Олӧм 32:28 - Коми Библия 2023

²⁸ Мӧдыс шуис: «Ӧнісянь тэнад нимыд оз ло Яков, а Израиль, ӧд тэ вермасин Енкӧд да йӧзкӧд, и вермин».

Олӧм 32:28 Referans Kwoze

Восьтӧм 2:17

Кодлӧн эм пель, мед кылӧ, мый Лов висьталӧ вичкояслы. Вермысьлы Ме сета сёйны дзебӧм манна, сета сылы еджыд из, кытчӧ лоӧ гижӧма вермысьлысь выль нимсӧ. Тайӧ нимсӧ кутас тӧдны сӧмын тайӧ изсӧ босьтысьыс».

Олӧм 35:10

Ен шуис сылы: «Тэнад нимыд Яков, но талунсянь он Яковӧн кут шусьыны, а тэнад нимыд лоӧ Израиль». Тадзи Ен пуктіс сылы Израиль ним.

Олӧм 17:5

Нимыд тэнад лоас оз Ӧврам, но Ӧвраам, ӧд Ме вӧча тэнӧ войтыръяслы батьӧн.

Олӧм 17:15

Ен шуис Ӧвраамлы: «Сара гӧтыртӧ эн нин Сараӧн шу, а шу Сарраӧн.

Исай 65:15

Тіян нимныд лоас ёран кывйӧн Менам кесйӧгъяс пӧвстын, найӧ шуасны: «Господь Ыджыдыс мед на моз виас тэнӧ». Но Ассьым кесйӧгъясӧс Ме нимта мӧд нимӧн.

Шусьӧгъяс 16:7

Весиг мустӧмтысьяс бурасьӧны сыкӧд, кодлӧн туйыс Господьлы шогмана.

Олӧм 33:4

Исав котӧртіс сылы воча, кутліс сійӧс, топӧдіс морӧс бердас да окаліс. Найӧ кыкнанныс бӧрдісны.

Иоан 1:42

Ӧндрей вайӧдіс воксӧ Исус дінӧ. Исус видзӧдліс сы вылӧ да шуис: «Тэ Симон, Ионалӧн пи. Тэнад нимыд лоас Кифа». Сылӧн вежӧртасыс – из, мӧд ногӧн кӧ – Петыр.

Олӧм 25:31

Но Яков шуис: «Вузав меным ассьыд медводдза чужысьлысь нимтӧ».

Ӧксыяслӧн 4 небӧг 17:34

Самарияса олысьяс ӧнӧдз важ мозыс олӧны. Найӧ оз повны Господьысь, оз овны сійӧ индӧд-тшӧктӧмъясыс серти, мый серти Господь тшӧктыліс овны Яковсянь чужысьяслы. Сійӧ сетіс Яков рӧдлы Израиль ним

Ӧксыяслӧн 2 небӧг 12:25

Господь мӧдӧдіс Нафан пророкӧс, и Господьлӧн кыв серти сійӧ сетіс кагалы Едидий ним.

Ӧксыяслӧн 1 небӧг 26:25

Саул шуис Давидлы: «Бурсиӧма тэнӧ, Давид пиӧй. Тэ ыджыд уджъяс на вӧчан, и ставыс тэнад артмас». Сэсся Давид муніс аслас туйӧд, а Саул бӧр локтіс гортас.

Олӧм 32:24

Яков кольччис ӧтнас. Войнас Кодкӧ локтіс да кыа петтӧдз вермасис Яковкӧд.

Олӧм 31:24

Войнас узигас арамей Лаванлы петкӧдчис Ен. Сійӧ шуис: «Эн вид Яковӧс».

Лыд 13:16

Гад чужанкотырысь Макилӧн Геуэл пиыс.

Ӧксыяслӧн 3 небӧг 18:31

Сійӧ босьтіс дас кык из – Яковсянь петӧм чужанкотыръяслӧн лыдыс серти. Яковлы коркӧ Господь шуис: «Тэнад нимыд лоӧ Израиль».

Олӧм 33:20

Яков лэптіс сэтчӧ тшӧтш висьпуктанін да шыасис Израильлӧн Господь Ен дінӧ.

Олӧм 32:27

Мӧдыс юаліс: «Мый тэнад нимыд?» «Яков», – вочавидзис Яков.

1 Каднебӧг 1:34

Ӧвраамлӧн чужис Исаак. Исааклӧн вӧліны Исав да Израиль пиян.

Исай 43:1

Господь, коді вӧчис тэнӧ, Яков, коді вӧчис тэнӧ, Израиль, ӧні тадзи висьталӧ: – Эн пов, Ме ньӧби тэнӧ, чукӧсті тэнӧ нимнад, тэ – Менам.