Осий 4:2 - Коми Библия 2023

² Сетӧм кывнысӧ торкӧны, пӧръясьӧны, виӧны да гусясьӧны, гозъякост олӧм пежалӧны, вир кисьтӧмлы помыс абу.

Осий 4:2 Referans Kwoze

Осий 6:9

Кыдзи мырддялысь-пазӧдысьяс кыйӧдӧны да виалӧны ветлысь-мунысьясӧс, тадзи жӧ попъяс вӧчӧны Сикемӧ мунан туй вылын, и тайӧ – зывӧктана.

1 Фессалоникаӧ 2:15

Господь Исусӧс да Сылысь пророкъяссӧ иудейяс виисны, а миянӧс вӧтлісны. Найӧ дӧзмӧдӧны Енсӧ да став йӧзыслы паныд сувтӧны.

Микей 7:2

Му вылын бур сьӧлӧмаыс абу, абу веськыда олысьыс. Ставныс кыйӧдчӧны ӧта-мӧдныслысь вир кисьтны, быдӧн кӧсйӧ тывйыштны ассьыс воксӧ.

Осий 7:1

Кор Ме бурдӧда Израильӧс, тыдовтчас Ефремлӧн мыжыс, мыччысясны Самариялӧн лёк уджъясыс, ӧд йӧзыс пӧръясьӧны, гусясьысьяс керкаяс куштӧны, туйяс вылын мырддялӧны.

Еремей 6:7

Кыдзи ва петанінысь ылькйӧ-петӧ ва, тадзи тайӧ карсьыс петӧ лёкыс. Сэні ыджыдалӧ виалӧм-дзескӧдӧм да мырддялӧм, висьӧм да дойяс оз вешйывны Менам син водзысь.

Восьтӧм 17:6

Ме аддзи, мый аньыс вӧлі коддзӧма вежа войтырлӧн да Исус йылысь висьталысьяслӧн вир юӧмысь. Сійӧс аддзӧм бӧрын ме ёна шензи.

Ап. уджъяс 7:52

Эз вӧв пророк, кодӧс эськӧ эз вӧтлыны тіян батьяс. Найӧ виисны пророкъясӧс, кодъяс висьталісны Веськыда Олысьлӧн локтӧм йылысь. Тайӧ Веськыда Олысьсӧ ті вузалінныд да виинныд.

Матвей 23:35

Тадзи тіянӧс мыждасны став веськыда олысьыслӧн вирысь: веськыда олысь Авель вирсянь да Варакейлӧн Закар пи вирӧдз, кодӧс ті виинныд крам да висьпуктанін костын.

Закар 7:9

– Господь Саваоф тадзи висьталӧ: веськыда мыждӧй, лоӧй бур сьӧлӧмаӧсь да меліӧсь ӧта-мӧдныд дінӧ.

Закар 5:3

Андел шуис меным: «Сэні гижӧма, мый тайӧ мусӧ суас ёрӧм. Ӧтарладорас гижӧма, мый став гусясьысьсӧ лоӧ бырӧдӧма. Мӧдарладорас гижӧма, мый сетӧм кывсӧ торкысьясӧс тшӧтш лоӧ бырӧдӧма».

Софоний 3:1

Курыд шог пежасьӧм карлы, асныралысьяслӧн да дзескӧдысьяслӧн карлы!

Микей 6:10

Тіян керкаясын ӧнӧдз на эм ылӧдчӧмӧн нажӧвитӧм озырлун, пӧръясьӧмӧн муртасян доз.

Микей 3:9

Кывзӧй тайӧс, Яков рӧдлӧн юралысьяс, Израиль войтырлӧн веськӧдлысьяс! Веськыда мыждӧмсӧ ті нинӧмӧ пуктанныд, став веськыдсӧ чукльӧдланныд.

Микей 3:2

Но ті мустӧмтанныд бурсӧ, а лёксӧ радейтанныд. Ті йӧзыслысь кучиксӧ кулянныд, лы вылас весиг яйсӧ онӧ кольӧй.

