Олӧм 50:13 - Коми Библия 2023

¹³ Нуисны сылысь шойсӧ Ханаан муӧ да дзебисны кырта горсйӧ, коді Макпела му вылын Мамре дорын. Тайӧ мусӧ да кырта горссӧ Ӧвраам ньӧбліс хеттей Ефронлысь, медым сэтчӧ дзебны кулӧмаясӧс.

Олӧм 50:13 Referans Kwoze

Ап. уджъяс 7:16

Сэсся налысь шойяссӧ вайисны Сикемӧ да гуалісны. Гусӧ Ӧвраам ньӧблӧма эзысь вылӧ Сикемын олысь Хамор пиянлысь.

Ӧксыяслӧн 4 небӧг 21:18

Манассей куліс да вуджис батьясыс дінӧ. Сійӧс дзебисны аслас ӧксы керка йӧрӧ – Уззайлӧн сад йӧрӧ. Манассей бӧрти ӧксыӧ пуксис сылӧн Амон пиыс.

Олӧм 35:29

Сійӧ куліс пӧрысь кадӧ, олӧмнас пӧтӧмаӧн вуджис батьясыс дінӧ. Исав да Яков пияныс дзебисны сійӧс.

Олӧм 35:27

Яков локтіс аслас Исаак бать дінӧ Мамреӧ, тайӧ Киръят-Арбаын, ӧнія Хеврон карын [Ханаан муын]. Сэні коркӧ оліс Ӧвраам, сэсся оліс Исаак.

Олӧм 25:9

Исаак да Измаил пияныс дзебисны сійӧс Макпела кырта горсйӧ. Дзебаніныс вӧлі Мамре дорын, хеттей Цохар Ефронлӧн му вылын.

Олӧм 23:20

Тадзи тайӧ муыс да кырта горсйыс хеттейяссянь вуджисны Ӧвраамлы, и сэтчӧ кутісны дзебны кулӧмаясӧс.

Олӧм 47:30

Кор ме вуджа аслам батьяс дінӧ, ну менсьым шойӧс Египетысь да гуав батьяслӧн дзебанінӧ». Ӧсип шуис: «Вӧча тэнад корӧм серти».

Олӧм 50:12

Яковлӧн пияныс ставсӧ вӧчисны батьныслӧн тшӧктӧм серти.

Олӧм 50:14

Батьсӧ дзебӧм бӧрын Ӧсип бӧр локтіс Египетӧ вокъясыскӧд да ставныскӧд, кодъяс ветлісны дзебны батьсӧ.

Олӧм 23:9

мед вузалас меным аслас му помысь Макпела кырта горссӧ. Мыйта корас, сы мында и мынта сылы тіян дырйи. Сэки тайӧ кырта горсйыс лоӧ менам рӧдлы дзебанінӧн».

Олӧм 25:8

Сійӧ куліс пӧрысь кадӧ, олӧмнас пӧтӧмаӧн вуджис батьясыс дінӧ.

Олӧм 46:4

Ме Ачым муна тэкӧд сэтчӧ, и Ачым бӧр петкӧда тэнӧ сэтысь. Тэнсьыд синтӧ аслас киӧн тупкас Ӧсип».