Осий 12:6 - Коми Библия 2023

⁶ Израиль, бергӧдчы аслад Ен дінӧ. Видз Ен дінӧ муслунтӧ да ов веськыда, быд кадӧ лача кут аслад Ен вылӧ.

Осий 12:6 Referans Kwoze

Микей 6:8

Мортӧй, тэныд юӧртӧма, мый бурыс да мый виччысьӧ тэсянь Господь. Сійӧ кӧсйӧ, медым уджъясыд вӧліны веськыдӧсь, медым вӧлін бур сьӧлӧма да раммӧдчӧмӧн олін Ен водзын.

Микей 7:7

А ме видзӧда Господь вылӧ, виччыся мездӧмсӧ аслам Енсянь. Менам Енмӧй кылас менӧ.

Осий 14:1

Самарияӧс лоӧ мыждӧма, ӧд сійӧ кыпӧдчис аслас Енлы паныд. Сылӧн йӧзыс усясны шыпурт помысь, кагаяссӧ налысь виаласны, нӧбасьысьяслысь кынӧмсӧ вожӧдасны.

Закар 7:9

– Господь Саваоф тадзи висьталӧ: веськыда мыждӧй, лоӧй бур сьӧлӧмаӧсь да меліӧсь ӧта-мӧдныд дінӧ.

Яков 2:13

Ӧд буралӧмыд ёна ыджыдджык мыждӧм дорысь. Но коді оз ло бур сьӧлӧма мӧд дінӧ, сійӧс лоӧ мыждӧма бурсьӧлӧмтчытӧг.

Яков 1:27

Мортыс кӧ видзӧ асьсӧ тайӧ мувывса пежсьыс, сійӧ кӧ тӧждысьӧ батьтӧм-мамтӧм челядь вӧсна да дӧваяс вӧсна налӧн сьӧкыдалігӧн – тайӧ эм Ен Бать водзын сӧстӧм да пежасьтӧм вежавидзӧм.

Ап. уджъяс 26:20

Медводз Дамаскын да Ерусалимын, сэсся став Иудея му пасьтала, сэсся нин ентӧдтӧмъяслы висьтавлі, мед бергӧдчасны мыжъяссьыныс Енлань да олӧмнас петкӧдласны тайӧс.

Ап. уджъяс 2:38

Петыр шуис налы: «Бергӧдчӧй мыжъяссьыныд да пыртчӧй Исус Кристос нимӧн, медым Ен прӧститас мыжъяснытӧ. Сэки Ен сетас тіянлы Вежа Лолӧс.

Закар 8:16

Со мый тіянлы колӧ вӧчны: висьталӧй збыльсӧ ӧта-мӧдныдлы, бурасьӧм могысь веськыда мыждӧй ёрд выланыд.

Закар 1:3

Висьтав войтырыслы Господь Саваофлысь шуӧмсӧ. Бергӧдчӧй Ме дінӧ, и Ме бергӧдча тіян дінӧ, – висьталӧ Господь Саваоф. –

Софоний 3:8

Сідзкӧ, виччысьӧй Менӧ, – висьталӧ Господь, – виччысьӧй сійӧ лунсӧ, кор Ме сувта мыждыны. Ӧд Ме шуи, мый чукӧрта войтыръясӧс, медым кисьтны на вылӧ Ассьым лӧглунӧс, ыпъялысь скӧрлунӧс. Менам скӧрлуна биӧн лоӧ сотӧма став мусӧ.

Аввакум 2:3

Тайӧ аддзылӧмыс локтана кад йылысь, кадлӧн пом йылысь, тайӧ абу ылӧг. Тайӧ кадыс кӧ дыр на оз во, виччысь, ӧд тайӧ аддзылӧмыс инас, оз вежсьы.

Амос 5:24

Но веськыда мыждӧмыс мед визувтас ва моз, веськыдлуныс – ю моз.

Йоиль 2:13

Энӧ паськӧмнытӧ косялӧй, а сьӧлӧмнытӧ. Бергӧдчӧй Господьлань, асланыд Енлань, ӧд Сійӧ бур да мелі сьӧлӧма, Сылӧн терпитӧмыс ыджыд, Сылӧн буралӧмлы абу помыс, Сійӧ дась бӧр босьтны Ассьыс мыждана шуӧмсӧ.

Осий 10:12

Кӧдзӧй аслыныд веськыдлунсӧ, сэки вунданныд буралӧм. Гӧрӧй аслыныд выль муяс, воис кад корсьны Господьӧс. Господь локтас да зэр моз кисьтас тіян вылӧ веськыдлунсӧ.

Осий 4:1

– Израиль войтыр, кывзӧй Господьлысь кывсӧ! Господь мыжалӧ тайӧ муас олысьясӧс, ӧд збыльсӧ найӧ бокӧ вештісны, кывнысӧ вуджисны, Енсӧ оз тӧдны.

Еремей 22:15

Тэ ӧмӧй лоин ӧксыӧн, медым ошйысьны сус пу керкаӧн? Тэнад батьыд тшӧтш пӧттӧдз сёйис-юис, но сійӧ оліс веськыда да мыждіс збыльыс серти, та вӧсна ставыс сылӧн вӧлі бур.

Исай 58:6

Ме кӧсъя татшӧм видзалӧм: орӧд ылӧгыслысь кӧртӧдъяссӧ, разь сийӧслысь гӧрӧдъяссӧ, мезды нартитӧмаӧс, жугӧд быдпӧлӧс сийӧссӧ,

Исай 40:31

а Господь вылӧ лача кутысьяс бара на вынсялӧны: кутш моз найӧ шевкнитасны борднаныс, котӧртасны, но оз мудзны, мунасны, но оз жебмыны.

Исай 31:6

Израиль войтыр, бергӧдчӧй Сы дінӧ, код дінысь ті ёна ылыстчинныд!

Исай 30:18

Но Господь виччысьӧ, медым буравны тіян дінӧ, Сійӧ кыпӧдчӧ, медым бурсьӧлӧмтчыны тіян дінӧ. Ӧд Господь – веськыда мыждысь Ен. Шудаӧсь Сы вылӧ лача кутысьяс!

Исай 8:17

Ме виччыся Господьӧс, кӧть Сійӧ тупкис Ассьыс чужӧмбансӧ Яковлӧн рӧдысь. Господь вылӧ ме лача кута!

Исай 1:16

Сӧстӧммӧдчӧй, весалӧй асьнытӧ, медым водзӧ Ме эг нин аддзы тіянлысь лёк уджъяснытӧ. Дугдӧй вӧчны лёксӧ,

Шусьӧгъяс 21:3

Веськыда олӧмыд да веськыда мыждӧмыд вись вайӧм дорысь Господьлы шогманаджык.

Шусьӧгъяс 1:23

Кывзӧй менсьым янӧдӧмӧс, ме тырта тіянӧс мывкыдлунӧн, тӧдмӧда тіянӧс аслам кывъясӧн.

Псалтыр 123:2

эз кӧ Господь вӧв миян дор, кор йӧзыс кыпӧдчисны миянлы паныд,

Псалтыр 37:7

Ме мышкыртчи да дзикӧдз нюкыртчи, лунтыр ветлӧдла шогсьӧмӧн.

Олӧм 49:18

Господьӧй, мезды, ме виччыся отсӧг Тэсянь!

Езекиль 18:30

Израиль войтыр, Ме кута мыждыны тіянӧс олан туйныд серти, – висьталӧ Господь Ыджыдыс. – Бергӧдчӧй мыжъяссьыныд, медым энӧ крукасьӧй мыжныд понда.

Йоиль 2:12

– Бергӧдчӧй Ме дінӧ став сьӧлӧмнаныд, видзалӧй да сыркъялӧмӧн бӧрдӧй, – висьталӧ Господь весиг талун.

Петӧм 3:15

Ен нӧшта шуис Мӧисейлы: «Висьтав Израиль пиянлы, мый Господь, налӧн батьяслӧн Ен, Ӧвраамлӧн Ен, Исааклӧн Ен да Яковлӧн Ен, мӧдӧдіс тэнӧ на дінӧ. Чужысьяссянь чужысьясӧдз Менӧ кутасны шуны Господьӧн. Тайӧ Менам нимӧй пыр кежлӧ.

Амос 4:13

Со, Сійӧ вӧчис керӧсъяссӧ, артмӧдіс тӧвсӧ. Сійӧ висьталӧ мортлы Ассьыс кӧсйӧмсӧ. Асъя югыдсӧ Сійӧ вежӧ пемыдӧн, ветлӧдлӧ керӧсъяс вывті. Сылӧн нимыс – Господь, Ен Саваоф.