Олӧм 46:7 - Коми Библия 2023

⁷ Ассьыс ныв-писӧ да налысь челядьсӧ – став ассьыс рӧдсӧ вайӧдіс аскӧдыс.

Олӧм 46:7 Referans Kwoze

Олӧм 46:6

Босьтісны тшӧтш ыж-мӧснысӧ да эмбурсӧ, мый чукӧрмис налӧн Ханаанын. Тадзи Яков став аслас рӧдыскӧд локтіс Египетӧ.

Олӧм 46:8

Египетӧ локтӧм Израиль пиянлӧн нимъясыс татшӧмӧсь. Рувим – Яковлӧн медводдза чужысьыс.

Нав Исус 24:4

Исааклы – Яковӧс да Исавӧс. Исавлы Ме вичмӧді Сеир керӧсвыв му, а Яков пияныскӧд вуджисны Египетӧ. [Сэні найӧ лоины уна лыда, ыджыд да ён войтырӧн. Египетсаяс пондісны найӧс дзескӧдны.]

Олӧм 34:7

Тайӧ кадас видз вылысь локтісны Яковлӧн пияныс. Найӧ кылісны лоӧмтор йылысь да ёна скӧрмисны, ӧд Яковлысь нывсӧ мырдӧналӧмнас – тайӧ шогмытӧмторсӧ вӧчӧмнас – Сикем янӧдіс Израильӧс.

Лыд 20:15

Батьясным локтісны Египетӧ, и сэні ми дыр кад олім. Египетсаяс нартитісны миянӧс да миянлысь батьяснымӧс.

Индӧд 23:7

Но энӧ мустӧмтӧй эдомсаясӧс, ӧд найӧ тіянлы вокъяс. Энӧ мустӧмтӧй египетсаясӧс, ӧд налӧн муын ті вӧлінныд локтысь йӧзӧн.

Индӧд 26:5

И тэ аслад Господь Ен водзын шу: ”Батьӧй вӧлі арамса ветлысь-мунысь. Сійӧ локтіс Египетӧ да овмӧдчис сэтчӧ этшаник йӧзкӧд. Сысянь чужис уна лыда, ыджыд да ён войтыр.

Псалтыр 105:23

Енмыс шуис бырӧдны найӧс, но Мӧисей, Сылӧн бӧрйӧмаыс, сувтіс Сы водзӧ, медым Сійӧ Аслас скӧрлунӧн эз бырӧд найӧс.

Исай 52:4

Господь Ыджыдыс тадзи висьталӧ: – Коркӧ Менам войтырӧй муніс Египетӧ, медым овны сэні. Сэсся Ассур некутшӧм помкатӧг топӧдіс-дзескӧдіс найӧс.