Осий 4:1 - Коми Библия 2023

¹ – Израиль войтыр, кывзӧй Господьлысь кывсӧ! Господь мыжалӧ тайӧ муас олысьясӧс, ӧд збыльсӧ найӧ бокӧ вештісны, кывнысӧ вуджисны, Енсӧ оз тӧдны.

Осий 4:1 Referans Kwoze

Еремей 4:22

– Менам войтырӧй мывкыдтӧм, Менӧ найӧ оз тӧдны. Найӧ мывкыдтӧм челядь кодьӧсь, нинӧм оз вежӧртны, лёксӧ вӧчны сюсьӧсь, а бурсӧ вӧчны оз кужны.

Микей 6:2

Кывзӧй, керӧсъяс, Господьлысь мыжалӧмсӧ! Кывзӧй, муыслӧн вешйывтӧм подувъяс! Ӧд Господь мыжалӧ Ассьыс войтырсӧ, корӧ Израильӧс ёрд водзӧ.

1 Коринфӧ 15:34

Пальӧдчӧй да олӧй бур ногӧн, дугдӧй вӧчны мыжсӧ! Ӧд ӧткымынӧн тіян пӧвстысь оз тӧдны Енсӧ, ме шуа тайӧс тіянӧс янӧдӧм могысь.

Римӧ 1:28

Найӧ эз лыддьыны коланаӧн тӧдны Енсӧ, та вӧсна Ен колис найӧс торксьӧм вежӧрас вӧчны ковтӧмторсӧ.

Осий 12:2

Господь мыжалӧ Иудаӧс, Сійӧ мыждас Яковӧс олан туйсьыс, мынтысяс сылы уджъясыс серти.

Еремей 25:31

Му помӧдзыс кылас Господьлӧн горзӧмыс, ӧд Сійӧ пондас мыждыны войтыръясӧс. Сійӧ вайӧдас став йӧзсӧ ёрд водзӧ, сетас лёк вӧчысьясӧс шыпурт улӧ, – висьталӧ Господь.

Еремей 5:4

Ме шуи, мый найӧ коньӧр да мывкыдтӧм йӧз, найӧ оз тӧдны Господьлысь туйсӧ, оз тӧдны асланыс Енлысь Индӧдсӧ.

Исай 34:1

Матыстчӧй, войтыръяс, да кывзӧй, сюся кывзӧй, чужанкотыръяс! Мед кывзас муыс да ставыс, мый сэні эм, мед кывзас муюгыдыс да став сэні чужысьыс.

Исай 1:18

Локтӧй да сёрнитчам, – висьталӧ Господь. Тіян мыжъясныд кӧ пемыдгӧрд рӧмаӧсь, найӧ лоӧны лым кодь еджыдӧсь. Мыжъясныд кӧ чим гӧрд рӧмаӧсь, найӧ лоӧны еджыд вурун кодьӧсь.

Восьтӧм 2:29

Кодлӧн эм пель, мед кылӧ, мый Лов висьталӧ вичкояслы».

Восьтӧм 2:11

Кодлӧн эм пель, мед кылӧ, мый Лов висьталӧ вичкояслы. Вермысьлы мӧд кулӧмыс нинӧм оз вӧч».

Иоан 8:55

Ті онӧ тӧдӧй Сійӧс, а Ме тӧда. Ме кӧ шуа, мый ог тӧд Сійӧс, сэки лоа тіян кодь пӧръясьысьӧн. Но Ме тӧда Сійӧс да ола Сылӧн кывъясыс серти.

Амос 7:16

Ӧні кывзы Господьлысь кывсӧ. Тэ шуан: ”Эн пророкав Израиль йылысь, эн юӧрт Исаак рӧд йылысь”.

Осий 5:1

– Кывзӧй, попъяс! Сюся кывзы, Израиль войтыр! Пельнытӧ чошкӧдӧй, ӧксы да тэнад котырыд! Тіянӧс лоӧ веськыда мыждӧма, ӧд ті вӧлінныд налькйӧн Миспаын, паськӧдӧм тывйӧн Тавор керӧсын.

Еремей 34:4

Но тэ, иудаса Седекей ӧксы, кывзы Господьлысь кывсӧ! Господь тэныд тадзи висьталӧ: тэ он кув шыпуртысь,

Еремей 19:3

Иудаса ӧксыяслы да Ерусалимын олысьяслы тшӧкты кывзыны Господьлысь кывсӧ. Юӧрт налы, мый Господь Саваоф, Израильлӧн Ен, тадзи висьталӧ: тайӧ муас Ме мӧдӧда сэтшӧм шог, мый та йылысь кылысьлӧн пеляс кутас тіньгыны.

Еремей 9:20

– Аньяс, кывзӧй Господьлысь кывсӧ, пельныд мед сюся кывзас Сылысь кывсӧ. Нывъяснытӧ велӧдӧй бӧрдӧдчыны, ӧта-мӧднытӧ велӧдӧй сьывны бӧрдан сьыланкыв.

