Олӧм 39:4 - Коми Библия 2023

⁴ Ӧсип бура кесъяліс ыджыдыслы, та вӧсна воис сылы сьӧлӧм вылас. Ыджыдыс пуктіс сійӧс веськӧдлыны аслас керкаӧн да став эмбурсӧ сетіс сы киӧ.

Олӧм 39:4 Referans Kwoze

Ап. уджъяс 20:28

Тӧждысьӧй ас вӧснаныд да став чукӧрыс вӧсна. Ӧд Вежа Лов пуктіс тіянӧс, мед видзны Господь Енлысь вичкосӧ. На вӧсна Сійӧ мынтысис Аслас вирӧн.

Шусьӧгъяс 27:18

Коді быдтас инжир пу, вотӧссӧ сэтысь сёяс, коді доръяс ассьыс ыджыдсӧ, сійӧс пыдди пуктасны.

Олӧм 39:8

Но Ӧсип эз сетчы, а шуис сылы: «Менам ыджыдӧй ставсӧ, мый сылӧн эм, сетіс менам киӧ, и сылы аслас керкаын нинӧм вӧсна тӧждысьны оз ков.

Олӧм 24:2

Овмӧснас веськӧдлысь кесйӧгыслы Ӧвраам шуис: «Менам лядьвейӧ китӧ пуктӧмӧн

Олӧм 19:19

тэ зэв шань да бур сьӧлӧма ме дінӧ, аслад кесйӧгыд дінӧ. Тэ мездін менсьым олӧмӧс. Но ме пола, мый кулӧмыс суӧдас менӧ керӧсӧ вотӧдз на.

Шусьӧгъяс 22:29

Сяммысь-кужысь морт вылӧ видзӧд – сійӧ кутас кесъявны ӧксыяслы, оз прӧстӧй йӧзлы.

Шусьӧгъяс 17:2

Мывкыд кесйӧг веськӧдлӧ ыджыдыслӧн яндысьтӧм пинас, сылы вуджӧ ыджыдыслӧн овмӧсыс пилы моз.

Шусьӧгъяс 16:7

Весиг мустӧмтысьяс бурасьӧны сыкӧд, кодлӧн туйыс Господьлы шогмана.

Олӧм 33:10

«Ог, – шуис Яков. – Ло бур сьӧлӧма ме дінӧ да сибӧд менсьым козинӧс. Ме локті тэ водзӧ, кыдзи Ен водзӧ локтӧны, и тэ бура сибӧдін менӧ.

Олӧм 18:3

шуис: «Ыджыдӧй, ме кӧ лои шогмана Тэныд, пырав Аслад кесйӧгыд дінӧ.

Шусьӧгъяс 14:35

Ӧксыыд бур сьӧлӧма мывкыд кесйӧг дінӧ, но сійӧс янӧдысь кесйӧг вылӧ скӧрмӧ.

Ӧксыяслӧн 1 небӧг 16:22

А Ессей дінӧ Саул мӧдӧдіс висьтавны, мед лэдзас Давидӧс кольччыны сы ордӧ да кесъявны сылы, ӧд Давид воис сылы сьӧлӧм вылас.

Олӧм 33:8

Исав юаліс: «Чукӧр бӧрся чукӧр меным воча локтісны пемӧсъясыд. Мыйла тэ ыстін найӧс?» Яков шуис: «Медым тэ вӧлін бур сьӧлӧма ме дінӧ, ыджыдӧй».

Олӧм 32:5

Ӧні менам эмӧсь ӧшъяс, осёлъяс да ыжъяс, кесйӧгъяс да кесйӧг аньяс. Ме ысті юӧртысьясӧс тэ дінӧ, медым тэ вӧлін бур сьӧлӧма ме дінӧ».

Олӧм 15:2

Ӧврам шуис: «Господьӧй Ыджыдӧй! Мый Тэ сетан меным? Менам ныв-пиӧй абу, овмӧсӧн веськӧдлӧ Дамаскысь Элизер».

Ӧксыяслӧн 3 небӧг 16:9

Элай ӧксылӧн Зимри нима кесйӧгыс, коді веськӧдліс тарантаса джын тышкакотырӧн, гусьӧн кыпӧдчис ӧксылы паныд. Ӧтчыд Тирза карын, ӧксы керкаӧн веськӧдлысь Арс нима морт ордын, Элай ӧксы коддзытӧдзыс юис.

Руфа 2:6

Кесйӧгыс вочавидзис: «Моавса сійӧ. Локтӧма Ноеминькӧд Моав муысь.

Ӧксыяслӧн 1 небӧг 2:26

Самуил зонка лунысь-лун быдмис-верстяммис, сійӧ вайис нимкодьлун Господьлы и йӧзыслы.

Эсфир 2:9

Эсфир дінӧ Гегай вӧлі бур сьӧлӧма. Сійӧ дзик пыр сетіс Эсфирлы чӧскыд дука мавтасъяс да сёян-юан. Ӧксы керкаысь Гегай вайӧдіс Эсфирлы сизим бӧрйӧм кесйӧг аньӧс да овмӧдіс найӧс Эсфиркӧд аньяслӧн керкаӧ, сэтчӧс медбур жыръясӧ.

Шусьӧгъяс 3:4

Сэки буралӧмыс да муслуныс Енсянь да йӧзсянь тэныд лоас.