5 Кор Господь [Ен] аддзис, мый мувывса йӧзлӧн олӧмыс тшыкӧма, и мый налӧн мӧвпъясыс да сьӧлӧм кӧсйӧмъясыс пыр лёкӧсь,
Буретш сьӧлӧмысь петӧны лёк мӧвпъяс, морт виӧм, гозъякост олӧм пежалӧм, кырсалӧм, гусясьӧм, пӧръясьӧм да омӧльтӧм.
– Ерусалим, сӧстӧммӧд ассьыд сьӧлӧмтӧ лёксьыс, сэки тэ мездман. Дыр-ӧ на тэ пондан видзны сьӧлӧмад лёк мӧвпъястӧ?
Мортлӧн сьӧлӧмыс наян, сійӧс он вермы вежнысӧ. Коді тӧдӧ мортлысь сьӧлӧмсӧ?
Тайӧ и эм лёкыс шонді улас, мый став йӧзыскӧд лоӧ ӧтмоза. Мортлӧн сьӧлӧмыс тырӧма лёкнас, йӧйлуныс олӧ сы пытшкын олӧм чӧжыс, и олӧм бӧрас мортыс мунӧ кулӧмаяс дінӧ – тайӧ тшӧтш лёк.
Сӧмын ӧтитор ме гӧгӧрвои: Енмыс вӧчис мортӧс веськыдӧн, но йӧзыс сетчисны уна ковтӧм мӧвпалӧмӧ.
Висьпуктанінсянь чӧскыд ӧвтӧмнас лолалігӧн Господь [Ен] шуис Аслыс: «Ог кут сэсся ёрны мусӧ морт вӧсна. Мортлӧн мӧвпъясыс томсяньыс тырӧмаӧсь лёкнас, но водзӧ Ме ог кут бырӧдны став ловъя олысьсӧ, кыдзи Ме вӧчи.
Давид лӧсьӧдіс тайӧ сьыланкывсӧ, кор Зиф карысь локтісны йӧз да висьталісны Сауллы, мый Давид дзебсясьӧ на пӧвстын.
Ми ӧд асьным коркӧ вӧлім вежӧртӧмӧсь да кывзысьтӧмӧсь, вошӧмаӧсь олӧмас, сетчӧмаӧсь ыштӧмас да быдпӧлӧс ковтӧм гажӧдчӧмас. Олім лёк пытшкас, вежалім, вӧлім мустӧмӧсь, да мукӧдсӧ тшӧтш мустӧмтім.
Господь шуис меным: «Пыр да видзӧдлы, кутшӧм зывӧк найӧ вӧчӧны тані».
Содомын олысьяс вӧліны зэв лёкӧсь, найӧ уна мыж вӧчисны Господьлы паныд.
Господь шуис меным: «Морт пиӧй, аддзан-ӧ, мый Израильлӧн юрнуӧдысьясыс вӧчӧны асланыс пемыд жыръясын, кӧні серпасалӧма идолъясӧс? Найӧ шуӧны, Господь пӧ оз аддзы миянӧс, Сійӧ пӧ эновтӧма тайӧ мусӧ».
лёк вӧчны мӧвпалысь сьӧлӧм, лёк вӧчны котӧртысь кок,
Йитӧд йылысь кыв сетӧмсӧ кылӧм бӧрын татшӧм мортыс мӧвпалӧ: ”Менам ставыс лоӧ бур. Ола, кыдзи кӧсъя”. Татшӧм мортыс вӧсна бырӧдӧмыс локтас став войтырыс вылӧ.
Кыдзи вермас лоны сӧстӧмӧн пеж да шогмытӧм морт, кодлы лёк вӧчӧмыс ва юӧм кодь?
Кыдзи вӧлі Ной лунъяс дырйи, сідзи лоӧ Морт Пи локтігӧн.
Тайӧ ловъясыс вӧліны кывзысьтӧмӧсь Енлӧн терпитӧм дырйи, кор Ной вӧчис ковчег. Сэні этшаӧн, сӧмын кӧкъямыс морт, мездмисны ва пыр.
Тэ ӧмӧй водзӧ кутан талявны важ туйсӧ, кыті ветлісны лёк вӧчысьяс.