Осий 13:2 - Коми Библия 2023

² Водзӧ мыж вӧчӧ Ефрем, сывдӧ аслыс эзысь бӧлбанъясӧс, аслас мывкыд серти вӧчӧ идолъясӧс – ставыс тайӧ дорччысьлӧн удж. Вись вайысьяс йылысь шуалӧны, найӧ пӧ ӧшсӧ окалӧны.

Осий 13:2 Referans Kwoze

Осий 2:8

Сійӧ эз гӧгӧрво, мый няньсӧ, винасӧ да выйсӧ сылы Ме сеті. Ме сійӧс озырмӧді эзысь-зарниӧн, но таысь найӧ вӧчисны Ваал бӧлбанӧс.

Исай 46:6

Идолъяслы юрбитысьяс перйӧны зепсьыныс зарни, веситӧны вески вылын эзысь, медалӧны вӧчасьысьӧс, и сійӧ вӧчӧ таысь енмӧс. Сэсся найӧ уськӧдчӧны муас, копрасьӧны асланыс енлы.

Ӧксыяслӧн 3 небӧг 19:18

Израиль войтыр пӧвстысь Ме коля ловйӧн сизим сюрс мортӧс, кодъяс эз пидзӧсчанясьны Ваал водзӧ да эз окавны сійӧс».

Еремей 10:4

мичмӧдӧ сійӧс эзысьӧн да зарниӧн, тувъялӧ сійӧс кӧрттувйӧн, медым сійӧ эз вӧр.

Римӧ 11:4

Мый сылы Енмыс воча шуӧ? «Ме коли Аслым сизим сюрс мортӧс, кодъяс эз пидзӧсчанясьны Ваал водзӧ».

2 Тимофейлы 3:13

А лёк да пӧръясьысь йӧзлӧн лёк вӧчӧмыс кутас содны. Найӧ унаӧс ылӧдасны, асьныс тшӧтш ылаласны.

Римӧ 2:5

Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.

Осий 11:6

Шыпурт кутас ӧвтчыны налӧн каръясын, сійӧ жуглас налысь иганъяссӧ, бырӧдас найӧс сыысь, мый найӧ кӧсйисны вӧчны лёксӧ.

Осий 10:1

– Израиль вӧлі уна вожа виноград пу кодь, сійӧ вайис уна вотӧс. Кымын унджык сылӧн вӧлі вотӧсыс, сымын унджык сійӧ лэптіс висьпуктанінъяс. Кымын бурджыка сылӧн муыс быдтіс нянь, сымын ёнджыка сійӧ мичмӧдіс юрбитан изъяс.

Осий 8:6

Израиль вӧчис ӧшкӧс, дорччысь вӧчис бӧлбанӧс, но сійӧ абу Ен. Самариялысь ӧшсӧ лоӧ торпыригӧдз жуглӧма!

Осий 8:4

Метӧг найӧ асьныс пуктісны ӧксыясӧс, Менсьым юасьтӧг бӧрйисны юралысьясӧс. Асланыс эзысь-зарниысь найӧ вӧчисны бӧлбанъясӧс – тадзи вӧчӧмӧн найӧ бырӧдасны асьнысӧ.

Исай 46:8

Энӧ вунӧдӧй тайӧс, мӧвпалӧй та йылысь. Сибӧдӧй тайӧс сьӧлӧманыд, лёк вӧчысьяс.

Исай 45:20

Чукӧртчӧй да локтӧй, матыстчӧй ставныд, кодъяс ловйӧн колинныд войтыръяс пӧвстысь. Вежӧртӧмӧсь найӧ, кодъяс новлӧдлӧны ассьыныс пу идолъяснысӧ да кевмысьӧны енлы, коді оз мезды.

Исай 30:1

Курыд шог кывзысьтӧмъяслы, – висьталӧ Господь. – Найӧ сёрнитчӧны, но Метӧг, кӧрталӧны йитӧд, но оз Менам кӧсйӧм серти. Тадзи найӧ мыж дінӧ мыж содтӧны.

