Осий 2:8 - Коми Библия 2023

⁸ Сійӧ эз гӧгӧрво, мый няньсӧ, винасӧ да выйсӧ сылы Ме сеті. Ме сійӧс озырмӧді эзысь-зарниӧн, но таысь найӧ вӧчисны Ваал бӧлбанӧс.

Осий 2:8 Referans Kwoze

Исай 1:3

Ӧш тӧдӧ, кодлӧн сійӧ, осёл тӧдӧ ассьыс вердысьсӧ, но Израиль оз тӧд [Менӧ], Менам войтырӧй оз гӧгӧрво, коді сійӧс пӧткӧдӧ.

Осий 13:2

Водзӧ мыж вӧчӧ Ефрем, сывдӧ аслыс эзысь бӧлбанъясӧс, аслас мывкыд серти вӧчӧ идолъясӧс – ставыс тайӧ дорччысьлӧн удж. Вись вайысьяс йылысь шуалӧны, найӧ пӧ ӧшсӧ окалӧны.

Осий 8:4

Метӧг найӧ асьныс пуктісны ӧксыясӧс, Менсьым юасьтӧг бӧрйисны юралысьясӧс. Асланыс эзысь-зарниысь найӧ вӧчисны бӧлбанъясӧс – тадзи вӧчӧмӧн найӧ бырӧдасны асьнысӧ.

Осий 4:11

Кырсалӧмыс да вина юӧмыс пемдӧдіс налысь вежӧрсӧ.

Римӧ 1:28

Найӧ эз лыддьыны коланаӧн тӧдны Енсӧ, та вӧсна Ен колис найӧс торксьӧм вежӧрас вӧчны ковтӧмторсӧ.

Лука 15:13

Кымынкӧ лун мысти ичӧт пиыс босьтас ассьыс пайсӧ да мунас ылі муӧ. Сэні кокньыд оласногысла лотас ставсӧ.

Аввакум 1:16

Сійӧ вись вайӧ аслас ботанлы, тшынӧдчӧ аслас тыв водзын, ӧд на отсӧгӧн сійӧ лышкыда олӧ, пӧттӧдзыс сёйӧ.

Осий 2:5

Налӧн мамныс кырсаліс, найӧс чужтысьыс асьсӧ янӧдіс. Сійӧ шуліс: «Муна аслам мусукъяс бӧрся. Найӧ сетӧны меным сёян-юан, вурун да шабді, вый да вина».

Даниил 5:23

Тэ кыпӧдчин енэжвывса Господьлы паныд. Тэныд вайисны Господьлӧн крамысь босьтӧм дозмукъяс, и тэ да тэнад чина йӧзыд, гӧтыръясыд да кесйӧг-гӧтыръясыд юинныд сэтысь вина. Тэ ошкин эзысьысь да зарниысь, ыргӧнысь да кӧртысь, пуысь да изйысь вӧчӧм енъясӧс, кодъяс оз аддзыны, оз кывны да оз гӧгӧрвоны. А Енсӧ, кодлӧн киын тэнад олӧмыд да тэнад туйясыд, тэ эн ошкы.

Еремей 7:18

Челядь пес чукӧртӧны, батьяс бипур пестӧны, аньяс няньшом дасьтӧны, медым кӧвдум пӧжавны идоллы, кодӧс шуӧны енэжвывса ӧксы-аньӧн. Найӧ вайӧны вина вись мукӧд енъяслы и тадзи дӧзмӧдӧны Менӧ.

Исай 46:6

Идолъяслы юрбитысьяс перйӧны зепсьыныс зарни, веситӧны вески вылын эзысь, медалӧны вӧчасьысьӧс, и сійӧ вӧчӧ таысь енмӧс. Сэсся найӧ уськӧдчӧны муас, копрасьӧны асланыс енлы.

Ёрдысьяс 9:27

Ӧтчыд сикемсаяс петісны чукӧртны виноград вотӧс. Пычкан гуын вотӧссӧ талялӧм бӧрын чукӧртчисны гажӧдчыны. Найӧ мунісны асланыс енлы юрбитанінӧ, сёйисны-юисны да ёрисны Авимелекӧс.

Осий 10:1

– Израиль вӧлі уна вожа виноград пу кодь, сійӧ вайис уна вотӧс. Кымын унджык сылӧн вӧлі вотӧсыс, сымын унджык сійӧ лэптіс висьпуктанінъяс. Кымын бурджыка сылӧн муыс быдтіс нянь, сымын ёнджыка сійӧ мичмӧдіс юрбитан изъяс.

Индӧд 8:18

Энӧ вунӧдӧй Господьӧс, ассьыныд Ентӧ. Сійӧ сетӧ тіянлы вын озырмыны, медым талун збыльмӧдны Ассьыс йитӧдсӧ, мый Сійӧ кыв сетӧмӧн кӧрталіс тіян батьяскӧд.

Езекиль 23:41

Ті нюжӧдчывлінныд дона куйланінъяс вылӧ. Тіян водзӧ вӧлі лӧсьӧдӧма пызан, и сэтчӧ ті пуктывлінныд Менсьым тшынӧдчанторйӧс да олив выйӧс.

Даниил 3:1

Навукодоносор ӧксы тшӧктіс вӧчны квайтымын гырддза судта да квайт гырддза пасьта зарни бӧлбанӧс да сувтӧдны сійӧс Вавилон муӧ Дура ласта вылӧ.

Осий 13:1

– Ефремлӧн сёрнитігӧн йӧзыс тіралісны. Израиль чужанкотыръяс пӧвстын сійӧ вӧлі медтӧдчана, но Ваал вӧсна сійӧ мыжмис да куліс.

1 Каднебӧг 29:16

Господьӧй, миян Енмӧй, ставыс – Тэнад, Тэнад кисянь ми сибӧдім ставсӧ, мый вайим, медым Тэнад вежа нимлы крам лэптыны.

Иов 19:8

Енмыс потшис менсьым туйӧс, водзӧ ог вермы мунны, вевттис ордымъясӧс сап пемыднас.