Осий 4:8 - Коми Библия 2023

⁸ Найӧ пӧткӧдчӧны Менам войтырлӧн мыжъясӧн, нимкодясьӧны войтырлӧн лёк вӧчӧмысь.

Осий 4:8 Referans Kwoze

Исай 56:11

Найӧ горш понъяс, некор оз пӧтлыны. Найӧ мывкыдтӧм ыж видзысьяс, быдӧн мунӧ аслас туйӧд, быдӧн корсьӧ мыйкӧ аслыс курыштны.

Титлы 1:11

Татшӧмъясыслысь колӧ тупкыны вомсӧ. Яндысьтӧм горшлунныс вӧсна найӧ асланыс велӧдӧмӧн шӧйӧвоштӧны дзонь керкаяс, мыйӧ оз ков велӧдӧны.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Ӧксыяслӧн 1 небӧг 2:29

Мыйла ті нинӧмӧ пуктанныд Меным вайӧм висьяссӧ да вайӧмторъяссӧ, мый Ме тшӧкті вайны Аслам керкаӧ? Мыйла тэ ассьыд пиянтӧ пуктан Меысь вылӧджык? Ті тшӧгӧдчанныд медбур яйнас, мый вайӧ Меным Израиль войтырӧй.

Левит 6:26

Поплы, коді вайӧ мыжысь висьсӧ, колӧ сёйны сійӧс вежаинын, вежа чом йӧрын.

Римӧ 16:18

Татшӧм йӧзыс кесъялӧны оз Исус Кристос Господьнымлы, но асланыс рушкулы. Мича сёрнинас найӧ кокньыда ылӧдлӧны восьса сьӧлӧмаясӧс.

Малакий 1:10

Бурджык, тіян пиысь кӧ кодкӧ йигналас крамлысь ӧдзӧссӧ, медым весьшӧрӧ энӧ сотӧй бисӧ Менам висьпуктанін вылын. Ті Меным абу шогманаӧсь, – висьталӧ Господь Саваоф, – и тіянлысь вайӧмторъяснытӧ Ме ог сибӧд.

Псалтыр 24:4

Господьӧй, инды меным Ассьыд туйтӧ, велӧд менӧ ветлыны Тэнад кок туйӧд.

Езекиль 14:7

Израиль войтыр пӧвстысь либӧ йӧз муысь локтысьяс пӧвстысь кӧ кодкӧ бергӧдчас Меысь, сьӧлӧмнас кӧртасяс идолъяс дінӧ да син водзас сувтӧдас мыжас уськӧдантор, а сэсся локтас пророк дінӧ, медым сы пыр Менсьым юасьны, сэки Ме, Господь, вочавидза тайӧ мортыслы,

Езекиль 14:3

«Морт пиӧй, тайӧ йӧзыс сьӧлӧмнас кӧртасьӧмаӧсь идолъяс дінӧ. Син водзаныс найӧ сувтӧдӧмаӧсь мыжас уськӧданторъяс. Та бӧрти Ме ӧмӧй вочавидза налы?

Псалтыр 25:1

Давидлӧн псалом. Господьӧй, мыжды менӧ веськыда, ӧд ме ола сӧстӧма да Тэ вылӧ зумыд лача кута.

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.

Осий 10:13

Ті кӧдзинныд пежсӧ, вундінныд лёксӧ, ті сёйинныд ылӧгыслысь вотӧссӧ, ӧд ті лача кутінныд асланыд туй вылӧ, уна лыда тышкайӧзныд вылӧ.

Осий 12:8

Ефрем ошйысьӧ: «Ме зэв озыр, уна эмбур аслым чукӧрті! Менам уджъясысь некод оз аддзы лёксӧ, мыжсӧ менсьым некод оз аддзы».

Осий 14:1

Самарияӧс лоӧ мыждӧма, ӧд сійӧ кыпӧдчис аслас Енлы паныд. Сылӧн йӧзыс усясны шыпурт помысь, кагаяссӧ налысь виаласны, нӧбасьысьяслысь кынӧмсӧ вожӧдасны.

Левит 6:22

Тайӧ нянь висьсӧ мед ваяс мавтыштӧм поп, кодӧс Ааронсянь чужысьяс пӧвстысь пуктасны кесъявны аркирейӧн Аарон пыдди. Тайӧ нянь висьыс нэмъяс чӧж лоӧ Господьлы, сійӧс колӧ ставнас сотны.

Ӧксыяслӧн 4 небӧг 12:16

Мыж вештан висьысь да мыжысь вайӧм висьысь сьӧмсӧ сетлісны попъяслы. Господьлӧн крам дзоньталӧм вылӧ тайӧ сьӧмыс эз мунлы.