Олӧм 48:15 - Коми Библия 2023

¹⁵ Сэсся бурсиис Ӧсипӧс да шуис: – Енмыс, кодлысь кывзысисны менам Ӧвраам да Исаак батьясӧй, чужӧмсянь да ӧнӧдз видзис менӧ.

Олӧм 48:15 Referans Kwoze

Олӧм 17:1

Ӧврамлы вӧлі ӧкмысдас ӧкмыс арӧс, кор Господь петкӧдчис сылы да шуис: «Ме – Ставсӧвермысь Ен, ов Ме водзын сӧстӧма.

Колосӧ 2:6

Ті кӧ сибӧдінныд Господь Исус Кристосӧс, сідзкӧ, олӧй Сы пытшкын.

Еврейяслы 11:21

Кулігас Яков эскӧмӧн бурсиис Ӧсиплысь пиянсӧ да бедь вылас мыджсьӧмӧн юрбитіс Енлы.

2 Коринфӧ 1:12

Ми ошйысям, мый тайӧ муюгыдас олысьяскӧд, торйӧн нин тіянкӧд, вӧлім восьсаӧсь да веськыдӧсь, олім Енлысь кывзысьӧмӧн. Та вӧсна миян сьӧлӧмным оз мыжды миянӧс. Ми ӧд эгӧ асланым мывкыд серти олӧй, миянӧн веськӧдліс Енлӧн буралӧмыс.

1 Коринфӧ 10:31

Та вӧсна сёянныд-ӧ, юанныд-ӧ али нӧшта мыйкӧ вӧчанныд – ставсӧ вӧчӧй Енмӧс ошкӧм могысь.

Лука 1:6

Найӧ кыкнанныс олісны Ен водзын веськыда, ставсӧ вӧчисны Господьлӧн тшӧктӧм серти.

Еремей 8:2

Лыяссӧ разӧдасны шонді, тӧлысь да енэжвыв кодзувъяс улӧ, кодъясӧс найӧ радейтісны, кодъяслы кесъялісны да юрбитісны-копрасисны и кодъяссянь корсьысисны туйдӧдӧм. Налысь лыяссӧ оз чукӧртны, оз гуавны, найӧ кутасны куйлыны му вылас да пӧрасны куйӧдӧ.

Исай 33:16

Татшӧм мортыс пондас овны выліинын, сылӧн сайӧдчанінӧн лоӧ керӧсвывса изкар. Сылӧн няньыс пыр лоӧ, и ваыс сылӧн оз бырлы.

Исай 30:21

Ті кӧ кежанныд веськыдвылӧ либӧ шуйгавылӧ, бӧрвывсяньныд ті кыланныд татшӧм кывъяс: «Со туйыс, мунӧй сэті!»

Еклесиаст 6:7

Мортыд мырсьӧ-уджалӧ, мед сӧмын мыйкӧ сюйыштны вомас, но сылӧн сьӧлӧмыс таысь оз бурмы.

Еклесиаст 5:18

Енмыс кӧ сетӧ мортлы озырлун да овмӧс-эмбур, лэдзӧ сы помысь овны-вывны, босьтны ассьыс пайсӧ да нимкодясьны мырсян-пессян олӧмас, тайӧ сылы – Енсянь козин.

Еклесиаст 5:12

Ме аддзи шонді улас ыджыд лёктор – озырлун чукӧртӧмыд бурсӧ оз вай.

Псалтыр 37:3

Тэнад ньӧвъясыд сатшисны меӧ, Тэнад киыд личкӧ менӧ.

Псалтыр 23:1

Давидлӧн псалом. [Сьылӧны вежонса медводдза лунӧ.] Муыс да ставыс, мый сэні эм, муюгыдыс да сэні олысьяс – Господьлӧн.

Псалтыр 16:8

Видз менӧ синмӧс моз, дзеб Аслад бордъяс улӧ

Ӧксыяслӧн 3 небӧг 3:6

Соломон воча шуис: «Тэ вӧлін зэв бур сьӧлӧма менам Давид бать дінӧ, Аслад кесйӧг дінӧ, ӧд сійӧ оліс Тэнсьыд кывзысьӧмӧн да веськыда, ставсӧ вӧчис сӧстӧм сьӧлӧмӧн. Ассьыд ыджыд буралӧмтӧ Тэ эн вешты сы дінысь, Тэ сетін сылы пиӧс, коді ӧні пукалӧ сылӧн юралан пуклӧсын.

