Олӧм 4:2 - Коми Библия 2023

² Ева нӧшта чужтіс Авельӧс, Каинлы вокӧс. Авель видзис ыжъясӧс, а Каин му вӧдитіс.

Олӧм 4:2 Referans Kwoze

1 Иоан 3:15

Воксӧ мустӧмтысь эм морт виысь. Ті тӧданныд, мый морт виысь пытшкын помтӧм олӧмыс абу.

1 Иоан 3:12

Огӧ лоӧй Каин кодьӧсь, ӧд сійӧ вӧлі омӧльсяньыс да виис ассьыс воксӧ. Мыйла виис? Каинлӧн уджъясыс вӧліны лёкӧсь, а вокыслӧн – веськыдӧсь.

Лука 11:51

Авель вирсянь да Закар вирӧдз, кодӧс виисны висьпуктанін да крам костын. Висьтала тіянлы: ӧнія олысьяслы ковмас мынтысьны таысь.

1 Иоан 3:10

Коді оз веськыда вӧч, коді мустӧмтӧ воксӧ, сійӧ абу Енсянь. Та серти тӧдмалам Енлысь ныв-писӧ да омӧльлысь йылӧмсӧ.

Иоан 8:44

Омӧльыс – тіян батьныд. Ті ставсӧ кӧсъянныд вӧчны сы моз. Сійӧ водзысяньыс вӧлі морт виысь. Збыльсьыс сійӧ ылын, збыльыс сы пытшкын абу. Кор сійӧ ылӧдлӧ, висьталӧ ассяньыс, ӧд сійӧ ылӧдчысь, ылӧгыслӧн бать.

Олӧм 47:3

Фараон юаліс: «Кутшӧм удж ті вӧчанныд?» Найӧ вочавидзисны: «Ми, тэнад кесйӧгъяс, батьясным моз ыж видзысьяс.

Петӧм 3:1

Мӧисей видзис тесьтыслысь, мадианса Иофор поплысь, ыжъяссӧ. Ӧтчыд овтӧминын Мӧисей нуӧдіс ыжъяссӧ зэв ылӧ да воис Енлӧн Хорив керӧс дорӧдз.

Амос 7:15

Но Господь босьтіс менӧ ыжъяс дорысь да шуис: ”Мун да пророкав Менам Израиль войтырлы”.

Псалтыр 127:3

Тэнад керкаын гӧтырыд лоӧ вотӧс вайысь виноград пу кодь. Пызан сайын тэнад пияныд лоӧны олив пулӧн вожъяс кодьӧсь.

Олӧм 37:13

Израиль шуис Ӧсиплы: «Вокъясыд Сикемын йирсьӧдӧны ыжъясӧс. Ветлы на дінӧ». «Ветла», – вочавидзис батьыслы Ӧсип.

Олӧм 9:20

Ной вӧдитіс му. Сійӧ вӧлі медводдза морт, коді пуктіс виноград.

Олӧм 3:23

Та вӧсна Господь Ен вӧтліс мортӧс Эдэм сад йӧрысь да тшӧктіс вӧдитны му, мыйысь сійӧс вӧлі вӧчӧма.

Лука 11:50

Тадзи ӧнія олысьяслы ковмас мынтысьны став пророкыслӧн вирысь, мый кисьтӧма му пуксьӧмсяньыс:

Олӧм 4:1

Адам узис Ева гӧтырыскӧд. Ева кынӧмасис, чужтіс Каинӧс да шуис: «Господь сетіс чужтыны меным пиӧс».

Олӧм 4:3

Кад мысти Каин вайис Господьлы козин пыдди му вылысь быдтӧмторъяссӧ.