 50:15

Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.

Еремей 3:13

Сӧмын гӧгӧрво ассьыд мыжтӧ, мый тэ Господьлы, аслад Енлы, паныд кыпӧдчин, котралін мукӧд енъяс дінӧ быд пашкыр пу улӧ, но Менсьым тэ эн кывзысь, – висьталӧ Господь».

Еремей 2:27

Пулы войтырыс шуӧ, тэ пӧ менам батьӧй, излы шуӧ, тэ пӧ чужтін менӧ. Найӧ бергӧдісны Меланьӧ мышнысӧ, а эз чужӧмнысӧ. Но кор шогыс суӧ найӧс, найӧ шуалӧны: «Лок да отсав миянлы!»

Лука 13:25

Воас кад, кор керка кутысь чеччас да йигналас ӧдзӧссӧ. Ывласяньыс ӧдзӧсӧ игӧдчӧмӧн понданныд вӧзйысьны: ”Ыджыдӧй, Ыджыдӧй, восьт миянлы!” Сійӧ вочавидзас: ”Кодъяс ті? Ме ог тӧд тіянӧс”.

Осий 3:5

Но сэсся Израиль войтыр бӧр бергӧдчас да корсяс ассьыс Господь Енсӧ да Давид ӧксысӧ. Бӧръя лунъясӧ найӧ пондасны полӧмӧн пыдди пуктыны Господьӧс да Сылысь бурлунсӧ.

Езекиль 36:31

Сэки тіянлы тӧд выланыд усьӧ пеж оласногныд да лёк уджъясныд, и ті понданныд зывӧктыны асьнытӧ мыжъяссьыныд да пеж уджъяссьыныд.

Езекиль 6:9

Сэні пленын олігӧн найӧ тӧд выланыс уськӧдасны Менӧ, кор Ме жугӧда налысь сьӧлӧмсӧ да пемдӧда налысь синсӧ. Ӧд найӧ эновтісны Менӧ да кырсалысь ань моз сетчисны идолъяслы. Та бӧрын найӧ зывӧктасны асьнысӧ став пеж вӧчӧмсьыныс

Исай 26:9

Войнас менам сьӧлӧмӧй гажтӧмтчӧ Тэысь, асывнас ме пытшкын лолӧй корсьысьӧ Тэнӧ. Кор му вылас ыджыдалӧ Тэнад веськыда мыждӧмыд, сэки му вылас олысьяс велӧдчӧны веськыдлунас.

Микей 1:3

Аслас оланінсянь локтас Господь, Сійӧ лэччас да талялас мувыв керӧсъяс.

Осий 5:6

Асланыс ыжъясӧн да ӧшъясӧн найӧ мунасны корсьны Господьӧс, но оз аддзыны Сійӧс, ӧд Сійӧ ылыстчис наысь.

Езекиль 20:43

Сэні тіянлы тӧд выланыд усьӧ лёк оласногныд да уджъясныд, мыйӧн пежалінныд асьнытӧ. Сэки лёк вӧчӧм вӧснаныд ті зывӧктанныд асьнытӧ.

Езекиль 11:23

Господьлӧн дзирдлуныс кыпӧдчис кар весьтысь да сувтіс керӧс весьтӧ, карсяньыс асыввылӧ.

Езекиль 10:4

Господьлӧн дзирдлуныс кыпӧдчис херувимъяс вылысь да вуджис крам ӧдзӧслань. Крамсӧ тыртіс кымӧр, а крам йӧрыс тырис Господьлӧн дзирдлунӧн.

Езекиль 8:6

Господь шуис меным: «Морт пиӧй, аддзан-ӧ, мый вӧчӧ Израиль войтыр? Найӧ вӧчӧны зывӧксӧ, та вӧсна Ме эновта Ассьым вежаинӧс. Видзӧд, и унджык на аддзан зывӧксӧ».

Исай 26:21

Со, Господь петӧ Аслас оланінысь, медым мыждыны мувывса олысьясӧс налӧн мыжъясысь. Сэки муыс восьтас йӧзлысь кисьтӧм вирсӧ, оз нин кут дзеблавны виӧмаясӧс.

Иов 33:27

Сьылӧмӧн сійӧ кутас юӧртны йӧзыслы: «Ме мыж вӧчи, эг вӧв веськыд, но Енмыс эз мынтысь меным уджъясӧй серти.

2 Каднебӧг 7:14

и Менам нимӧн пасйӧм войтырӧй кӧ раммӧдчас, шыасяс Ме дінӧ кевмысьӧмӧн, эновтчас аслас лёк туйясысь да кутас корсьны Менӧ, сэки Ме кыла найӧс енэжсяньыс, прӧстита налысь мыжсӧ да бурдӧда налысь мусӧ.

Шусьӧгъяс 8:17

Менӧ радейтысьӧс ме радейта, менӧ корсьысь аддзас менӧ.

Ёрдысьяс 4:3

Сылӧн вӧлі ӧкмыссё кӧрт тарантас. Кызь во чӧж Сисар чорыда дзескӧдіс Израиль пиянӧс, та вӧсна найӧ бӧрдӧмӧн шыасисны Господь дінӧ.

Олӧм 42:21

«Збыльысь, вокнымлы лёк вӧчӧмысь ми мыжаӧсь! – сёрнитісны найӧ. – Ми ӧд аддзылім сылысь сьӧкыдалӧмсӧ да кылім сылысь корӧмсӧ, но эгӧ лэдзӧй сійӧс. Сійӧн и суис миянӧс тайӧ сьӧкыдлуныс».

Лыд 21:7

Сэки войтырыс локтіс Мӧисей дінӧ да шуис: «Ми мыжмим, кор шуасим Господь вылӧ да тэ вылӧ. Кевмысь Господьлы, медым Сійӧ ылыстас миян дінысь змейяссӧ». Мӧисей кевмысис Господьлы войтырыс вӧсна.

Исай 18:4

Господь меным тадзи висьталіс: Аслам оланінсянь Ме лӧня видзӧда луншӧркадся гож моз, вундан кадӧ шонді пӧжигӧн кыптысь ру моз.

Еремей 3:14

«Бергӧдчӧй Ме дінӧ, кывзысьтӧм войтырӧй, – висьталӧ Господь, – ӧд Ме – тіян Верӧсныд. Весиг кӧ карын коляс ӧти морт, чужанкотырын – кык морт, Ме босьта найӧс да вайӧда Сионӧ.

Псалтыр 107:6

Енмӧй, Тэнӧ нимӧдӧмыс мед кыптас енэжъясысь на вылӧджык, Тэнад дзирдлуныд мед паськалас став му пасьтала!

Псалтыр 107:13

Отсав миянлы, ӧд миянӧс дзескӧдӧны, а йӧзсянь отсӧгсӧ виччысьны весьшӧрӧ.

Бӧрданкыв 3:40

Тӧдмаламӧй ассьыным туйнымӧс, медым бергӧдчыны Господь дінӧ.