Олӧм 33:11 - Коми Библия 2023

¹¹ Босьт менсьым козинӧс. Енмыс меным уна сетіс, менам ставыс эм». Яков ёна корис Исавӧс босьтны козинъяссӧ, и сійӧ босьтіс.

Олӧм 33:11 Referans Kwoze

Филипӧ 4:18

Епафродит сетіс тіянлысь мӧдӧдӧмторнытӧ, ӧні менам ставыс эм, весиг коланасьыс унджык на. Тіян сетӧмторныд – Енлы шогмана чӧскыда ӧвтан вись кодь, тайӧ Сылы сьӧлӧм сертиыс.

Ӧксыяслӧн 1 небӧг 25:27

Ыджыдӧй, тайӧ козинъяссӧ ме, тэнад кесйӧг, вайи тэныд да тэнад кесйӧгъяслы.

Ӧксыяслӧн 4 небӧг 5:23

«Дерт сета, – шуис Нееман. – Босьт кык талант». Нееман мырдӧн корис Гезийӧс босьтны кык талант эзысь да сӧвтіс эзысьсӧ кык мешӧкӧ. Нееман сетіс эзысьсӧ да кык вӧччан паськӧм аслас кык кесйӧглы, и ставсӧ тайӧс найӧ нуисны Гезий водзвылын.

Олӧм 33:9

Исав шуис: «Вокӧй, аслыд коль. Менам ставыс эм».

Олӧм 30:43

Тадзи Яков лои вывті озырӧн. Сылӧн лои уна ыж [да мӧс], тшӧтш верблюдъяс да осёлъяс, кесйӧг аньяс да кесйӧгъяс.

1 Тимофейлы 4:8

Вир-яйтӧ ёнмӧдӧмысь бурыс этша, а вежавидзана олӧмысь – уна, ӧд сійӧ сетӧ лача ӧнія да локтана олӧм вылӧ.

2 Коринфӧ 6:10

Миянӧс шогӧ вӧйтӧны, а ми пыр нимкодясям. Ми гӧльӧсь, но унаӧс озырмӧдам. Миян нинӧм абу, но ставыс эм.

1 Коринфӧ 3:21

Сідзкӧ, некод мед оз ошйысь мортӧн, ӧд ставыс тіян:

Лука 14:23

Мӧдыс вочавидзас: ”Пет карсьыс, ветлы туйяс-потшӧсъяс пӧлӧн да тшӧкты локнысӧ, медым менам керкаӧй вӧлі тыр.

Ӧксыяслӧн 4 небӧг 2:17

Но пророк-велӧдчысьяс мырдӧн корисны. Елисей дӧзмис да шуис: «Мӧдӧдӧй, колӧ кӧ». Сэки мӧдӧдісны ветымын мортӧс, и найӧ мунісны да куим лун чӧж корсисны Илляӧс, но эз аддзыны.

Ӧксыяслӧн 1 небӧг 30:26

Сиклагӧ воӧм бӧрын Давид мӧдӧдаліс шедӧдӧмторсьыс козинъяс Иуда войтырлӧн юрнуӧдысьяслы, аслас ёртъяслы. Давид тшӧктіс висьтавны, мый налы мӧдӧдӧмторсӧ мырддьӧма Господьӧс мустӧмтысьяслысь.

Ёрдысьяс 1:15

Акса шуис батьыслы: «Бурси менӧ. Тэ сетін меным Негевысь кос му, сет меным тшӧтш ва петанінъяс». [Сылӧн корӧм серти] Калев сетіс сылы Хеврон кар дорысь вылысса и улысса ва петанінъяс.

Нав Исус 15:19

Акса шуис батьыслы: «Бурси менӧ. Тэ сетін меным Негевысь кос му, сет меным тшӧтш ва петанінъяс». Калев сетіс сылы Хеврон кар дорысь вылысса и улысса ва петанінъяс.

Олӧм 33:10

«Ог, – шуис Яков. – Ло бур сьӧлӧма ме дінӧ да сибӧд менсьым козинӧс. Ме локті тэ водзӧ, кыдзи Ен водзӧ локтӧны, и тэ бура сибӧдін менӧ.

Олӧм 33:12

Исав шуис: «Мӧдӧдчамӧй. Ме водзвылад муна».

Олӧм 32:21

Сійӧ ыстіс козинъяссӧ водзвылас, а ачыс узьмӧдчис сувтанінас.