Осий 10:1 - Коми Библия 2023

¹ – Израиль вӧлі уна вожа виноград пу кодь, сійӧ вайис уна вотӧс. Кымын унджык сылӧн вӧлі вотӧсыс, сымын унджык сійӧ лэптіс висьпуктанінъяс. Кымын бурджыка сылӧн муыс быдтіс нянь, сымын ёнджыка сійӧ мичмӧдіс юрбитан изъяс.

Осий 10:1 Referans Kwoze

Осий 8:11

Ефрем сувтӧдіс уна висьпуктанін, медым мыж вӧчны, та вӧсна сійӧ мыжмис.

Осий 12:11

Галаад тырис лёкнас, сэтчӧс олысьяс лоины шогмытӧмӧсь. Галгалын начкисны ӧшъясӧс, медым вись вайны, но налысь висьпуктанінъяссӧ жугласны, найӧ лоӧны гӧрӧм му вылын туплясьысь из чукӧръяс кодьӧсь.

Филипӧ 2:21

Ставныс сӧмын ас вӧснаныс тӧждысьӧны, оз Исус Кристослы кесъялӧм вӧсна.

Еремей 2:28

Но кӧні тіян киӧн вӧчӧм енъясныд? Вермӧны кӧ, найӧ мед отсаласны тіянлы шог дырйиныд. Ӧд тэнад, Иуда войтыр, сы мында жӧ енмыс, мыйта тэнад карыд.

Левит 26:1

«Энӧ вӧчӧй бӧлбанъясӧс, энӧ сувтӧдӧй из сюръяяс да серпасалӧм изъяс, медым налы юрбитны. Ме – Господь, тіян Енныд.

Ӧксыяслӧн 3 небӧг 14:23

Джуджыд мылькъяс вылын да пашкыр пуяс улын найӧ вӧчисны аслыныс юрбитанінъяс, сувтӧдісны юрбитан изъяс да юрбитан пуяс.

2 Коринфӧ 5:16

Ӧнісянь ми некодӧс огӧ донъялӧй морт видзӧдлас серти. Водзын кӧ Кристосӧс донъялім морт видзӧдлас серти, ӧні огӧ.

Наум 2:2

Господь бӧр бергӧдас Яков рӧдлы нималӧмсӧ, бергӧдас Израиль войтырлы нималӧмсӧ, кӧть мырддялысьяс куштісны сійӧс, талялісны сылысь виноград йӧрсӧ.

Осий 13:6

Но кор тэнад вӧліны йирсянінъяс, тэ пӧттӧдз сёйлін. А кор пӧтлін, сьӧлӧмад ыкшаасин да вунӧдлін Менӧ.

Осий 13:2

Водзӧ мыж вӧчӧ Ефрем, сывдӧ аслыс эзысь бӧлбанъясӧс, аслас мывкыд серти вӧчӧ идолъясӧс – ставыс тайӧ дорччысьлӧн удж. Вись вайысьяс йылысь шуалӧны, найӧ пӧ ӧшсӧ окалӧны.

Осий 12:8

Ефрем ошйысьӧ: «Ме зэв озыр, уна эмбур аслым чукӧрті! Менам уджъясысь некод оз аддзы лёксӧ, мыжсӧ менсьым некод оз аддзы».

Осий 8:4

Метӧг найӧ асьныс пуктісны ӧксыясӧс, Менсьым юасьтӧг бӧрйисны юралысьясӧс. Асланыс эзысь-зарниысь найӧ вӧчисны бӧлбанъясӧс – тадзи вӧчӧмӧн найӧ бырӧдасны асьнысӧ.

Осий 2:8

Сійӧ эз гӧгӧрво, мый няньсӧ, винасӧ да выйсӧ сылы Ме сеті. Ме сійӧс озырмӧді эзысь-зарниӧн, но таысь найӧ вӧчисны Ваал бӧлбанӧс.

Осий 3:4

Израиль войтыр дыр кад чӧж кутас овны ӧксытӧг да юралысьтӧг. Висьяс, юрбитан изъяс, ефод да гортса бӧлбанъяс оз лоны налӧн.

Осий 4:7

Кымын содӧ попъяслӧн лыдыс, сымын содӧ Меным паныд мыжныс. Налысь нималӧмсӧ Ме бергӧда яналӧмӧ.

Осий 13:15

Мед кӧ Ефрем аслас вокъяс пӧвстын вайӧ вотӧс, но петас асыв тӧв, овтӧминсянь пондас пӧльтны Господьлӧн тӧвнырыс, и Ефремлӧн юкмӧсыс кушмас, ва петаніныс косьмас. Сылысь озырлунсӧ петкӧдасны, став донаторсӧ мырддяласны.

Еремей 11:13

Мыйта Иуда муын карыс, сы мында Иуда войтырлӧн и енмыс. Мыйта Ерусалимын уличыс, сы мында жӧ висьпуктанін сувтӧдісны олысьясыс, медым сотны висьяс зывӧк Вааллы.

Еремей 11:17

Господь Саваоф, коді пуктіс да быдтіс Израиль да Иуда войтыръясӧс, шуис мӧдӧдны на вылӧ шог налӧн лёк уджъясныс понда. Зывӧк Вааллы вись сотӧмнас найӧ скӧрмӧдісны Господьӧс. Тадзи аслыныс вӧчисны лёксӧ.

Осий 2:10

Ме пӧрччӧда сійӧс да янӧда мусукъясыс водзын, и некод оз вермы мездыны сійӧс Менам киысь.