Олӧм 34:2 - Коми Библия 2023

² Динаӧс аддзис Хаморлӧн Сикем пиыс. Хамор вӧлі Ханаан муын олысь хивей войтырлӧн ӧксы. Сикем мырдӧн босьтіс Динаӧс да узис сыкӧд.

Олӧм 34:2 Referans Kwoze

Иов 31:9

Менам сьӧлӧмӧй кӧ ыштыліс ань вылӧ, ме кӧ кыйӧдлі матыссалысь гӧтырсӧ сылӧн ӧдзӧс дорас,

Матвей 5:28

Ме шуа тіянлы: ань вылӧ ыштӧмӧн видзӧдысь сьӧлӧмас гозъякост олӧм пежаліс нин.

Шусьӧгъяс 13:20

Кӧсйӧмыд кор збыльмӧ, сьӧлӧмыд нимкодясьӧ, вежӧртӧм оз кӧсйы эновтны лёксӧ.

Иов 31:1

Ме кӧрталі йитӧд аслам синкӧд, мый ог кут кыйявны аньяс вылӧ.

Ёрдысьяс 14:1

Самсон ветліс Тимнаӧ, сэні сійӧ аддзыліс филистимса нылӧс [и нылыс сылы сьӧлӧм вылас воис].

Ӧксыяслӧн 2 небӧг 11:2

Ӧтчыд рытладорыс Давид чеччис вольпасьсьыс да петіс ыркӧдчыны керка вевт вылас. Сэтысянь сійӧ аддзис мыссьысь-сӧстӧммӧдчысь аньӧс. Аньыс вӧлі зэв мича.

Индӧд 22:29

сэки айлов мед мынтысяс нывлӧн батьыслы ветымын сикель эзысь да босьтас нылӧс гӧтырӧ, ӧд янӧдіс сійӧс. Став олӧм чӧжыс сылы гӧтырсӧ эновтны оз позь.

Индӧд 22:24

тіянлы колӧ кыкнаннысӧ вайӧдны карса дзиръя дорӧ да кувтӧдзныс изъявны – нывсӧ сыысь, мый эз горзы, ӧд карын позьӧ вӧлі корны отсӧг, а айловсӧ сыысь, мый янӧдіс матыссаыслысь гӧтырсӧ. Бырӧдӧй лёксӧ ас пӧвстсьыныд.

Индӧд 21:14

Но сійӧ кӧ мустӧммас тэныд, лэдз сылы мунны, кытчӧ кӧсйӧ. Эн вузав сійӧс ни эн видз кесйӧг туйӧ, ӧд тэ янӧдін сійӧс.

Олӧм 33:19

Сикем вокъяслысь, Хамор пиянлысь, сійӧ ньӧбис эзысь вылӧ видз-му да сувтӧдіс сэтчӧ ассьыс чомсӧ.

Олӧм 20:2

Ӧвраам ассьыс Сарра гӧтырсӧ шуис чойӧн. [Ӧд сійӧ поліс шуны гӧтырнас, мед сэтчӧс карса олысьяс эз вины сы вӧсна Ӧвраамӧс.] Авимелек, Герар карса ӧксы, тшӧктіс аслас йӧзлы вайӧдны Сарраӧс ас ордас.

Олӧм 10:17

хивейяс, аркейяс, синейяс,

Олӧм 6:2

сэки Ен пиян аддзисны, мый нывъяс мичаӧсь, да бӧрйысьӧмӧн кутісны босьтны найӧс гӧтырӧ.

Олӧм 34:3

Сикемӧс кутіс кыскыны Яковлӧн Дина нылыс дінӧ. Дина лои муса Сикемлы, и сійӧ зілис бурасьны Динакӧд.

Олӧм 34:30

Яков шуис Симеонлы да Левийлы: «Ті шогӧ уськӧдінныд менӧ. Ті вӧчинныд менӧ мустӧмӧн татчӧс олысьяслы, ханаансаяслы да перезейяслы. Ми ӧд этшаӧнӧсь. Найӧ кӧ чукӧртчасны миянлы паныд, сэки пасьвартасны миянӧс, бырӧдасны менӧ и гортсаӧс».

Ёрдысьяс 9:28

Эведлӧн Гаал пиыс шуис: «Коді сійӧ Авимелекыс, медым ми, сикемсаяс, кесъялім сылы? Сійӧ ӧд Еровааллӧн пиыс, и Зевулӧс пуктіс юралысьӧ. Энӧ кесъялӧй Авимелеклы, а кесъялӧй Сикемлӧн Хамор батьыссянь чужысьяслы.

Олӧм 34:27

Сэсся Яковлӧн пияныс бӧр локтісны да петкӧдісны карсьыс став озырлунсӧ. Тадзи найӧ вӧчисны Дина чойнысӧ янӧдӧм вӧсна.

Нав Исус 9:7

Израильсаяс шуисны локтӧм хивейяслы: «Гашкӧ, ті миянкӧд орччӧн оланныд? Ми огӧ вермӧй тіянкӧд йитӧд кӧртавны».

Ӧксыяслӧн 2 небӧг 11:4

Давид тшӧктіс кесйӧгъясыслы вайӧдны аньӧс. Сӧстӧммӧдчӧм бӧрын Вирсавия локтіс Давид дінӧ, и Давид узис сыкӧд. Сэсся Вирсавия бӧр муніс гортас.

Ӧксыяслӧн 2 небӧг 13:14

Но Амнон эз кут кывзыны Фамарӧс, а мырдӧналіс сійӧс.