Олӧм 49:8 - Коми Библия 2023

⁸ Иуда, тэнӧ ошкасны вокъясыд, тэныд копыртчасны батьыдлӧн пияныс, ӧд тэнад киыд вӧрӧгыдлӧн сьылідзир вылас.

Олӧм 49:8 Referans Kwoze

Еврейяслы 7:14

Ми тӧдам, мый миян Господь петіс Иуда чужанкотырысь. Но Мӧисей нинӧм эз висьтавлы, мый тайӧ чужанкотырсьыс петасны попъяс.

Олӧм 27:29

Войтыръяс мед кесъяласны тэныд, чужанкотыръяс мед копыртчасны тэныд. Вокъясыд вылын ло ыджыдӧн, мамыдлӧн пияныс мед копыртчасны тэныд. Тэнӧ ёрысьясӧс лоӧ ёрӧма, тэнӧ бурсиысьясӧс лоӧ бурсиӧма!

1 Каднебӧг 5:2

Иуда вӧлі медся тӧдчана аслас вокъяс пӧвстын, и сылӧн рӧдысь петіс юралысь, но медводдза чужысьлӧн нимыс вуджис эз сылы, а Ӧсиплы.

Нав Исус 10:24

Ӧксыясӧс вайӧдӧм бӧрын Исус чукӧртіс Израиль войтырӧс да шуис тышкайӧзӧн веськӧдлысьяслы, кодъяс ветлісны сыкӧд тышӧ: «Матыстчӧй, тувччӧй кокнаныд ӧксыяслы голя выланыс». Найӧ сідзи и вӧчисны.

Индӧд 33:7

Иуда чужанкотыр йылысь Мӧисей шуис: – Господьӧй, кыв Иудалысь гӧлӧс шысӧ, бӧр вайӧд сійӧс аслас войтырыс дінӧ. Аслас киӧн сійӧ дорйысьӧ, Тэ отсав сылы вӧрӧгыскӧд вермасигас.

Олӧм 29:35

Сэсся Лия нӧшта на нӧбасис да чужтіс пиӧс, сэк шуис: «Ӧні ме ошка Господьӧс». Та вӧсна сійӧ пуктіс пиыслы Иуда ним. Сэсся эз нин чужты ныв-пиӧс.

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Восьтӧм 5:5

Сэки юрнуӧдысьяс пиысь ӧти шуис меным: «Эн бӧрд! Иуда чужанкотырысь, Давид чужанвужйысь Лев вермӧма! Сійӧ разяс тайӧ гижӧдсӧ да жугӧдас сизимнан печатьсӧ».

Еврейяслы 10:13

Ӧні Сійӧ виччысьӧ сійӧ кадсӧ, кор Енмыс пуктас Сы кок улӧ паныд сувтысьяссӧ.

Езекиль 21:29

Аммон войтырлы висьталӧны абутӧмсӧ да ылӧгсӧ. Вавилонса шыпурт суас найӧс, лёксӧ да пежсӧ вӧчысьясӧс, ӧд воис найӧс мыждан луныс, налӧн лёк уджъяслы воис пом.

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Псалтыр 76:1

Едутунлы, сьылысьясӧн веськӧдлысьлы. Асафлӧн псалом.

2 Каднебӧг 30:11

Сӧмын Асирлӧн, Манассейлӧн да Завулонлӧн чужанкотырысь кодсюрӧ раммӧдчисны да локтісны Ерусалимӧ.

2 Каднебӧг 17:2

Иосафат мӧдӧдіс ассьыс тышкайӧзсӧ иудаса став изкарӧ. Сійӧ сувтӧдіс тышкакотыръясӧс Иуда му пасьтала да Ефрем чужанкотырлӧн каръясӧ, тайӧ каръяссӧ босьтліс сылӧн Аса батьыс.

