Олӧм 36:33 - Коми Библия 2023

³³ Сэсся Белай кулӧм бӧрын кутіс ӧксыавны Восораысь Зерахлӧн Иовав пиыс.

Олӧм 36:33 Referans Kwoze

Еремей 49:22

Кутш моз вӧрӧг уськӧдчас Восора кар вылӧ, шевкнитас бордъяссӧ сы весьтын. Сійӧ лунӧ эдомса тышкайӧзлӧн сьӧлӧмныс лоӧ кага чужтысь аньлӧн кодь.

Еремей 49:13

Ме Ачым кыв сетӧмӧн шуа, – висьталӧ Господь, – мый Восора кар лоӧ повзьӧдчанторйӧн да овтӧминӧн, сійӧс кутасны ёрны да лёкӧдны. Сыгӧгӧрса сиктъясыс пыр кежлӧ лоӧны овтӧминӧн».

Микей 2:12

Яковлысь рӧдсӧ Ме чукӧрта, Израильлысь коляс войтырсӧ Ме ӧтвывта. Ыжъясӧс моз Ме чукӧрта найӧс, ыж чукӧрӧс моз вайӧда йирсянінӧ. Унасьыс-уна йӧз чукӧрмӧм вӧсна ыджыд шы кылас.

Амос 1:12

Та понда Теман карӧс Ме биӧн сота, Восора изкарӧс би ньылыштас.

Исай 63:1

– Коді тайӧ Эдомсянь локтысьыс, Восорасянь чим гӧрд паськӧма локтысьыс? Коді Сійӧ, мича паськӧмӧн вӧччӧмаыс, Аслас ыджыд вынӧн локтысьыс? – Тайӧ – Ме, веськыдлунсӧ Юӧртысь, вына Мездысь.

Исай 34:6

Господьлӧн шыпуртыс дзоньнас вирӧсь, сэтчӧ сибдӧма гос – тайӧ ыжъяслӧн да кӧзаяслӧн вирыс да межъяслӧн вӧрквывса госыс. Восораын Господьлы вись вайӧны, Эдом му вылын уна пемӧс начкӧны.

Олӧм 36:32

Медводдза ӧксыӧн Эдом муын вӧлі Веорлӧн Белай пиыс, коді юраліс Дингава карын.

Олӧм 36:34

Иовав кулӧм бӧрын пуксис ӧксыавны Теман муысь Хушам.

Еремей 48:24

Кериот да Восора каръясӧс, тшӧтш Моав муын сулалысь мукӧд каръясӧс – став матысса и ылысса карсӧ.