Осий 2:17 - Коми Библия 2023

¹⁷ Ме бырӧда сылӧн сёрниысь идолъяслысь нимъяссӧ, сійӧ пыр кежлӧ вунӧдас найӧс.

Осий 2:17 Referans Kwoze

Петӧм 23:13

Кутчысьӧй став Менам тшӧктӧмӧ. Мукӧд енъяслысь нимъяссӧ энӧ казьтывлӧй, налӧн нимыс мед оз пет тіян вомысь».

Псалтыр 16:4

Ме ола Тэнад кывъясыд серти, некодӧс ог дзескӧд, кыдзи мукӧдыс вӧчӧны.

Нав Исус 23:7

Энӧ сорласьӧй тіян пӧвстын олысь войтыръяскӧд. Энӧ казьтывлӧй налӧн енъяслысь нимъяссӧ да энӧ сетӧй кывнытӧ на водзын, энӧ кесъялӧй да энӧ юрбитӧй налӧн енъяслы.

Закар 13:2

«Сійӧ лунӧ, – висьталӧ Господь Саваоф, – Ме бырӧда тайӧ мусьыс идолъясӧс, весиг налысь нимъяссӧ вунӧдасны. Нӧшта Ме бырӧда тайӧ мусьыс ылӧгпророкъясӧс да пеж лолӧс.

Еремей 10:11

Висьталӧй мукӧд войтыръяслы, мый му вывсьыс и енэж увсьыс бырасны сійӧ енъясыс, кодъяс эз вӧчны енэжсӧ ни мусӧ.

Петӧм 15:1

Сьыла Господьлы, ӧд Сійӧ ыджыд. Вӧвъясӧс да верзьӧмаясӧс Сійӧ саридзын пӧдтіс!

Нав Исус 7:26

Ӧнӧдз на тайӧ ыджыд из чукӧрыс сулалӧ сійӧ местаас, мый шуӧны Акор ковтысӧн сэні лоӧмтор вӧсна. Аканлӧн кулӧм бӧрын Господьлӧн скӧрлуныс лӧнис.

Еремей 2:2

Господь тшӧктіс меным мунны Ерусалимӧ да юӧртны сэні, мый Господь тадзи висьталӧ: – Ме эг вунӧд, кыдзи том дырйиыд тэ сьӧлӧмсянь кесъялін Меным, тэ радейтін Менӧ, кор тэ вӧлін Меным гӧтырпуӧн на, тэ мунін Ме бӧрся овтӧминӧд, кӧні нинӧм он кӧдз ни он быдты.