2 Каднебӧг 15:9

Аса чукӧртіс Иуда да Венямин чужанкотыръяс, тшӧтш на пӧвстӧ Ефрем, Манассей да Симеон чужанкотыръясысь овмӧдчӧм йӧзӧс. Ӧд Израиль войтыр пӧвстысь унаӧн сувтісны Аса дор, кор найӧ аддзисны, мый сыкӧд Господь, сылӧн Енмыс.

2 Каднебӧг 14:8

Асалӧн вӧлі Иуда чужанкотырысь куимсё сюрс тышкаморт, кодъяслӧн вӧліны сайӧдъяс да шыяс. Нӧшта сылӧн вӧлі Венямин чужанкотырысь кыксё кӧкъямысдас сюрс тышкаморт, кодъяслӧн вӧліны сайӧдъяс да ньӧввужъяс. Ставныс найӧ вӧліны вына тышкасьысьяс.

Ӧксыяслӧн 2 небӧг 24:9

Йоав юӧртіс ӧксылы войтырлысь лыдсӧ. Вӧлӧмакӧ, Израильын кӧкъямыссё сюрс шыпурта морт, кодъяс вермӧны тышӧ петны, а Иудаын – витсё сюрс морт.

Ӧксыяслӧн 2 небӧг 22:41

Тэ бергӧдан вӧрӧгӧс пышйӧмӧ, ме вӧтча мустӧмтысьяс бӧрся да бырӧда найӧс.

Ӧксыяслӧн 2 небӧг 5:3

Хевронын Господь водзын Давид кӧрталіс израильса юрнуӧдысьяскӧд йитӧд. Найӧ мавтыштӧмӧн пуктісны Давидӧс Израиль войтырлы ӧксыӧ.

Ёрдысьяс 20:18

Израильсаяс локтісны Вефильӧ да юалісны Енлысь: «Кутшӧм чужанкотырлы колӧ медводдзаӧн петны Венямин чужанкотырлы паныд тышӧ?» Господь вочавидзис: «Иуда чужанкотырлы».

Лыд 26:22

Тайӧ – Иуда чужанкотырлӧн рӧдъяс. Арталӧм-гижалӧм айуловлӧн лыдыс вӧлі сизимдас квайт сюрс витсё морт.

Лыд 10:14

Медводдзаӧн асланыс дӧрапас улын тышкайӧз моз петісны туйӧ Иуда чужанкотыр да сыкӧд орччӧн сувтлӧм чужанкотыръяс. Иуда чужанкотырӧс нуӧдіс Аминадавлӧн Наашон пиыс.

Лыд 1:27

Иуда чужанкотырын вӧлі сизимдас нёль сюрс квайтсё морт.

Олӧм 46:12

Иудалӧн пияныс: Ир, Онан, Шелай, Парес да Зерах. Но Ир да Онан кулісны Ханаан муын. Пареслӧн пияныс: Хецрон да Хамул.

Олӧм 42:6

Египет муӧн сэки веськӧдліс Ӧсип, и няньнас сійӧ вузасис ачыс. Ӧсиплӧн вокъясыс локтісны да муӧдзыс копыртчисны сылы.

Лыд 26:20

Иудасянь чужисны Шелай да сылӧн рӧдыс, Парес да сылӧн рӧдыс, Зерах да сылӧн рӧдыс.

1 Каднебӧг 28:4

Господь, Израильлӧн Ен, бӧрйис менӧ батьлӧн рӧдысь да пыр кежлӧ пуктіс Израильлӧн ӧксыӧ. Став чужанкотырыс пӧвстысь Сійӧ бӧрйис Иудаӧс да пуктіс сійӧс юралысьӧ, Иуда чужанкотыр пӧвстысь бӧрйис менам батьлысь рӧдсӧ, а менам батьлӧн пиян пӧвстысь ме вои Сылы сьӧлӧм вылас, и Сійӧ пуктіс менӧ ӧксыӧ Израильлы.

Нав Исус 15:20

Иуда чужанкотырлӧн рӧдъяслы вичмӧдӧма татшӧм му.