Олӧм 48:2 - Коми Библия 2023

² Яковлы висьталісны, Ӧсип пиыд пӧ локтӧ тэ дорӧ. Израиль чукӧртіс став вынсӧ да пуксис вольпась вылас.

Олӧм 48:2 Referans Kwoze

Ефесӧ 6:10

Нӧшта вокъясӧй, ёнмӧдӧй асьнытӧ Господькӧд ӧтувъя олӧмас Сылӧн вермана выннас.

Шусьӧгъяс 23:15

Пиӧй, тэ кӧ мывкыд сьӧлӧма, таысь и менам сьӧлӧмӧй нимкодясьӧ.

Псалтыр 41:3

Менам лолӧй ёна гажтӧмтчӧ [вына да] ловъя Енмысь. Кор нин ме верма сувтны Енлӧн чужӧмбан водзӧ?

Неемий 2:18

Ме висьталі налы, кутшӧма менам Енмӧй отсаліс меным, да мый шуис меным ӧксы. Сэки найӧ шуисны: «Кутам лэптыны!» Сэсся босьтчисны тайӧ бур уджас.

Ӧксыяслӧн 1 небӧг 23:16

Давид дінӧ локтіс Сауллӧн Ионафан пиыс да ышӧдіс сійӧс лача кутны Енмыс вылӧ.

Индӧд 3:28

Туйдӧд-велӧд Исусӧс, ышӧд-ёнмӧд сійӧс, ӧд сылы ковмас нуӧдны тайӧ войтырсӧ Йӧрдан ю сайӧ да юклыны налы [став] мусӧ, мый тэ Фасга керӧс вывсянь аддзылан”.

Олӧм 48:1

Кад мысти Ӧсип тӧдмаліс батьыслӧн висьмӧм йылысь. Сійӧ босьтіс аскӧдыс Манассей да Ефрем пиянсӧ [да муніс Яков дінӧ].

Олӧм 48:3

Яков шуис Ӧсиплы: «Ставсӧвермысь Ен петкӧдчис меным Ханаанса Лузын да бурсиис менӧ.