Осий 14:5 - Коми Библия 2023

⁵ – Найӧ Менӧ эновтісны, но Ме бурдӧда найӧс таысь, Ме бара понда сьӧлӧмсянь радейтны найӧс, скӧрлунӧс Ме вешта на дінысь.

Осий 14:5 Referans Kwoze

Исай 35:2

Сійӧ пондас мичаа дзоридзавны, нимкодясьны да долыда гажӧдчыны, пондас нимавны Ливан моз, лоӧ Кармил керӧс да Шарон ласта кодь мича. Став йӧзыс аддзасны Господьлысь дзирдлунсӧ, миян Енлысь вынсӧ.

Исай 27:6

Локтана кадӧ Яков вужъясяс, Израиль сетас вож да кутас дзоридзавны. Муюгыдыс тырас вотӧсӧн.

Ефесӧ 3:17

да эскӧм пыр Кристос овмӧдчас тіян сьӧлӧмӧ.

Матвей 6:28

Мыйла паськӧмныд вӧсна майшасянныд? Видзӧдлӧй видз вылын быдмысь дзоридзьяс вылӧ: найӧ оз мырсьыны, оз печкыны.

Псалтыр 72:16

Ме мӧвпалі, кыдзи меным гӧгӧрвонысӧ, но тайӧ сьӧкыд вӧлі меным,

Иов 29:19

менам вужъяслы век сюрас ва, менам вожъясӧ узьмӧдчас войся лысва,

Индӧд 32:2

Велӧдӧмӧй зэр моз киссьӧ, сёрниӧй лысва моз усьӧ, быдмӧгӧс моз юкталӧ, турунӧс моз киськалӧ.

Микей 5:7

Яков рӧдлӧн колясыс лоӧ войтыръяс пӧвстын Господьсянь мӧдӧдӧм лысва кодь, турунсӧ киськалӧм зэр кодь. Найӧ оз нин пондыны видзӧдны морт вылӧ, оз нин пондыны лача кутны йӧз вылӧ.

Исай 44:3

Потласьӧм му вылӧ Ме кисьта ва, косьмӧм му вылын писькӧда юяс. Тэсянь чужысьяс вылӧ Ме кисьта Ассьым лолӧс, тэнад челядь вылӧ – Ассьым бурсиӧмӧс.

Исай 26:19

Господьӧй, Тэнад кулӧмаясыд ловзясны, шойяс чеччасны дзебанінысь. Садьмӧй да нимкодясьӧй, му пытшкын куйлысьяс! Тэнад югыд лысваыд юкталӧ мусӧ, и муыс бӧр сетас кулӧмаясӧс.

Исай 18:4

Господь меным тадзи висьталіс: Аслам оланінсянь Ме лӧня видзӧда луншӧркадся гож моз, вундан кадӧ шонді пӧжигӧн кыптысь ру моз.

Псалтыр 72:6

Та вӧсна найӧ сикӧтшӧн моз мичмӧдӧмаӧсь асьнысӧ ышнясьӧмнас, мича паськӧмӧн моз вевттьӧмаӧсь асьнысӧ виалӧм-дзескӧдӧмнас.

Ӧксыяслӧн 4 небӧг 19:30

Сэки Иуда чужанкотырлӧн колясыс бара пыдӧдз лэдзас вужсӧ да ваяс вотӧс.

Ӧксыяслӧн 2 небӧг 23:4

асъя кыа кодь, кымӧртӧм енэжын дзирдалысь шонді кодь, зэрӧм бӧрын петысь веж турун кодь».

Лука 12:27

Видзӧдлӧй видз вылын быдмысь дзоридзьяс вылӧ: найӧ оз мырсьыны, оз печкыны. Висьтала тіянлы: ачыс Соломон став озырлун дырйиыс эз пасьтасьлы весиг ӧти татшӧм дзоридзысь мичаджыка.

Сьылан 4:5

Тэнад морӧсыд – двӧйни кӧрпиян, лилия пӧвстын йирсьысь двӧйни газельяс.

Сьылан 2:16

Мусукӧй – менам, а ме – сылӧн, лилия дзоридзьяс пӧвстын сылӧн йирсяніныс.

Шусьӧгъяс 19:12

Ӧксылӧн скӧрмӧмыс левлӧн равзӧм кодь, сылӧн бурлуныс турунвыв лысва кодь.

Псалтыр 80:9

Кывзы, Менам войтырӧй, Ме ӧлӧда тэнӧ. Тэ кӧ эськӧ кывзысин Менсьым, Израиль!

Псалтыр 133:3

Сионсянь мед бурсиас тэнӧ Господь, енэжсӧ да мусӧ Вӧчысьыс. Ошкӧм.

Исай 45:8

Енэжсьыс мед зэрӧн киссяс веськыдлуныс, мед сійӧ киссяс кымӧръяссьыс, муыс мед воссяс да ваяс мездӧм, веськыдлуныс мед кутас дзоридзавны. Ме, Господь, вӧча тайӧс.

Исай 12:1

Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.

Исай 57:18

Ме аддзылі, мый найӧ вӧчисны, но Ме бурдӧда найӧс. Ме Ачым кута нуӧдны да бурдӧдны найӧс, Ме бурӧда шогалысьясӧс.

Исай 57:19

Ме кӧсйыся сетны лӧнь олӧм ылыссалы, лӧнь олӧм матыссалы, – висьталӧ Господь, – Ме бурдӧда найӧс.

Еремей 3:22

– Бергӧдчӧй Ме дінӧ, кывзысьтӧм челядьӧй, Ме бурдӧда тіянӧс Менӧ эновтӧмысь. – Со, ми локтам Тэ дінӧ, ӧд Тэ – Господь, миян Енным.

Еремей 32:41

Ме кута нимкодьпырысь вӧчны налы бурсӧ, Ме зумыда вужйӧда найӧс тайӧ муас, и вӧча тайӧс став сьӧлӧмсянь.

Осий 6:3

Сідзкӧ, тӧдмаламӧй Господьӧс, сьӧлӧмсянь зілямӧй тӧдны Сійӧс. Сійӧ локтас, и тайӧ збыль, кыдзи асъя кыалӧн петӧмыс збыль. Сійӧ локтас миян дінӧ зэр моз, мусӧ киськалысь тувсовъя зэр моз».

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.