Осий 12:14

Ефрем ёна дӧзмӧдіс Господьӧс. Та вӧсна вир кисьтӧмысь мыжсӧ Господь коляс сы вылӧ, Господьӧс омӧльтӧмсӧ бергӧдас сылы аслыс.

Осий 10:4

Ӧксыяс висьталӧны нинӧм абусӧ, ылӧдчӧмӧн кыв сетӧны, кӧрталӧны йитӧдъяс. Та вӧсна локтас на вылӧ мыждӧмыс гӧрӧм му вылӧ петысь пагӧдан турун моз.

Осий 7:3

– Ӧксы нимкодясьӧ, мый йӧзыс лёксӧ вӧчӧны, юралысьяс нимкодясьӧны, мый йӧзыс пӧръясьӧны.

Осий 5:2

Меным паныд кыпӧдчысьяс сетчисны пеж вӧчӧмас, та вӧсна Ме мыжда найӧс ставнысӧ.

Бӧрданкыв 4:13

Тайӧ лои пророкъяслӧн мыж вӧсна, попъяслӧн лёк вӧчӧм вӧсна, ӧд Ерусалим карын найӧ кисьтісны веськыда олысьяслысь вирсӧ.

Исай 48:1

– Кывзӧй тайӧс, Яковсянь чужысьяс! Ті шусянныд Израиль нимӧн, ті петінныд Иуда чужанкотырысь, ті кыв сетӧмӧн кӧсйысянныд Господь нимӧн, шуанныд, мый кесъяланныд Израильлӧн Енлы, но вӧчанныд тайӧс онӧ збыльысь да онӧ веськыда.

Исай 24:5

Му вылын олысьяс пежалісны мусӧ, ӧд найӧ ӧтдортісны Енлысь Индӧдсӧ, нинӧмӧ пуктісны Сылысь тшӧктӧмъяссӧ, пыр кежлӧ кӧрталӧм йитӧдсӧ торкисны.

Олӧм 4:8

Каин корис Авель воксӧ аскӧдыс ыб вылӧ. И кор найӧ вӧліны сэні, Каин уськӧдчис Авель вокыс вылӧ да виис сійӧс.

Индӧд 5:11

Аслад Господь Енлысь нимсӧ весьшӧрӧ эн шуав, ӧд Господь оз коль мыждытӧг сійӧс, коді весьшӧрӧ шуалӧ Сылысь нимсӧ.

Индӧд 5:18

Гозъякост олӧм эн пежав.

Индӧд 5:19

Эн гусясь.

Еремей 51:5

Калдея войтыр мыжа Израильлӧн вежа Ен водзын, налӧн муыс тырӧма мыжӧн, но Израиль да Иуда войтыръясӧс Господь Саваоф, налӧн Енмыс, эз эновт.

Езекиль 7:23

Найӧ вайӧдасны Израиль войтырӧс шызьӧмӧдз, ӧд муыс тырас вир кисьтӧмӧн, юркарын паськалас виалӧм-дзескӧдӧм.

Осий 6:8

Галаад – лёк вӧчысьяслӧн кар, сэні кок туйясыс вирӧсь.

Осий 7:4

Ставныс найӧ гозъякост олӧм пежалысьяс, донӧдӧм пач кодьӧсь – пӧжасьысьлы няньлысь кыптӧмсӧ виччысигӧн ломтыны-донӧдны сійӧс оз нин ков.

Осий 10:13

Ті кӧдзинныд пежсӧ, вундінныд лёксӧ, ті сёйинныд ылӧгыслысь вотӧссӧ, ӧд ті лача кутінныд асланыд туй вылӧ, уна лыда тышкайӧзныд вылӧ.

Осий 11:12

– Ефрем кытшаліс Менӧ аслас пӧръясьӧмӧн, Израиль – аслас ылӧдчӧмӧн. А Иуда кутчысьӧ на Ен дорас, эскӧ на вежа Енлы.