Олӧм 4:7 - Коми Библия 2023

⁷ Вӧчан кӧ бурсӧ, лэпты юртӧ. А он кӧ вӧч бурсӧ, со, ӧдзӧс дорад мыжыс кыйӧдчӧ. Сійӧ кыскӧ тэнӧ ас дорас, но тэ ыджыдав сы вылын».

Олӧм 4:7 Referans Kwoze

Яков 1:15

Лёк кӧсйӧмыс содӧ-быдмӧ да чужтӧ мыж, а вӧчӧм мыжыс чужтӧ кулӧм.

Еврейяслы 11:4

Эскӧмӧн Авель вайис Енлы бурджык вись Каин дорысь. Авельлӧн эскӧм вӧсна Енмыс сибӧдіс сылысь висьсӧ да лыддис сійӧс веськыдӧн. Эскӧмыс вӧсна Авель весиг кулӧм бӧрас сёрнитӧ.

Римӧ 6:16

Ті ӧмӧй онӧ тӧдӧй: кодлы ті сетанныд асьнытӧ кесъявны, сылӧн ті и кесйӧгъяс. Кывзысянныд кӧ мыжыслысь – куланныд, Енмыслысь кӧ кывзысянныд – веськыдӧн лоанныд.

Лыд 32:23

Но онӧ кӧ тадзи вӧчӧй, Господьлы паныд мыж вӧчанныд и мыж вӧснаныд асьныд кывкутанныд.

Римӧ 12:1

Вокъяс, Енлӧн ыджыд буралӧмыс вӧсна кора тіянӧс: сетӧй асьнытӧ Енлы ловъя, вежа да шогмана вись пыдди. Тайӧ лоӧ бур мывкыда кесъялӧм Енмыслы.

Малакий 1:13

Ті шуасянныд, ноксьӧмыс пӧ мыйта, тадзи увтыртанныд кесъялан уджнытӧ, – висьталӧ Господь Саваоф. – Кор вись пыдди ті ваянныд гусялӧм, чотысь да висьысь пемӧсӧс, ті чайтанныд, мый Ме сибӧда сійӧс? – висьталӧ Господь. –

Шусьӧгъяс 21:27

Лёк вӧчысьлӧн висьыс – зывӧктана, торйӧн нин, наянпырысь кӧ висьсӧ вайӧ.

Малакий 1:10

Бурджык, тіян пиысь кӧ кодкӧ йигналас крамлысь ӧдзӧссӧ, медым весьшӧрӧ энӧ сотӧй бисӧ Менам висьпуктанін вылын. Ті Меным абу шогманаӧсь, – висьталӧ Господь Саваоф, – и тіянлысь вайӧмторъяснытӧ Ме ог сибӧд.

Малакий 1:8

Кор вись пыдди ваянныд синтӧм пемӧсӧс, абу-ӧ тайӧ лёктор? Чотысь да висьысь пемӧсӧс кор ваянныд, абу-ӧ тайӧ лёктор? Нуан кӧ татшӧм козинсӧ аслад юралысьлы, пондас-ӧ сійӧ нимкодясьны, сибӧдас-ӧ тэнӧ бурпырысь? – висьталӧ Господь Саваоф.

Ап. уджъяс 10:35

Быд войтыр пӧвстысь Сійӧ сибӧдӧ найӧс, кодъяс олӧны веськыда да Сыысь полӧмӧн.

Римӧ 14:18

Кристослы тадзи кесъялысь шогмана Енмыслы да пыдди пуктана йӧзӧн.

Еремей 6:20

Меным оз ков Саваысь вайӧм ладаныс, оз ков ылі муысь вайӧм чӧскыд дука туруныс. Тіянлысь сотан висьяснытӧ Ме ог кӧсйы, тіян висьясныд Меным абу шогманаӧсь».

Шусьӧгъяс 18:5

Абу бур сулавны лёк вӧчысь дор да мыжтӧмӧс мыждыны.