Еремей 7:28

Сэки тэ шу налы: тайӧ войтырыс оз кывзы аслас Господь Енлысь гӧлӧс шысӧ, оз сибӧд Сылысь туйдӧдӧмсӧ. Збыльыс вошӧма, ӧд тайӧ войтырыс ӧтдортӧма збыльсӧ.

Еремей 6:13

Ичӧтсянь гырысьӧдз – ставныс ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Еремей 4:28

Муыс пондас бӧрдны, выліын енэжыс пемдас. Ме шуи тадзи, и ог веж Ассьым кывйӧс.

Еремей 2:4

Кывзӧй Господьлысь кывсӧ, Яковсянь чужысьяс, Израильлӧн чужанкотыръяс!

Исай 66:5

Кывзӧй Господьлысь кывсӧ ті, кодъяс вежавидзанныд Сылӧн кывйысь: – Тіянӧс мустӧмтысь вокъясныд, Менам ним вӧсна тіянӧс ӧтдортысьяс, шуалӧны: «Мед Господь петкӧдлас Ассьыс дзирдлунсӧ, и ми видзӧдлам тіян гажӧдчӧм вылӧ». Но тіянӧс мустӧмтысьясӧс лоӧ янӧдӧма.

Исай 34:8

Ӧд воис Господьлӧн мыждан луныс, Сион вӧсна водзӧс перъян воыс.

Исай 28:14

Сідзкӧ, ті, больгысьяс, Ерусалимын веськӧдлысьяс, кывзӧй Господьлысь кывсӧ.

Исай 5:3

Ерусалимын олысьяс, Иуда войтыр, ӧні шуӧй, коді мыжа. Ме али Менам виноград йӧрӧй?

Исай 1:10

Содомса юралысьяс, кывзӧй Господьлысь кывсӧ! Гомораын олысьяс, кывзӧй миян Енлысь Индӧдсӧ!

Ӧксыяслӧн 3 небӧг 22:19

Микей водзӧ висьталіс: «[Тадзисӧ ог ме висьтав.] Кывзӧй Господьлысь кывсӧ! Ме аддзылі Господьӧс, Сійӧ пукаліс Аслас юралан пуклӧсын. Сыкӧд орччӧн шуйгаладорас и веськыдладорас сулалісны енэжвывса тышкакотыръяс.

Исай 59:4

Некод оз мыжды веськыда, ёрд водзын некод оз висьтав збыльсӧ. Ставныс лача кутӧны абутӧмыс вылӧ, висьталӧны ылӧгсӧ. Найӧ новлӧдлӧны ас пытшканыс лёксӧ, чужтӧны лёк вӧчӧм.

Исай 59:8

Найӧ оз тӧдны лӧньлунсӧ, вунӧдісны веськыда мыждӧмсӧ. Налӧн туйясыс чукляӧсь, сэті ветлысь оз тӧд лӧньлунсӧ.

Еремей 9:3

Ньӧввужйӧс моз найӧ зэвтӧны кывнысӧ, медым пӧръясьны. Найӧ оз кутчысьны збыляс, дугдывтӧг вӧчӧны лёксӧ. Менӧ найӧ оз тӧдны, – висьталӧ Господь. –

Еремей 51:5

Калдея войтыр мыжа Израильлӧн вежа Ен водзын, налӧн муыс тырӧма мыжӧн, но Израиль да Иуда войтыръясӧс Господь Саваоф, налӧн Енмыс, эз эновт.

Йоиль 1:2

– Кывзӧй, юрнуӧдысьяс, кывзӧй, тайӧ муас олысьяс! Вӧлі-ӧ татшӧмторйыс тіян олан лунъясӧ либӧ батьясныдлӧн олігӧн?

Еремей 2:9

Та вӧсна Ме мыжала тіянӧс, – висьталӧ Господь, – мыжала тіянлысь челядьнытӧ да налысь челядьнысӧ.

Еремей 9:7

Та вӧсна Господь Саваоф тадзи висьталӧ: – Ме сывда да тӧдмала Ассьым войтырӧс. А кыдзи Меным мӧд ногӧнсӧ вӧчны?

Еремей 11:7

Сійӧ лунсяньыс, кор Ме петкӧді тіянлысь батьяснытӧ Египетысь, Ме тшӧкті налы кывзыны Менӧ. Ӧнія лунӧдз Ме выльысь и выльысь тадзи жӧ вӧча.

Езекиль 16:35

Кырсалысь аньӧй, кывзы Господьлысь кывсӧ!

Осий 5:4

Налӧн уджъясныс оз лэдзны налы бергӧдчыны асланыс Ен дінӧ, ӧд на пытшкын кырсалан ру, найӧ оз тӧдны Господьӧс.

Осий 12:3

Мам кынӧмас нин Яков конйыштіс воксӧ, а верстяммис да, вермасис Енкӧд.

Амос 3:1

Израиль войтыр, кывзӧй, мый висьталӧ Господь тіян йылысь, кывзӧй, чужанкотыръяс, кодъясӧс Сійӧ петкӧдіс Египет муысь. Сійӧ шуӧ: