Осий 12:2 - Коми Библия 2023

² Господь мыжалӧ Иудаӧс, Сійӧ мыждас Яковӧс олан туйсьыс, мынтысяс сылы уджъясыс серти.

Осий 12:2 Referans Kwoze

Микей 6:2

Кывзӧй, керӧсъяс, Господьлысь мыжалӧмсӧ! Кывзӧй, муыслӧн вешйывтӧм подувъяс! Ӧд Господь мыжалӧ Ассьыс войтырсӧ, корӧ Израильӧс ёрд водзӧ.

Осий 4:1

– Израиль войтыр, кывзӧй Господьлысь кывсӧ! Господь мыжалӧ тайӧ муас олысьясӧс, ӧд збыльсӧ найӧ бокӧ вештісны, кывнысӧ вуджисны, Енсӧ оз тӧдны.

Исай 10:6

Ме веськӧда сійӧс тайӧ мыжа войтырыслы паныд, кодъяс вылӧ кыптӧ Менам скӧрлунӧй. Ме тшӧкта сылы куштыны да мырддявны налысь эмбурсӧ, талявны найӧс ывлавывса няйтӧс моз.

Галатӧ 6:7

Асьнытӧ энӧ ылӧдлӧй – Енмыс серамтуйын оз ло. Мортыд мый кӧдзас, сійӧс и вундас.

Римӧ 2:6

Сэки Енмыс быдӧнлы мынтысяс уджыс серти.

Матвей 16:27

Морт Пи локтас Батьыслӧн дзирдлунӧн Сылӧн анделъяскӧд да быдӧнлы уджъяс сертиыс мынтысяс.

Осий 8:13

Сійӧ висьяс вайӧ, сэсся яйсӧ сёйӧ, но Господьлы тайӧ висьясыс абу шогманаӧсь. Господь казьтыштас Ефремлысь лёк вӧчӧмсӧ да мыждас сійӧс мыжъяссьыс, сэки сылы бӧр ковмас мунны Египетӧ.

Осий 4:9

Мый суас войтырсӧ, суас тшӧтш попӧс. Ме мыжда найӧс ставнысӧ олан туйсьыныс, мынтыся налы уджъясныс серти.

Осий 2:13

Ме мыжда сійӧс лунъясысь, кор сійӧ вись сотліс Ваал идолъяслы, мичмӧдліс асьсӧ исергаясӧн да сикӧтшъясӧн, ветліс аслас мусукъяс бӧрся, а Менӧ вунӧдіс, – висьталӧ Господь.

Еремей 25:31

Му помӧдзыс кылас Господьлӧн горзӧмыс, ӧд Сійӧ пондас мыждыны войтыръясӧс. Сійӧ вайӧдас став йӧзсӧ ёрд водзӧ, сетас лёк вӧчысьясӧс шыпурт улӧ, – висьталӧ Господь.

Исай 59:18

Уджъясныс серти Сійӧ мынтысяс паныд кыпӧдчысьяслы, мынтысяс налы скӧрлунӧн, паныд сувтысьяслы – водзӧс перйӧмӧн, саридз дорын олысьяслы мынтысяс, кыдзи колӧ.

Исай 24:21

Сійӧ лунӧ Господь мыждас енэжвывса тышкакотыръясӧс енэжас, мувывса ӧксыясӧс – му вылас.

Исай 10:12

Кор Господь помӧдз вайӧдас Ассьыс уджсӧ Сион керӧс вылын да Ерусалимын, Сійӧ мынтысяс ассурса ӧксылы сылӧн вылӧ кыпӧдчӧмысь да ышнясьӧмысь.

Исай 3:11

Но курыд шог лёк вӧчысьлы! Сылы лоӧ мынтысьӧма уджъясыс серти.

Осий 9:9

Израиль дзикӧдз вӧйис пежас, кыдзи коркӧ Гиваын олысьяс. Енмыс казьтыштас налысь лёк вӧчӧмсӧ, мыждас найӧс мыжъяссьыныс.

Осий 7:2

Найӧ оз вежӧртны, мый налысь лёк уджъяссӧ Ме тӧд вылын кута. Ӧні налӧн уджъясныс кытшалӧмаӧсь найӧс, налӧн лёк вӧчӧмныс Менам чужӧмбан водзын.

Осий 9:15

Быд лёксӧ найӧ вӧчисны Галгалын, сэні Ме понді мустӧмтны найӧс. Налӧн лёк уджъясысь Ме вӧтла найӧс Аслам керкаысь, дугда радейтны найӧс, ӧд налӧн юралысьясныс асныраӧсь.

Амос 2:4

Господь тадзи висьталӧ: – Иуда войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд эновтісны Менсьым Индӧдӧс, Менам тшӧктӧмъяс серти эз овны. Батьясныс моз найӧ юрбитісны ылӧг енъяслы, кодъяс кежӧдісны найӧс туйсьыс.

Ӧксыяслӧн 4 небӧг 17:4

Но бӧрынджык Осий кыпӧдчис ассурса ӧксылы паныд да мӧдӧдіс ассьыс йӧзсӧ египетса Сигор ӧксы дінӧ корны отсӧг. Осий дугдіс мынтыны ассурса ӧксылы быдвося вот. Кор ассурса ӧксы казяліс, мый Осий вӧчӧ, пуксьӧдіс сійӧс дзескыдінӧ.

Иов 15:2

– Мывкыд морт оз вочавидз абутӧм тӧдӧмлунӧн, сійӧ оз пӧткӧдчы сынӧднас,

Еклесиаст 5:15

Мортыд кутшӧмӧн локтіс муюгыдас, сэтшӧмӧн и эновтас сійӧс. И тайӧ – ыджыд лёктор. Мый бурсӧ вайис сылы весьшӧрӧ мырсьӧм-уджалӧмыс?

Исай 30:6

Негев овтӧминса пемӧсъяс йылысь водзвыв висьталӧм. Шогнас да сьӧкыднас тырӧм му вывті, кӧні олӧны левъяс, гадюкаяс да лэбалысь змейяс, иудаса юралысьяс нуӧны осёлъяс вылын ассьыныс озырлунсӧ, верблюдъяс вылын – ассьыныс эмбурсӧ сійӧ войтырлы, коді оз вермы налы отсавны.

Осий 7:1

Кор Ме бурдӧда Израильӧс, тыдовтчас Ефремлӧн мыжыс, мыччысясны Самариялӧн лёк уджъясыс, ӧд йӧзыс пӧръясьӧны, гусясьысьяс керкаяс куштӧны, туйяс вылын мырддялӧны.

Осий 7:11

Ефрем лои вежӧртӧм гулю кодь, нинӧм оз гӧгӧрво: отсӧг корӧ Египетлысь, мунӧ Ассурӧ.

Осий 8:9

Ӧткӧн шӧйтысь осёл моз Израиль войтыр муніс Ассурӧ. Ефрем ньӧбис аслыс мусукъясӧс.

Осий 8:10

Сійӧ ньӧбис муслунсӧ войтыръяслысь, но регыд Ме чукӧрта найӧс ставнысӧ. Найӧ пондасны сьӧкыдавны ассурса ӧксылӧн да юралысьяслӧн нартитӧмысь.