Осий 4:12 - Коми Библия 2023

¹² Менам войтыр шыасьӧ путор дінӧ, и бедь сетӧ сылы вочавидзӧмсӧ. Кырсалан руыс кежӧдіс найӧс ылӧгас, кырсалысь ань моз найӧ эновтісны ассьыныс Енсӧ.

Осий 4:12 Referans Kwoze

Осий 5:4

Налӧн уджъясныс оз лэдзны налы бергӧдчыны асланыс Ен дінӧ, ӧд на пытшкын кырсалан ру, найӧ оз тӧдны Господьӧс.

Еремей 2:27

Пулы войтырыс шуӧ, тэ пӧ менам батьӧй, излы шуӧ, тэ пӧ чужтін менӧ. Найӧ бергӧдісны Меланьӧ мышнысӧ, а эз чужӧмнысӧ. Но кор шогыс суӧ найӧс, найӧ шуалӧны: «Лок да отсав миянлы!»

Аввакум 2:19

Курыд шог сылы, коді пуысь вӧчӧмторлы шуӧ: «Садьмы!» и сёрниттӧм излы: «Чеччы!» Вермасны-ӧ найӧ мыйӧкӧ велӧдны? Найӧс эжӧма эзысь-зарниӧн, но на пытшкын ловшыыс абу.

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.

Лыд 15:39

Тайӧ тугъясыс тіянлы сы могысь, медым на вылӧ видзӧдігӧн ті тӧд выланыд уськӧдінныд Господьлысь став тшӧктӧмсӧ да олінныд на серти. Сэки тіян сьӧлӧм кӧсйӧмныд да синлы колӧмныд оз кежӧд тіянӧс Меысь, и ті онӧ эновтӧй Менӧ.

Микей 2:11

Нинӧм абусӧ бызгысь кӧ ылӧдчӧмӧн шуас: «Юӧрта тіянлы, мый вина-сурныд тіян визувтны кутас», сійӧс эськӧ пророк пыдди сибӧдіс тайӧ войтырыс.

Осий 9:1

– Эн нимкодясь, Израиль, эн гажӧдчы мукӧд войтыръяс моз. Кырсалысь ань моз тэ эновтін ассьыд Ентӧ, быд гумла вылын вузалан асьтӧ, таысь босьтӧм удждонтӧ тэ радейтан.

Езекиль 21:21

Со вавилонса ӧксы сулалӧ нин туйвежын, кӧні заводитчӧны тайӧ кык туйыс. Сійӧ юасьӧ гортса бӧлбанъяслысь, тунасьӧ ньӧвъяс пыркӧдӧмӧн да виӧм пемӧслысь муссӧ видзӧдалӧмӧн.

Еремей 10:8

Став войтыръясыс вежӧртӧмӧсь да мывкыдтӧмӧсь, и пуысь вӧчӧмтор оз вермы велӧдны найӧс.

2 Каднебӧг 21:13

а ветлан израильса ӧксыяслӧн туйӧд. Тэ кежӧдін Иуда войтырӧс да Ерусалимын олысьясӧс кырсалысь ань моз сетчыны идолъяслы да овны Ахав рӧд моз. Ассьыд вокъястӧ, батьыдлысь пиянсӧ, кодъяс вӧліны тэысь бурджыкӧсь, тэ виин.

Левит 20:5

сэки тадзи вӧчысьлы да сылӧн рӧдвужлы Ме паныд сувта. Ме бырӧда войтыр пӧвстысь быдӧнӧс, коді кырсалысь ань моз сетчӧ Молок идоллы.

Левит 17:7

Израильсаяс мед дугдасны вайны висьнысӧ овтӧминса мутияслы, кодъяслы сетчисны кырсалысь ань моз. Тайӧ тшӧктӧмыс лоӧ налы нэмъяс кежлӧ чужысьяссянь чужысьясӧдз.

Псалтыр 106:39

Но дзескӧдысь вӧсна налӧн лыдыс чинӧ, найӧ сьӧкыдалӧны да шогсьӧны.

Осий 14:3

Кевмысьӧмӧн бергӧдчӧй Господь дінӧ, шуӧй Сылы: прӧстит миянлысь мыжъяснымӧс да сибӧд миянлысь козиннымӧс, ӧш пыдди ми ваям Тэныд кевмысьӧмнымӧс.

Ёрдысьяс 18:5

Найӧ шуисны: «Юав Енмыслысь, артмас-ӧ миян ветлӧмным».

Ӧксыяслӧн 4 небӧг 17:7

Тайӧ ставыс суис Израиль войтырӧс сы понда, мыйла найӧ мыж вӧчисны асланыс Господь Енлы паныд, коді коркӧ петкӧдіс найӧс Египет муысь да мездіс фараонлӧн, египетса ӧксылӧн, нартитӧм улысь. Израильсаяс юрбитісны мукӧд енъяслы,

Еремей 23:13

Ме аддзылі, мый самарияса пророкъяс зывӧка вӧчисны, найӧ пророкалісны Ваал нимсянь, Менсьым Израиль войтырӧс кежӧдісны ылӧгас.

Езекиль 20:32

Ті шуанныд, мукӧд муясын олысь войтыръяс моз ми пӧ пондам юрбитны пуысь да изйысь вӧчӧмторъяслы. Но тадзи оз ло.

Осий 6:10

Израиль войтыр пӧвстын Ме аддза пежторъяс: Ефрем кырсалӧ, Израиль пежалӧма асьсӧ.