Осий 2:16 - Коми Библия 2023

¹⁶ Сійӧ лунӧ, – висьталӧ Господь, – Израиль шыасяс Ме дінӧ: «Верӧсӧй», и водзӧ оз нин шу Меным: «Ваалӧй».

Осий 2:16 Referans Kwoze

Исай 54:5

Ӧд тэнад верӧсыд – тэнӧ Вӧчысьыд, Сылӧн нимыс – Господь Саваоф. Тэнӧ Мездысьыд – Израильлӧн вежа Ен, Сійӧс шуӧны став му пасьтала ыджыдалысь Енмӧн.

Осий 2:7

Сійӧ котӧртас аслас мусукъяс бӧрся, но оз суӧд, пондас корсьны найӧс, но оз аддзы. Сэки шуас: «Бӧр муна аслам верӧсӧй дінӧ. Ӧнія дорысь сэки меным бурджык вӧлі».

Еремей 3:14

«Бергӧдчӧй Ме дінӧ, кывзысьтӧм войтырӧй, – висьталӧ Господь, – ӧд Ме – тіян Верӧсныд. Весиг кӧ карын коляс ӧти морт, чужанкотырын – кык морт, Ме босьта найӧс да вайӧда Сионӧ.

Восьтӧм 19:7

Кутам нимкодясьны да гажӧдчыны, кутам ошкыны Енмӧс! Ӧд Баля ӧні гӧтрасьӧ, Сылӧн гӧтырпуыс дась нин,

2 Коринфӧ 11:2

ӧд ме тӧждыся тіян вӧсна Енлӧн тӧждысьӧмӧн. Ме кӧсйыси сетны тіянӧс дзик ӧти верӧспулы – Кристослы. Кӧсъя, мед ті сувтінныд Сы водзӧ сӧстӧм нылӧн.

Иоан 3:29

Верӧспуӧн шуӧны сійӧс, кодлӧн эм гӧтырпу. Верӧспулӧн ёртыс орччӧн сулалӧ да нимкодясьӧмӧн кывзӧ сылысь сёрнисӧ. Ме тшӧтш тадзи нимкодяся, и менам нимкодьлунӧй помтӧм-дортӧм.

Олӧм 34:3

Сикемӧс кутіс кыскыны Яковлӧн Дина нылыс дінӧ. Дина лои муса Сикемлы, и сійӧ зілис бурасьны Динакӧд.

Ёрдысьяс 19:3

Верӧсыс босьтіс аскӧдыс кесйӧгсӧ, кык осёлӧс да муніс кесйӧг-гӧтырысла. Сійӧ кӧсйис бурасьны кесйӧг-гӧтырыскӧд да корны сійӧс бӧр ас дінас. Верӧссӧ аддзӧм бӧрын ань нуӧдіс сійӧс бать керкаас.

Руфа 2:13

Руфа вочавидзис: «Ыджыдӧй, тэ зэв бур сьӧлӧма ме дінӧ. Ме ог шогмы лоны тэныд весиг кесйӧг туйӧ. Но тэ бурмӧдін менсьым сьӧлӧмӧс аслад кывъясӧн».

Исай 40:2

Меліа висьталӧй Ерусалимлы, юӧртӧй сылы, мый сылӧн сьӧкыдалан кадлы воис пом, мый сылысь мыжъяссӧ прӧститӧма. Господь мынтысис сылы кык пӧвстӧн став сылӧн мыжъясысь.

Езекиль 20:35

Ме вайӧда тіянӧс овтӧминӧ мукӧд войтыръяс пӧвстӧ. Сэні Ме сувтӧда тіянӧс Ас водзам, медым мыждыны тіянӧс.