Олӧм 32:4 - Коми Библия 2023

⁴ тшӧктіс висьтавны сылы: «Исав ыджыдӧй, ме – тэнад Яков кесйӧгыд, ме дыр олі Лаван ордын.

Олӧм 32:4 Referans Kwoze

1 Петыр 3:6

Сарра кывзысис Ӧвраамлысь да шуис сійӧс аслас ыджыдӧн. Ті кӧ вӧчанныд бурсӧ нинӧмысь повтӧг, сідзкӧ, ті – Сарралӧн нывъяс.

Лука 14:11

Ӧд асьсӧ вылӧ пуктысьӧс лэдзасны, асьсӧ улӧ пуктысьӧс кыпӧдасны».

Еклесиаст 10:4

Юралысьыд кӧ скӧрмас тэ вылӧ, эн тэрмась пышйыны, ӧд рамлуныд вевттьӧ ыджыд мыжъяс.

Шусьӧгъяс 15:1

[Скӧралӧмыд бырӧдӧ весиг вежӧра йӧзӧс.] Скӧрмӧм мортлы кӧ лӧня вочавидзан, сійӧс лӧньӧдан, но лэчыд кывъя шуӧмыд сійӧс ыззьӧдас.

Шусьӧгъяс 6:3

Пиӧй, мезды асьтӧ матыссалӧн кипод улысь, мун уськӧдчы сылы кок улас да кевмы,

Ӧксыяслӧн 3 небӧг 20:32

Шогалан паськӧмӧн да сьыліас кӧвъяс ӧшлӧмӧн арамейяс локтісны израильса ӧксы дінӧ да шуисны: «Тэнад Бен-Хадад кесйӧгыд корӧ, мед тэ ловйӧн колин сійӧс». Ӧксы юаліс: «Сійӧ ӧмӧй ловъя на? Сійӧ менам вок».

Ӧксыяслӧн 1 небӧг 26:17

Саул тӧдіс Давидлысь гӧлӧссӧ да юаліс: «Тэнсьыд-ӧ гӧлӧс шытӧ кыла, Давид пиӧй?» Давид вочавидзис: «Менсьым, ӧксыӧй-ыджыдӧй».

Петӧм 32:22

Аарон вочавидзис: «Эн дӧзмы, ыджыдӧй! Тэ ӧд тӧдан, мый тайӧ войтырыс ӧдйӧ сетчӧ лёкас.

Олӧм 33:8

Исав юаліс: «Чукӧр бӧрся чукӧр меным воча локтісны пемӧсъясыд. Мыйла тэ ыстін найӧс?» Яков шуис: «Медым тэ вӧлін бур сьӧлӧма ме дінӧ, ыджыдӧй».

Олӧм 32:18

сэк шу: ”Тэнад Яков кесйӧглӧн. Сійӧ ыстӧ козин тэныд, аслас Исав ыджыдлы. Ачыс Яков локтӧ миян бӧрся”».

Олӧм 32:5

Ӧні менам эмӧсь ӧшъяс, осёлъяс да ыжъяс, кесйӧгъяс да кесйӧг аньяс. Ме ысті юӧртысьясӧс тэ дінӧ, медым тэ вӧлін бур сьӧлӧма ме дінӧ».

Олӧм 27:37

Исаак вочавидзис: «Ме пукті сійӧс тэ вылын ыджыднас. Вокъяссӧ сеті сылы кесйӧгӧ. Сеті нянь да вина. Мый ме верма сетны тэныд, пиӧй?»

Олӧм 27:29

Войтыръяс мед кесъяласны тэныд, чужанкотыръяс мед копыртчасны тэныд. Вокъясыд вылын ло ыджыдӧн, мамыдлӧн пияныс мед копыртчасны тэныд. Тэнӧ ёрысьясӧс лоӧ ёрӧма, тэнӧ бурсиысьясӧс лоӧ бурсиӧма!

Олӧм 23:6

«Кывзы миянӧс, ыджыдӧй. Енмыс пуктӧма тэнӧ ӧксыӧ миян пӧвстӧ. Босьт миянлысь медбур дзебанінсӧ. Быдӧн лэдзас тэныд дзебны гӧтыртӧ аслас дзебанінӧ».

Олӧм 4:7

Вӧчан кӧ бурсӧ, лэпты юртӧ. А он кӧ вӧч бурсӧ, со, ӧдзӧс дорад мыжыс кыйӧдчӧ. Сійӧ кыскӧ тэнӧ ас дорас, но тэ ыджыдав сы вылын».

Олӧм 31:41

Тадзи вӧлі кызь во чӧж тэ ордын олігӧн. Ме кесъялі тэныд дас нёль во кыкнан нылыд вӧсна да квайт во пемӧсъясыд вӧсна, а тэ дасысь удждонӧс вежлін.

Шусьӧгъяс 25:15

Рамлуныд эскӧдӧ юралысьӧс, небыд кывйыд весиг лы чегӧ.

Олӧм 25:30

Исав шуис Яковлы: «Ме ёна мудзи. Вай меным сёйыштны этайӧ гӧрдов пуӧмторсӧ». Та вӧсна Исавӧс нимтісны Эдомӧн.

Олӧм 33:14

Ыджыдӧй, тэ миян водзын мун, а ме, тэнад кесйӧг, тэ бӧрся ньӧжйӧник вӧтча, кыдзи менам ыж-мӧскӧй да ныв-пиӧй вермасны муннысӧ. Сэсся локта Сеир керӧсвыв муӧ тэ дінӧ, ыджыдӧй».

Олӧм 36:8

Исав, мӧд ногӧн кӧ, Эдом, овмӧдчис Сеир керӧсвыв муӧ.

Олӧм 36:9

Исав – Сеир керӧсвыв муын олысь эдом войтырлӧн бать.

Ёрдысьяс 5:4

Господьӧй, Сеир керӧсвыв муысь Тэнад лэччигӧн, Эдомсянь Тэнад восьлалігӧн, муыс дзӧрис, енэжсянь кымӧръяс кисьтісны зэр.

Исай 21:11

Думай йылысь водзвыв висьталӧм. Сеир керӧсвыв мусянь меным горзӧны: «Кар видзысь, дыр-ӧ на асылӧдзыс? Кар видзысь, оз-ӧ на войыс помась?»