Осий 13:7 - Коми Библия 2023

⁷ Та вӧсна Ме лоа тэныд лев кодьӧн, туй дорын кыйӧдчысь леопард кодьӧн.

Осий 13:7 Referans Kwoze

Осий 5:14

Лев моз Ме уськӧдча Ефрем вылӧ, том лев моз чеччышта Иуда чужанкотыр вылӧ. Ме косявла найӧс, пышйӧда кыйдӧсӧс моз, и некод найӧс оз мезды.

Еремей 5:6

Та вӧсна сук вӧрысь на вылӧ уськӧдчас лев, овтӧминса кӧин косявлас найӧс, леопард кыйӧдчӧ на бӧрся кар дорын, косявлас найӧс, кодъяс петасны карысь, ӧд налӧн мыжныс лыдтӧм-тшӧттӧм, найӧ унаысь эновтлісны Енсӧ.

Бӧрданкыв 3:10

Ош моз Господь кыйӧдӧ менӧ, лев моз Сійӧ кыйӧдчӧ дзебсянінсянь.

Амос 3:8

Лев кӧ равӧстас, коді нӧ оз повзьы? Господь Ыджыдыс кӧ висьталас, коді нӧ оз пророкав?

Амос 3:4

Равзӧ ӧмӧй вӧрын лев, абу кӧ сылӧн кыйдӧсыс? Кутас ӧмӧй равзыны том лев аслас позйын, эз кӧ нинӧм кый?

Амос 1:2

Амос шуис: – Господь равӧстас-горӧдас Сионсянь, Ассьыс гӧлӧс шысӧ сетас Ерусалимсянь. Сэки ыж видзысьяслӧн йирсянінъяс косьмасны, Кармил керӧс вылын ставыс нярмас.

Исай 42:13

Господь петас тышкаморт моз, шыпурта моз Сійӧ тырас скӧрлунӧн, Сійӧ гораа горӧдас, чукӧстас тыш вылӧ, Сійӧ петкӧдлас Ассьыс вынсӧ паныд сувтысьяслы.

Восьтӧм 13:2

Зверыс, кодӧс ме аддзылі, вӧлі леопард кодь. Сылӧн кокъясыс вӧліны ошлӧн кодьӧсь, а вомыс – левлӧн кодь. Гундыр сетіс сылы ассьыс вынйӧрсӧ, юралан пуклӧссӧ да ыджыдалан вынсӧ.

Иов 10:16

Муртса лэптышта юрӧс, Тэ лев моз нин вӧтчан ме бӧрся, бара повзьӧдлан менӧ Аслад шензьӧдана выннад.

Еремей 25:38

Кыйӧдчанінысь мунысь лев моз Господь эновтіс Иуда войтырлысь мусӧ. Сылӧн яр скӧрлунысь да ыпъялан лӧглунысь налӧн муыс лои овтӧминӧн».