1 Петыр 2:5

да вайӧй асьнытӧ ловъя из пыдди, медым Ен вӧчас тіянысь Аслас Ловлы оланін. Сэки лоанныд вежа поп котырӧн да кутанныд вайны Ловсянь вись, мый лоӧ шогмана Енмыслы Исус Кристос пыр.

Римӧ 15:16

кесъявны Исус Кристослы ентӧдтӧмъяс пӧвстын. Менӧ сувтӧдӧма вӧчны вежа удж: висьтавны Енлысь Бур Юӧрсӧ да вайны ентӧдтӧмъясӧс Ен водзӧ шогмана да Вежа Лолӧн вежӧдӧм вись пыдди.

Иов 42:8

Та вӧсна босьтӧй сизим ӧшкӧс, сизим межӧс да мунӧй Менам Иов кесйӧг дінӧ. Вайӧй ас вӧснаныд сотан вись, а Менам Иов кесйӧгӧй кевмысяс тіян вӧсна. Ме сибӧда сылысь кевмысьӧмсӧ – тадзи тіянӧс ог янӧд сыысь, мый ті энӧ висьталӧй збыльсӧ Ме йылысь, кыдзи вӧчис Менам Иов кесйӧгӧй».

Олӧм 3:16

Аньлы Ен шуис: «Тэнсьыд нӧбасьӧмтӧ Ме вӧча сьӧкыдӧн, ныв-питӧ кутан чужтыны дойяс пыр. Тэнӧ кутас кыскыны верӧсыд дінӧ, а сійӧ тэ вылын кутас ыджыдавны».

1 Тимофейлы 5:4

Эм кӧ дӧвалӧн ныв-пи либӧ ныв-пиыслӧн ныв-пи, найӧ мед вежавидзӧмӧн тӧждысясны гортсаыс вӧсна да бурӧн мынтысясны бать-мамыслы да пӧль-пӧчыслы. Тайӧ шогмӧ Енмыслы.

Ӧксыяслӧн 2 небӧг 24:23

Ставсӧ ме сета тэныд, ӧксыӧй!» И нӧшта Орнан шуис ӧксылы: «Господь, тэнад Енмыд, мед лоӧ бур сьӧлӧма тэ дінӧ!»

Ефесӧ 1:6

Сідзкӧ, ошкамӧй Енсӧ дзирдлуна буралӧмсьыс. Тайӧ буралӧмсӧ Сійӧ козьналіс миянлы Аслас муса Пиыс пыр.

Олӧм 19:21

Андел шуис сылы: «Пышйы сэтчӧ, тэ вӧсна ме видза сійӧ карсӧ.

Иов 29:4

Татшӧм бур лунъяс вӧліны менам, кор Енмыс видзис менсьым чомйӧс,

Ӧксыяслӧн 4 небӧг 8:28

Ахавлӧн Иорам пикӧд Ахазий петіс тышӧ арамейяслӧн Азаил ӧксылы паныд. Найӧ тышкасисны галаадса Рамот карын, кӧні арамейяс дойдісны Иорамӧс.

Римӧ 6:12

Энӧ лэдзӧй мыжсӧ ыджыдавны тіян кулана вир-яйын да ыштӧдны тіянӧс аслас лёк кӧсйӧмъясӧн.

Иов 11:14

шыбитан кӧ лёк вӧчӧмсӧ аслад киысь, он лэдз овны лёкыслы аслад керкаын,

Иов 11:15

сэки яндысьтӧг лэптан синтӧ, пондан зумыда сулавны да он кут повны.

Еремей 3:12

Мун войвывлань да юӧрт тайӧ кывъяссӧ: – Бергӧдчы, Израиль, Менӧ эновтысь, – висьталӧ Господь. – Ме ог кисьт Ассьым скӧрлунӧс тіян вылӧ, ӧд Ме бур сьӧлӧма, – висьталӧ Господь, – Ме ог скӧрав дугдывтӧг.

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.