Олӧм 42:22 - Коми Библия 2023

²² Рувим шуис налы: «Эг ӧмӧй шулы тіянлы, мед зонмыслы лёксӧ энӧ вӧчӧй? Но ті энӧ кывзысьӧй. Ӧні сылӧн вирысь ми водзӧс мынтам».

Олӧм 42:22 Referans Kwoze

Псалтыр 9:12

Сьылӧй Господьлы, Сионын Олысьлы, войтыръяс пӧвстын висьтавлӧй Сылӧн уджъясыс йылысь!

2 Каднебӧг 24:22

Йоас ӧксы вунӧдіс Закарлӧн Иодай батьыслысь сылы бур вӧчӧм йылысь да виис Иодайлысь писӧ. Кулігас Закар шуис: «Господь аддзӧ тайӧс, Сійӧ мед водзӧс перъяс!»

Ӧксыяслӧн 3 небӧг 2:32

Господь водзын сійӧ ачыс мыжа аслас кулӧмысь, ӧд Давид батьӧйлы висьтавтӧг сійӧ виис шыпуртӧн кык мортӧс – Нирлысь Авенир писӧ, израильса тышкайӧзӧн веськӧдлысьӧс, да Етерлысь Амессай писӧ, иудаса тышкайӧзӧн веськӧдлысьӧс. Найӧ вӧліны сыысь веськыдджыкӧсь да бурджыкӧсь.

Восьтӧм 16:9

Ёна пӧжӧмысла йӧзыс сотчисны да лёкӧдісны Енлысь нимсӧ, ӧд тайӧ бырӧданторъясыс вӧліны Енсянь. Но йӧзыс эз бергӧдчыны Енлань да эз ошкыны Сійӧс.

Восьтӧм 13:10

Коді мӧдӧс дзескыдінӧ пуксьӧдас, ачыс сэтчӧ веськалас. Коді шыпуртӧн виас, сійӧс асьсӧ шыпуртӧн виасны. Татшӧм кадас вежа войтырлы колӧ зумыдлун да эскӧм.

Римӧ 2:15

Тайӧ петкӧдлӧ, мый Индӧдсӧ гижӧма налӧн сьӧлӧмас. Буретш та йылысь и висьталӧ налӧн сьӧлӧмыс да мӧвпъясыс, найӧ либӧ мыждӧны, либӧ дорйӧны найӧс.

Ап. уджъяс 28:4

Сэтчӧс олысьяс кор аддзисны Павел ки вылын ӧшалысь змейӧс, ӧта-мӧдныслы шуалісны: «Тыдалӧ, сійӧ морт виысь, вӧйӧмысь кӧ мездмӧм бӧрын Водзӧсперйысьыс кӧсйӧ босьтны сылысь олӧмсӧ».

Лука 23:41

Миянӧс веськыда мыждӧма, асланым лёк вӧчӧмъясысь, а тайӧ Мортыс лёксӧ эз вӧчлы».

Езекиль 3:18

Кор Ме шуа лёк вӧчысьлы, мый сійӧ кулас, а тэ он ӧлӧд, медым сійӧ бергӧдчас лёк туй вывсьыс да ловйӧн коляс, сэки лёк вӧчысь кулас мыж вӧснаыс. Но сылӧн вирысь Ме водзӧс перъя тэнсьыд.

Олӧм 4:10

Господь шуис сылы: «Мый тэ вӧчин? Вокыдлӧн вирыс горзӧ Ме дінӧ му вывсянь.

Олӧм 42:23

Найӧ эз тӧдны, мый Ӧсип гӧгӧрвоӧ налысь сёрнисӧ. Ӧд Ӧсиплӧн вӧлі аслас вуджӧдчысь.

Олӧм 45:3

«Ме – Ӧсип», – шуис сійӧ вокъясыслы да юаліс: «Ловъя-ӧ менам батьӧй?» Но вокъясыс шӧйӧвошӧмнысла эз вермыны нинӧм вочавидзны.

Олӧм 50:15

Батьныс кулӧм бӧрын Ӧсиплӧн вокъясыс мӧвпалісны, мый Ӧсип кутас лӧгавны на вылӧ да став лёк вӧчӧмсьыныс налысь водзӧс перъяс.

Ӧксыяслӧн 1 небӧг 19:4

Ионафан висьталіс батьыслы Давид йылысь уна буртор. Сійӧ шуис: «Ӧксыӧй, эн вӧч лёксӧ аслад Давид кесйӧглы. Сійӧ ӧд тэныд нинӧм лёксӧ эз вӧч, сӧмын бурсӧ.

Ӧксыяслӧн 3 небӧг 2:33

Тайӧ кык мортлысь вирсӧ кисьтӧмысь мыжыс мед пыр кежлӧ коляс Йоав вылӧ да сысянь чужысьяс вылӧ. А Давидӧс да сысянь чужысьясӧс, сылысь рӧдсӧ да сылысь юралӧмсӧ мед пыр кытшалас Господьлӧн лӧньлуныс».