Олӧм 42:38 - Коми Библия 2023

³⁸ Яков шуис: «Оз мун менам пиӧй тіянкӧд. Сылӧн вокыс куліс, и сійӧ ӧтнасӧн менам колис. Туяс кӧ сыкӧд мыйкӧ лоӧ, ті менӧ, пӧрысь мортӧс, шогӧ вӧйтанныд да кулӧмаяс дінӧ мӧдӧданныд».

Олӧм 42:38 Referans Kwoze

Олӧм 37:35

Ныв-пиыс чукӧртчисны бурӧдны сійӧс, но сійӧ эз сибӧд бурӧдӧмсӧ, а шуис: «Шог сьӧлӧмӧн ме вуджа кулӧмаяслӧн оланінӧ пиӧй дінӧ». Тадзи бӧрдіс батьыс Ӧсип вӧсна.

Олӧм 42:4

Но Ӧсиплысь Венямин воксӧ Яков эз лэдз вокъясыскӧд, чайтіс, мый сыкӧд лёктор вермас лоны.

Олӧм 37:33

Сійӧ тӧдіс да шуис: «Тайӧ ӧд пиӧйлӧн дӧрӧмыс! Лёк звер тай сійӧс сёйӧма! Збыльысь тай Ӧсипӧс чашйӧма!»

Олӧм 42:13

Найӧ шуисны: «Ми, тэнад кесйӧгъяс, локтім Ханаан муысь. Ми ставным ӧти батьлӧн пиян, дас кык вок вӧлім. Медічӧтыс кольччис батьнымкӧд, а ӧти вок абу нин ловъя».

Исай 46:4

Тіян пӧрысь кадӧдз Ме лоа Сійӧ жӧ, тіян дзормытӧдзныд Ме новлӧдла тіянӧс. Ме вӧчи тіянӧс, и нуа тіянӧс, новлӧдла да видза тіянӧс.

Исай 38:10

Ме мӧвпышті: ме олі сӧмын джын нэмӧс на, но меным ковмас мунны пыдӧстӧминлӧн дзиръя пыр, менам эз нин кольны олан лунъясӧй.

Еклесиаст 2:26

Коді шогмана Енмыслы, сылы Енмыс сетӧ мывкыдлун, тӧдӧмлун да долыдлун. А мыж вӧчысьлы Енмыс сетӧ чӧжны-чукӧртны да кольны мортлы, коді шогмана Енмыслы. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 1:14

Ме видзӧдалі став уджсӧ, мый вӧчсьӧ шонді улас. Вӧлӧмакӧ, ставыс весьшӧрӧ, тӧв бӧрся вӧтлысьӧм кодь.

Псалтыр 90:10

Оз су тэнӧ лёкыс, пеж висьӧм оз инмӧдчы тэнад оланінӧ.

Псалтыр 71:18

Ошкӧм Господь Енлы, Израильлӧн Енлы, Сійӧ ӧтнасӧн вӧчӧ шензьӧданаторъяс.

Ӧксыяслӧн 3 небӧг 2:6

Тэ ӧд мывкыд морт, сідзкӧ, вӧч мывкыд морт моз. Эн сет пӧрысьмӧм нин Йоавлы лӧня вуджны кулӧмаяс дінӧ.

Олӧм 44:20

Ми висьталім тэныд, ыджыдӧй, мый миян эм пӧрысь бать. Пӧрысь кадӧ сылӧн чужис медічӧт пи. Пиыс аслас мамсянь ӧтнас коли, кор сылӧн вокыс куліс. Батьным ёна радейтӧ сійӧс.

Олӧм 37:34

Яков косяліс паськӧмсӧ да гартыштіс коскас чорыд дӧра. Уна лун чӧж сійӧ бӧрдіс пиыс вӧсна.

Олӧм 42:37

Рувим шуис батьыслы: «Ог кӧ бӧр вайӧд Веняминӧс тэ дінӧ, верман вины менсьым кык пиӧс. Сет Веняминӧс менам киӧ, и ме бӧр вайӧда сійӧс тэ дінӧ».

Олӧм 43:13

Босьтӧй вокнытӧ аскӧдныд да ветлӧй сійӧ мортыс дінӧ.

Олӧм 44:22

Ми шуим тэныд, ыджыдӧй, мый зонмыс оз вермы кольны батьсӧ, ӧд коляс кӧ, батьным кулас.