Осий 13:1 - Коми Библия 2023

¹ – Ефремлӧн сёрнитігӧн йӧзыс тіралісны. Израиль чужанкотыръяс пӧвстын сійӧ вӧлі медтӧдчана, но Ваал вӧсна сійӧ мыжмис да куліс.

Осий 13:1 Referans Kwoze

Осий 11:2

Сійӧс чукӧстісны, и сійӧ муніс Ме дінысь, пондіс вись вайны Ваал идолъяслы, сотны висьяс бӧлбанъяслы.

Лука 14:11

Ӧд асьсӧ вылӧ пуктысьӧс лэдзасны, асьсӧ улӧ пуктысьӧс кыпӧдасны».

Шусьӧгъяс 18:12

Озырлы аслас эмбурыс изкар кодь, озырлуныс сылы джуджыд потшӧс кодь.

Ӧксыяслӧн 3 небӧг 12:25

Еровам дзоньталіс-зумыдмӧдіс Ефрем керӧсвыв муын Сикем кар да овмӧдчис сэтчӧ. Сэсянь мӧдӧдчис Пенуэл карӧ да дзоньталіс-зумыдмӧдіс сійӧс.

Ӧксыяслӧн 1 небӧг 15:17

Самуил пондіс висьтавны: «Эн-ӧ тэ асьтӧ нинӧмӧ пукты, кор лоин Израиль чужанкотыръяслы юралысьӧн? Но Господь мавтыштіс тэнӧ да пуктіс ӧксыӧ Израиль войтырлы.

Ёрдысьяс 12:1

Ефремсянь чужысьяс чукӧртчисны да локтісны Цафонӧ. Найӧ шуисны Еффайлы: «Мыйла тэ миянтӧг петін тышӧ аммонсаяслы паныд? Ми сотам тэнӧ да тэнсьыд керкатӧ».

Ёрдысьяс 8:1

Ефремсянь чужысьяс скӧрпырысь сёрнитісны Гедеонкӧд. Найӧ шуисны: «Мыйла тэ тадзи вӧчин? Мыйла эн кор миянӧс, медым ми тэкӧд петім тышкасьны мадиансаяслы паныд?»

Нав Исус 3:7

Господь шуис Исуслы: «Талун Ме нимӧда тэнӧ став Израиль войтыр водзын. Найӧ тӧдмаласны, мый Ме тэкӧд, кыдзи вӧлі и Мӧисейкӧд.

Лыд 13:16

Гад чужанкотырысь Макилӧн Геуэл пиыс.

Лыд 13:8

Иссакар чужанкотырысь Ӧсиплӧн Игал пиыс,

Лыд 10:22

На бӧрся асланыс дӧрапас улын тышкайӧз моз петісны туйӧ Ефрем чужанкотыр да сыкӧд орччӧн сувтлӧм чужанкотыръяс. Ефрем чужанкотырӧс нуӧдіс Аммиудлӧн Элишам пиыс.

Олӧм 2:17

сӧмын бурсӧ и лёксӧ тӧдмалан пуысь эн сёй. Сёян кӧ, сійӧ жӧ лунӧ кулан».

2 Коринфӧ 5:14

Миянӧн веськӧдлӧ Кристослӧн муслуныс, сійӧн ми мӧвпалам, мый ӧти кӧ куліс ставныс вӧсна, сідзкӧ, ставныс кулісны.

Римӧ 5:12

Ӧти морт пыр муюгыдас пырис мыжыс, мыжнас – кулӧмыс. Тадзи кулӧмыс вуджис быд морт вылӧ, ӧд ставныс мыжмисны.

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Иов 29:21

Менсьым шуӧмӧс виччысьлісны да кывзылісны, йӧзыс чӧв олісны, кор ме найӧс туйдӧдлі.

Иов 29:22

Менам кывъяс бӧрын некод нинӧм эз содтыв, менам сёрниӧй ва моз войталіс на вылӧ.

Осий 2:8

Сійӧ эз гӧгӧрво, мый няньсӧ, винасӧ да выйсӧ сылы Ме сеті. Ме сійӧс озырмӧді эзысь-зарниӧн, но таысь найӧ вӧчисны Ваал бӧлбанӧс.

Осий 8:4

Метӧг найӧ асьныс пуктісны ӧксыясӧс, Менсьым юасьтӧг бӧрйисны юралысьясӧс. Асланыс эзысь-зарниысь найӧ вӧчисны бӧлбанъясӧс – тадзи вӧчӧмӧн найӧ бырӧдасны асьнысӧ.

Исай 7:8

Дамаскыс ӧд сӧмын Арамлӧн юркар, и Рециныс ӧд сӧмын Дамаскын юралӧ. Коляс квайтымын вит во, и Ефрем войтыр оз ло войтырӧн.

Осий 2:10

Ме пӧрччӧда сійӧс да янӧда мусукъясыс водзын, и некод оз вермы мездыны сійӧс Менам киысь.