Индӧд 33:1

Со тайӧ бурсиӧмнас Мӧисей, Енлӧн морт, бурсиис Израиль пиянӧс кулӧм водзвылас:

Олӧм 49:28

Тайӧ – Израильлӧн дас кыкнан чужанкотырыс. Пиянсӧ бурсиигас батьныс висьталіс ставсӧ тайӧс. Сійӧ быдӧнӧс бурсиис торйӧн.

Олӧм 49:24

но ньӧввужйыс сылӧн эз личавлы, ки сӧнъясыс колины крепыдӧсь, ӧд сылы отсаліс Яковлӧн вына Ен, сійӧс Видзысьыс, Израильлӧн зумыд Изйыс.

Олӧм 48:16

Андел, коді мездіс менӧ быдпӧлӧс лёкысь, мед бурсиас тайӧ зонъяссӧ. На пыр мед нималас менам нимӧй, тшӧтш Ӧвраам да Исаак батьяслӧн нимъясыс. Насянь мед уна чужысь лоас му вылын.

Олӧм 28:22

Тайӧ изйыс лоас [меным] Ен керкаӧн. И ставсьыс, мый Тэ сетан меным, ме сета Тэныд дасӧд юкӧнсӧ».

Олӧм 28:20

Яков кыв сетіс: «Лоас кӧ мекӧд [Господь] Ен да видзас менӧ туйын, сетас меным нянь да паськӧм,

Олӧм 28:3

Мед бурсиас тэнӧ Ставсӧвермысь Ен! Мед Сійӧ сетас тэныд зэв уна чужысьӧс! Тэ лоан унасьыс-уна войтырлы бать.

Олӧм 27:4

Дасьты менсьым радейтана сёянӧс. Ме сёя, а сэсся бурсиа тэнӧ кулӧм водзвылын».

Олӧм 24:20

Ныв пырысьтӧм-пыр кисьтіс гырнич дозйысь васӧ ворйӧ да котӧртіс бара на юкмӧс дорӧ. Тадзи сійӧ гумлаліс васӧ став верблюдыслы.

Олӧм 6:9

Ной да сысянь чужысьяс йылысь. Сійӧ кадас сӧмын Ной оліс веськыда да кывзысис Енлысь. Сійӧ вӧлі сӧстӧм сьӧлӧма морт.

1 Фессалоникаӧ 2:12

Ми туйдӧдім-ышӧдім тіянӧс да корим овны Ен ногӧн, коді корис тіянӧс Аслас Юраланінӧ да дзирдлунӧ.

Петӧм 3:16

Мун, чукӧрт Израиль войтырлысь юрнуӧдысьяссӧ да шу налы, мый Господь, налӧн батьяслӧн Ен, Ӧвраамлӧн, Исааклӧн да Яковлӧн Ен, петкӧдчис тэныд да висьталіс: ”Ме видзӧді тіян бӧрся да аддзи, кыдзи ті оланныд Египетын.

Петӧм 4:5

Господь шуис: «Вӧч тайӧс, мед найӧ эскасны, мый збыльысь тэныд петкӧдчис Господь, налӧн батьяслӧн Ен – Ӧвраамлӧн Ен, Исааклӧн Ен да Яковлӧн Ен».

1 Каднебӧг 5:1

Рувим вӧлі Израильлӧн медводдза пи, но сійӧ узис аслас батьыслӧн гӧтыръяс пиысь ӧтикӧд да воштіс медводдза чужысьлысь нимсӧ. Медводдза чужысьлӧн нимыс вуджис Израильлӧн Ӧсип пиянлы.

Олӧм 24:40

Та вылӧ сійӧ шуис меным: ”Господь [Ен], кодлӧн кӧсйӧм серти ме ола, мӧдӧдас Ассьыс анделсӧ да бурсиас тэнсьыд туйтӧ, и тэ ваян пиӧйлы гӧтырсӧ менам рӧдвуж пӧвстысь, бать керкаысь.

Олӧм 27:27

Яков матыстчис да окыштіс батьсӧ. Сэки Исаак кыліс паськӧм дуксӧ да бурсиис шуалӧмӧн: – Менам пи дорысь ӧвтӧ Господьӧн бурсиӧм видзьясӧн.

Олӧм 35:3

Мунам Вефильӧ. Сэні ме сувтӧда висьпуктанін Енлы, коді кыліс менӧ сьӧкыд кадӧ да пыр вӧлі мекӧд [и видзис менӧ] ветліг-мунігъясӧ».

Олӧм 49:22

Ӧсип – ю весьтын быдмысь вотӧса пулӧн вож, быдмӧ-кыпӧдчӧ стен пӧлӧн.