Осий 13:10 - Коми Библия 2023

¹⁰ Кӧні ӧні тэнад ӧксыыд, коді мездас тэнӧ став тэнад каръясын? Кӧнӧсь тэнад юралысьясыд, кодъясӧс тэ корин Менсьым, шуин, сет пӧ миянлы ӧксыӧс да юралысьясӧс?

Осий 13:10 Referans Kwoze

Осий 8:4

Метӧг найӧ асьныс пуктісны ӧксыясӧс, Менсьым юасьтӧг бӧрйисны юралысьясӧс. Асланыс эзысь-зарниысь найӧ вӧчисны бӧлбанъясӧс – тадзи вӧчӧмӧн найӧ бырӧдасны асьнысӧ.

Осий 10:3

Ӧні найӧ шуалӧны: «Миян абу ӧксыным, ӧд Господьысь ми эгӧ полӧй. А вӧлі кӧ, мый бурсӧ эськӧ сійӧ вермис вӧчны миянлы?»

Иоан 1:49

Нафанаил шуис: «Велӧдысьӧй, Тэ – Ен Пи, Тэ – Израильлӧн Ӧксы!»

Закар 14:9

Господь лоӧ став му пасьталаыс ӧксыӧн. Сійӧ лунӧ Господь лоӧ ставныслы Енмӧн, и сӧмын Сы дінӧ пондасны шыасьны.

Осий 13:4

Но Ме, Господь, Египетысь петігад нин вӧлі тэнад Ен. Меысь ӧтдор мӧд енмыс тэнад абу, Меысь кындзи мӧд мездысьыс абу.

Еремей 8:19

– Ылі муысь Ме кыла Аслам войтырлысь отсӧг йылысь горзӧмсӧ: «Сионын ӧмӧй абу Господьыс, сэні ӧмӧй абу ӧксыыс?» Мыйла найӧ скӧрмӧдісны Менӧ асланыс идолъясӧн, мукӧд войтыръяслӧн шогмытӧм идолъясӧн?

Еремей 2:28

Но кӧні тіян киӧн вӧчӧм енъясныд? Вермӧны кӧ, найӧ мед отсаласны тіянлы шог дырйиныд. Ӧд тэнад, Иуда войтыр, сы мында жӧ енмыс, мыйта тэнад карыд.

Исай 43:15

Ме, Господь, тіян вежа Енныд, Израильӧс Вӧчысь, тіян Ӧксыныд!

Исай 33:22

Господь – миян Мыждысьыс, Господь – миян Юралысьыс, Господь – миян Ӧксыыс, Сійӧ мездас миянӧс!

Псалтыр 149:2

Гажӧдчы, Израиль, тэнӧ Вӧчысь йылысь! Нимкодясьӧй, сионса олысьяс, асланыд Ӧксы йылысь!

Псалтыр 44:4

Вынаӧй, вӧняв коскад ассьыд шыпурттӧ, кышанӧс моз пасьтав ас вылад дзирдлунтӧ да вынтӧ.

Ӧксыяслӧн 4 небӧг 17:4

Но бӧрынджык Осий кыпӧдчис ассурса ӧксылы паныд да мӧдӧдіс ассьыс йӧзсӧ египетса Сигор ӧксы дінӧ корны отсӧг. Осий дугдіс мынтыны ассурса ӧксылы быдвося вот. Кор ассурса ӧксы казяліс, мый Осий вӧчӧ, пуксьӧдіс сійӧс дзескыдінӧ.

Ӧксыяслӧн 3 небӧг 12:20

Израиль войтыр тӧдмаліс, мый Еровам бӧр локтӧма [Египетысь]. Сэки найӧ чукӧртчисны, корисны Еровамӧс да пуктісны сійӧс ӧксыӧ Израильлы. Сӧмын Иуда [да Венямин] чужанкотыр кольччис Давид рӧдкӧд.

Осий 3:4

Израиль войтыр дыр кад чӧж кутас овны ӧксытӧг да юралысьтӧг. Висьяс, юрбитан изъяс, ефод да гортса бӧлбанъяс оз лоны налӧн.

Осий 7:7

Ставныс найӧ донӧдӧм пач кодьӧсь, би моз найӧ ньылыштӧны юралысьяснысӧ. Налӧн ӧксыясыс усьӧны, но некод оз шыась Ме дінӧ.

Ӧксыяслӧн 1 небӧг 8:7

Господь шуис Самуиллы: «Вӧч ставсӧ налӧн корӧм серти. Найӧ оз тэнӧ ӧтдортны, а Менӧ, медым Ме эг вӧв налӧн ӧксыӧн.

Бӧрданкыв 4:20

Дзескӧдысьлӧн налькйӧ шедіс ӧксыным, Господьлӧн мавтыштӧмаыс, олӧмным да ловшыным. А ми чайтім, мый сылӧн сайӧд улын олам войтыръяс пӧвстын.