Исай 1:5

Гашкӧ, бара нӧйтны тіянӧс, ӧд ті пыр на асныраланныд. Тіян юрныд ставнас доймалӧма, пытшкӧсныд ставнас висьӧ.

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

2 Каднебӧг 33:23

Но Амон эз раммӧдчы Господь водзын, кыдзи сылӧн Манассей батьыс раммӧдчис, а мӧдарӧ, сійӧ ёнджыка на мыжсӧ вӧчис.

2 Каднебӧг 28:13

да шуисны налы: «Энӧ вайӧдӧй татчӧ пленӧ босьтӧм йӧзӧс, медым ми эгӧ мыжмӧй Господь водзын. Миян мыжным сідзи нин ыджыд, и Господьлӧн скӧрлуныс ыпъялӧ Израиль вылӧ, но ті нӧшта на кӧсъянныд содтыны миянлысь мыжъяснымӧс да лёк вӧчӧмнымӧс».

Ӧксыяслӧн 1 небӧг 10:1

Самуил босьтіс вый тыра доз да кисьтіс Сауллы юр вылас. Сэсся окыштіс сійӧс да шуис: «Господь мавтыштӧма тэнӧ, мед пуктыны тэнӧ юралысьӧ Аслас войтырлы [Израильын. Тэ лоан ӧксыӧн Господьлӧн войтырлы, мездан найӧс на гӧгӧр олысь вӧрӧгъясысь. Со, тэныд пас, мый Ачыс Господь мавтыштӧма тэнӧ ӧксыӧ, мед веськӧдлыны Сылӧн войтырӧн].

Лыд 32:14

И ӧні ті, мыж вӧчысьяслӧн йылӧм, батьясныд моз кыпӧдчинныд паныд, медым Господьлӧн скӧрлуныс ёнджыка на ыпнитіс Израиль вылӧ!

Еремей 10:8

Став войтыръясыс вежӧртӧмӧсь да мывкыдтӧмӧсь, и пуысь вӧчӧмтор оз вермы велӧдны найӧс.

Осий 4:17

Ефрем кутчысьӧ идолъясӧ – мед вӧчасны, кыдзи кӧсйӧны!

Осий 8:5

Самария, тэнсьыд ӧштӧ вештӧма. Менам скӧрлунӧй ыпъялӧ Израиль вылӧ – дыр-ӧ на оз сӧстӧммыны найӧ пежсьыс?

Осий 10:5

Самарияын олысьяс полӧны Бет-Авенӧ сувтӧдӧм кукань идол вӧсна. Самария войтыр бӧрдӧ кукань вӧсна, бӧрдӧны тшӧтш идоллӧн попъяс, кодъяс нимкодясьлісны сыӧн, ӧд Самариялӧн нималӧмыс вешйӧ сы дінысь.

Осий 14:3

Кевмысьӧмӧн бергӧдчӧй Господь дінӧ, шуӧй Сылы: прӧстит миянлысь мыжъяснымӧс да сибӧд миянлысь козиннымӧс, ӧш пыдди ми ваям Тэныд кевмысьӧмнымӧс.

Исай 44:11

Идолъяслы юрбитысьясӧс лоӧ янӧдӧма, ӧд налысь идолъяссӧ вӧчӧма морт. Мед найӧ ставныс чукӧртчасны, сувтасны ёрд водзӧ, сэки найӧс полӧм босьтас, ставнысӧ лоӧ янӧдӧма.

Еремей 8:5

Мыйла тайӧ войтырыс бергӧдчӧма Меысь, мыйла Ерусалимын олысьяс эновтӧмаӧсь Менӧ? Найӧ зумыда кутчысьӧны ылӧгас, оз кӧсйыны бӧр бергӧдчыны.

Осий 11:2

Сійӧс чукӧстісны, и сійӧ муніс Ме дінысь, пондіс вись вайны Ваал идолъяслы, сотны висьяс бӧлбанъяслы.