Олӧм 34:1 - Коми Библия 2023

¹ Ӧтчыд Яковлӧн да Лиялӧн Дина нылыс муніс аддзысьны сикемса нывъяскӧд.

Олӧм 34:1 Referans Kwoze

Олӧм 30:21

Сэсся Лия чужтіс нылӧс да пуктіс сылы Дина ним.

Еремей 2:36

Мыйла тэ дугдывтӧг шӧйтан, ӧтарӧ-мӧдарӧ вежлалан ассьыд туйтӧ? Ассур моз Египет янӧдас тэнӧ.

1 Тимофейлы 5:13

Керкаысь керкаӧ ветлігӧн найӧ весьшӧрӧ каднысӧ коллялӧны, суклясьӧны, быдлаӧ нырнысӧ сюйӧны да ковтӧм сёрни паськӧдӧны.

Олӧм 46:15

Тайӧ Яковлӧн да Лиялӧн пияныс, нӧшта пияныслӧн пияныс – ставнас комын куим морт. Лия чужтіс пиянсӧ да Дина нывсӧ Месопотамияын.

Олӧм 30:13

Лия шуис: «Ме шуда! И шудаӧн кутасны шуны менӧ аньяс». Сійӧ пуктіс пиыслы Асир ним.

Олӧм 28:6

Исав тӧдмаліс, мый Исаак бурсиӧма Яковӧс да бурсиӧмӧн мӧдӧдӧма сійӧс Месопотамияӧ, мед сэтчӧс нылӧс босьтас аслыс гӧтырӧ, а оз ханаанса нылӧс.

Олӧм 27:46

А Исаак верӧсыслы Ревекка шуис: «Тайӧ хеттей аньясыс вӧсна меным мустӧммис олӧмыс. Нӧшта кӧ Яков босьтас гӧтырӧ хеттей аньӧс, весиг ог кӧсйы овнысӧ!»

Олӧм 26:34

Исавлы вӧлі нелямын арӧс, кор сійӧ босьтіс гӧтырӧ кык аньӧс: хеттей Берлысь Егудита нывсӧ да хеттей Элонлысь Васемата нывсӧ.

Титлы 2:5

А сідзжӧ мед велӧдасны найӧс лоны сюсь вежӧраӧн, сӧстӧм сьӧлӧмаӧн, шаньӧн, тӧждысьны гортныс вӧсна да кывзысьны верӧсныслысь. Сэки Енлысь кывсӧ оз ло омӧльтӧма.

Олӧм 33:20

Яков лэптіс сэтчӧ тшӧтш висьпуктанін да шыасис Израильлӧн Господь Ен дінӧ.