Олӧм 40:20 - Коми Библия 2023

²⁰ Куим лун мысти аслас чужан лунӧ фараон лӧсьӧдіс гаж став чина йӧзыслы. Сылы тӧд вылас усины медыджыд вина кисьталысьыс да нянь пӧжалысьыс.

Олӧм 40:20 Referans Kwoze

Матвей 14:6

Ирӧд чужан лунӧ Ирӧдиадалӧн нылыс йӧктіс гажӧдчысьяс водзын. Тайӧ воис Ирӧдлы сьӧлӧм вылас.

Олӧм 40:19

Куим лун мысти фараон кыпӧдас тшӧтш тэнӧ – ӧшӧдас пу вылӧ. И лэбачьяс кокаласны тэнӧ».

Олӧм 40:13

Куим лун мысти фараон кыпӧдас тэнӧ да босьтас важ удж вылад. Тэ сетан сылы киас юан дозсӧ, тадзи важ мозыс кутан кисьтавны сылы вина.

Марк 6:21

Ирӧд чужан лунӧ Ирӧдиадалы лоис позянлун вины Иоанӧс. Ирӧд котыртіс гаж юралысьяслы, тышкайӧзӧн веськӧдлысьяслы да галилеяса пыдди пуктана йӧзлы.

Ӧксыяслӧн 4 небӧг 25:27

Иудаса Еконей ӧксыӧс пленӧ нуӧдӧм бӧрын комын сизимӧд вонас дас кыкӧд тӧлысьлӧн кызь сизимӧд лунӧ вавилонса Эвил-Меродак ӧксы бурсьӧлӧмтчис иудаса Еконей ӧксы дінӧ да лэдзис сійӧс дзескыдінысь. Буретш тайӧ вонас Эвил-Меродак лоис ӧксыӧн.

Матвей 25:19

Дыр мысти кесйӧгъяслӧн ыджыдыс локтас да юалас найӧс сьӧм йывсьыс.

Иов 3:1

Сэсся Иов ёрис ассьыс чужан лунсӧ.

Эсфир 1:3

Коймӧд веськӧдлан воӧ став аслас юралысь-веськӧдлысьыслы ӧксы лӧсьӧдіс гаж. Сэтчӧ локтісны Персия да Мидия муясысь тышкайӧзӧн веськӧдлысьяс да ӧксыув муясӧн юралысьяс.

Олӧм 21:8

Кага быдмис, сійӧс дугӧдісны морӧсысь. Тайӧ лунӧ Ӧвраам лӧсьӧдіс ыджыд гаж.

Псалтыр 105:19

Хорив керӧс дорын миян батьяс вӧчисны ӧшкӧс, копыртчисны бӧлбанлы.

Еремей 52:31

Иудаса Еконей ӧксыӧс пленӧ нуӧдӧм бӧрын комын сизимӧд вонас дас кыкӧд тӧлысьлӧн кызь витӧд лунӧ вавилонса Эвил-Меродак ӧксы бурсьӧлӧмтчис иудаса Еконей ӧксы дінӧ да лэдзис сійӧс дзескыдінысь. Буретш тайӧ вонас Эвил-Меродак лоис ӧксыӧн.

Ӧксыяслӧн 3 небӧг 3:15

Кор Соломон садьмис, сійӧ гӧгӧрвоис, мый тайӧ вӧлі вӧт. Сійӧ бӧр локтіс Ерусалимӧ, сэні муніс [висьпуктанін дорӧ] Господьлӧн Йитӧд куд водзӧ и вайис сотан да бурасян висьяс. Та бӧрын аслас кесйӧгъяслы вӧчис ыджыд гаж.