Олӧм 42:36 - Коми Библия 2023

³⁶ Сійӧ шуис налы: «Ті воштінныд менсьым пиянӧс! Ӧсипӧй абу, Симеонӧй абу, и Веняминӧс босьтны кӧсъянныд! Став сьӧкыдыс ме вылӧ усьӧ!»

Олӧм 42:36 Referans Kwoze

Олӧм 43:14

Ставсӧвермысь Ен мед сетас сійӧ мортыслы бур сьӧлӧм, мед лэдзас Симеонӧс да Веняминӧс бӧр локны тіянкӧд. А меным кӧ шуӧма лоны челядьтӧг, мед лоӧ сідзи».

1 Коринфӧ 10:13

Тіянӧс кӧ суис сьӧкыдлун, тайӧ быд морткӧд вермӧ лоны. Но Енмыс эскана, Сійӧ оз сет сьӧкыдсӧ вынысь унджык нуны. Мӧдарӧ, сьӧкыдлун дырйи Сійӧ индас тіянлы петан туй, да ті венанныд сьӧкыдсӧ.

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Римӧ 8:28

Ми тӧдам, мый Енсӧ радейтысьяслы, Сылӧн шуӧм сертиыс корӧмаяслы, Сійӧ ставсӧ бергӧдӧ бур вылӧ.

Матвей 14:31

Исус дзик пыр нюжӧдіс кисӧ Петырлы, кутіс сійӧс да шуис: «Этша эскысьӧй, мыйла падъялан?»

Исай 41:10

Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.

Исай 38:10

Ме мӧвпышті: ме олі сӧмын джын нэмӧс на, но меным ковмас мунны пыдӧстӧминлӧн дзиръя пыр, менам эз нин кольны олан лунъясӧй.

Исай 27:9

Яковлысь мыжсӧ лоӧ вештӧма. Изйысь вӧчӧм висьпуктанінъяссӧ сійӧ жуглас торпыригӧдз, Израиль муын оз нин кутны сулавны юрбитан пуяс да тшынӧдчан висьпуктанінъяс. Тадзи тыдовтчас Яковлӧн олӧмын, мый сылысь мыжъяссӧ вештӧма.

Еклесиаст 7:8

Помалӧмыд бурджык заводитӧм дорысь, терпитӧмыд бурджык вылӧ кыпӧдчӧмысь.

Иов 7:7

Енмӧй, эн вунӧд, мый менам олӧмӧй тӧвру кодь, менам синмӧй бурсӧ оз нин аддзыв.

Ӧксыяслӧн 1 небӧг 27:1

Давид мӧвпаліс: «Коркӧ ме збыльысь веськала Саул киӧ. Бурджык меным пышйыны Филистим муӧ, сэки Саул ӧвсяс меысь, дугдас корсьны менӧ став Израиль му пасьтала. Тадзи ме мына сыысь».

Псалтыр 34:19

Эн сет мустӧмтысьяслы серавны ме вылын, ӧд ме мыжтӧм. Эн сет налы читкыравны синнысӧ, ӧд менам абу некутшӧм мыж.

Олӧм 47:12

Ӧсип могмӧдіс няньӧн ассьыс батьсӧ, вокъяссӧ да налысь котыръяссӧ. Быд котырлы няньсӧ сетіс челядь лыд серти.

Олӧм 45:28

Сійӧ шуис: «Ӧсип пиӧй ловъя! Тайӧ ставыс, мый меным колӧ. Ветла да кувтӧдз аддзысьла на сыкӧд».

2 Коринфӧ 4:17

Миян сьӧкыдалӧмыс кокньыд, сӧмын регыдъя, но таысь вичмас миянлы помтӧм-дортӧм да бырлытӧм дзирдлун.

Олӧм 42:37

Рувим шуис батьыслы: «Ог кӧ бӧр вайӧд Веняминӧс тэ дінӧ, верман вины менсьым кык пиӧс. Сет Веняминӧс менам киӧ, и ме бӧр вайӧда сійӧс тэ дінӧ».

Еремей 31:15

Господь тадзи висьталӧ: – Рама карын ырзӧм-бӧрдӧм кылӧ. Ракель аслас ныв-пи вӧснаыс бӧрдӧ, оз кӧсйы ланьтны бӧрдӧмсьыс, ӧд найӧ абуӧсь нин.

Олӧм 44:12

Керка кутысь шобис вокъяслысь мешӧкъяссӧ – ыджыд воксяньыс ичӧтӧдзыс. Дозмукыс сюри Венямин мешӧкысь.