Олӧм 4:15 - Коми Библия 2023

¹⁵ Господь [Ен] сэки шуис: «Каинӧс виысьлысь водзӧссӧ сизим пӧвстӧн лоӧ перйӧма». Господь [Ен] пуктіс Каинлы пас, медым сыкӧд паныдасьысь эз ви сійӧс.

Олӧм 4:15 Referans Kwoze

Езекиль 9:4

да шуис сылы: «Мун Ерусалим карӧд да пукты плешканыс пас налы, кодъяс сьӧкыда ышлолалӧны да бӧрдӧны тайӧ карас зывӧк вӧчӧм понда».

Псалтыр 79:12

Сылӧн петасъясыс нюжӧдчисны саридз дорӧдз, паськалісны ю дорӧдз.

Езекиль 9:6

Виалӧй пӧрысьясӧс и ныв-зонмӧс, челядьӧс и аньясӧс. Бырӧдӧй ставнысӧ, но найӧс, кодлӧн эм пас, энӧ вӧрӧдӧй. Босьтчӧй виавны Менам вежаинсянь». Медводз найӧ виисны крам водзын сулалысь юрнуӧдысьясӧс.

Олӧм 4:24

Каинысь кӧ сизим пӧвстӧн водзӧссӧ перйисны, Ламекысь сизимдас пӧвстӧн сизимысь перъясны».

Восьтӧм 14:11

Найӧс мучитан билӧн тшыныс кутас кыпӧдчыны нэмъяс чӧж. Найӧ, кодъяс копыртчыласны зверлы да сылӧн серпаслы да сетасны пасйыны асьнысӧ сылӧн нимӧн, оз кутны тӧдны шойччӧгсӧ лунын ни войын.

Восьтӧм 14:9

Кык андел бӧрся лэбис нӧшта коймӧд андел. Сійӧ гораа шуаліс: «Коді копыртчылас зверлы да сылӧн серпаслы да босьтас зверлысь пассӧ плешкас либӧ ки вылас,

Матвей 26:52

Исус шуис сылы: «Бӧр сюй шыпурттӧ. Шыпурт босьтысь шыпурт помысь кулас.

Осий 1:4

Господь шуис Осийлы: «Пукты пиыдлы Изреель ним, ӧд Изреель ковтысын вир кисьтӧмысь регыд Ме водзӧс перъя Еху рӧдлысь да пукта пом израильса ӧксыяслӧн юралӧмлы.

Псалтыр 59:11

Коді пыртас менӧ изкарӧ? Коді вайӧдас менӧ Эдом муӧдз?

Ӧксыяслӧн 3 небӧг 16:7

Но Еху пророк пыр, коді вӧлі Хананилӧн пи, Господьлӧн вӧлі шуӧма нин бырӧдны Ваасӧс да сылысь рӧдсӧ. Ӧд Ваас виис Еровамлысь рӧдсӧ, но ачыс Еровам рӧд моз вӧчис Господь водзын шогмытӧмсӧ да скӧрмӧдіс Сійӧс.

Левит 26:28

Ме скӧрмӧмӧн тіянлы паныд сувта да сизим пӧвстӧн мыжда тіянӧс мыжъяссьыныд.

Левит 26:24

Ме тшӧтш [скӧрмӧмӧн] тіянлы паныд сувта, сизим пӧвстӧн мыжда тіянӧс мыжъяссьыныд.

Левит 26:21

Весиг та бӧрын кӧ ті Меным паныд сувтанныд да онӧ кутӧй кывзысьны Менсьым, Ме сизим пӧвстӧн мыжда тіянӧс мыжъяссьыныд.

Левит 26:18

Весиг та бӧрын кӧ ті онӧ кутӧй кывзысьны Менсьым, Ме сизим пӧвстӧн мыжда тіянӧс мыжъяссьыныд.

Шусьӧгъяс 6:31

Но кутасны кӧ сійӧс, вештысяс сизим пӧвстӧн, керкасьыс став эмбурсӧ сетас.